Ma꞉tiu 13:11 - Panake Pi La: Ula: Buka pita: Kine Pieke Buka

¹¹ Yesuma꞉ ika꞉ pi hombo peaaso alota꞉ Mo hepenina꞉ Kilu Tombuao Hala꞉ ekina꞉ a꞉mbao ula꞉ hone manuta꞉ ikita꞉ opua hone wilimipate mo wanda꞉halita꞉ hone na wina꞉yeke onkoluma꞉ pi alome.

Ma꞉tiu 13:11 Mawu Ofanana

Ma꞉tiu 13:10

Koto hoki naneta꞉ mo disaipolo haliwekima꞉ Yesu pa꞉ta꞉ a꞉pa lota꞉ pitolo alota꞉ Nakana꞉ma꞉ do wanda꞉hali pa꞉ta꞉ pi alo hata꞉ta꞉ ekipeke onkoluma꞉ pima꞉ la halepe.

Ma꞉tiu 16:17

Yesuma꞉ ipiki pa꞉ta꞉ alota꞉ Saimono Dionina꞉ eiyekeo. Nakana꞉ma꞉ta꞉ epeke tupa꞉ hombo peaeme. Pa ekipeke do ota꞉ tikitikina꞉ hombo peae ekita꞉ hali ma꞉nda꞉ma꞉ na la kia꞉pate ya hepeni hala꞉ Apa꞉ma꞉ neke pa꞉ta꞉ tiki tiki kia꞉me.

Ma꞉tiu 19:11

Yesuma꞉ mo pi hombo peaaso alota꞉ Do walolo pita꞉ pa paeyaoma꞉ opua miniki hapeke na ya꞉la꞉pate pa mandaali epi Koda꞉ma꞉ kutu pina꞉ la꞉la꞉ haliwekima꞉ homeke opua miniki halimikie.

Ma꞉tiu 20:23

Yesuma꞉ ipiliki pa꞉ta꞉ alota꞉ I̱ma꞉ nolua꞉ kapona꞉ta꞉ ipilikana꞉ma꞉ ota꞉ nelipipikie. Pate ya popeke nane kiki pita꞉ hoeya꞉ nane kiki yaapo pa꞉ta꞉ ma꞉nda꞉ epi pitulu pa꞉la꞉ ekita꞉ laata꞉ I̱ma꞉ lapeke na ya꞉la꞉me. Koto ya Apa꞉ma꞉ wamo pea tikitiki yao ula꞉ pila꞉ ale yaapota꞉ mo ipika꞉ mulu pa꞉la꞉ hali yaapona꞉ ekie leekeme.

Maka 10:40

Kutu piliepate ya popeke nane kiki hoeya꞉ nane kiki yaapo pa꞉ta꞉ epima꞉ pitilipipikipe laata꞉ I̱ma꞉ lapeke na ya꞉la꞉me. Koda꞉ma꞉ ipika꞉ mulu pa꞉la꞉ hali pa꞉ta꞉ mo pitulu pa꞉la꞉ ale wamo peao ula꞉me. Koto ekina꞉ Koda꞉ma꞉ ipika꞉ mulu pa꞉la꞉ hali pa꞉ta꞉ halieke.

Maka 4:11

Ipikana꞉ma꞉ iki pa꞉ta꞉ alota꞉ Ikana꞉ma꞉ Koda꞉na꞉ Kilu Tombuao Hala꞉eki a꞉mbaala꞉ ekimanu handilimikie. Pate pa hao haleme wanda꞉hali pa꞉ta꞉ta꞉ onkoluma꞉ ala꞉ ekimanu homeke opilimikie.

Luku 8:10

Ipikana꞉ma꞉ ika꞉ pi hombo peaaso hata꞉ alota꞉ Koda꞉na꞉ Kilu Tombuao Hala꞉ ekina꞉ a꞉mbaala꞉eki manuta꞉ iki pa꞉ta꞉ amba꞉ wala꞉la꞉me. Pate mo mandane wanda꞉hali pa꞉ta꞉ta꞉ onkoluma꞉ pi homekema꞉ la halolome. Pa ekipeke. Ikana꞉ma꞉ handolo pelemepate na handena꞉ opulu pelemepate hone na wina꞉e leekeme.

Dioni 6:65

Ipikana꞉ma꞉ alota꞉ Hande iki pa꞉ta꞉ amba꞉ loa꞉ ekita꞉ do ekina꞉yeke loa꞉me. Hali ma꞉nda꞉ta꞉ hande Apa꞉ma꞉ na peaeya꞉ka꞉na꞉ta꞉ koto hali I̱ pa꞉ta꞉ a꞉pa꞉peke na ya꞉la꞉me leekeme.

Dioni 7:17

Hali epima꞉ Koda꞉na꞉ hone pa꞉la꞉ hau puluekema꞉ hone pia꞉ka꞉na꞉ta꞉ kutu pita꞉la꞉ halima꞉ta꞉ I̱ma꞉ do waloloeki Koda꞉na꞉eki kone walaasoeki make o yaka hone wia waloloeki make handa꞉ wilieke.

Aposolo 16:14

Wanda꞉ homeketa꞉ Lidiama꞉ mo Daetaeda daoni nane wanda꞉ a꞉pa wepiki alemanu hambo hatiki pina꞉ laata꞉ Koda꞉ pa꞉ta꞉ panda꞉puniao yeni pu haota꞉ nika꞉ pi opia꞉me. Poloma꞉ waleeke pi opina꞉yeke Tekehalima꞉ mo wanda꞉na꞉ puki la꞉ka꞉laeyekeme.

Loma꞉ 11:25

Ya kame titio. Pi homeke a꞉nda꞉ta꞉ a꞉mbao ula꞉me. Ikana꞉ma꞉ handoemena꞉yeke I̱ta꞉ hone pa꞉la꞉me. Kotoeki handemeka꞉na꞉ta꞉ kota꞉ ikana꞉ma꞉ ame do kone alota꞉ Nikita꞉ pita꞉la꞉ ekimanu paeyao handoloma꞉me pi paa na lelimikie. Koto a꞉mbao ula꞉ ekita꞉ dupa. Mo mandane Isulai wanda꞉halima꞉ pi na opiteleme ekita꞉ hoto paeyao na opu haluekema꞉ na pitelememe. Pua꞉tiki pua Koda꞉ma꞉ Diendaili wanda꞉hali mina꞉la꞉ tombo ana꞉na꞉ mia꞉ka꞉na꞉ta꞉ pilimikie.

Loma꞉ 16:25

Nikana꞉ma꞉ Koda꞉na꞉ pi laamana꞉e. Koda꞉ma꞉ mo amba꞉ kiake kone a꞉mbao wieke pa ame I̱ma꞉ walolo hande Yesu Ketisona꞉ Pi Seliapo pa꞉ta꞉ yama꞉ Koda꞉ma꞉ ika꞉ hone tulao haleme ekita꞉ ana꞉na꞉ taka꞉lao hamina꞉ lelieke. Koto walolo pita꞉ mo amba꞉ kiaake kone a꞉mbao wieke ota꞉ pie.

1 Kotindi 13:2

I̱ma꞉ta꞉ mo Koda꞉na꞉ pi la꞉ mea hala꞉la꞉ hauta꞉ wotu handolo hata꞉ pa mo Koda꞉ma꞉ a꞉mbao ula꞉ ekimanu make handa꞉ witolo hata꞉ mo hau paeyaona꞉ pea꞉peke ekimanu make handaata꞉ kutupa ya Koda꞉ pa꞉ta꞉ hone tulaaso ekima꞉ta꞉ mo potemanu kone pendilaapeke ya꞉la꞉ hali hata꞉ kone pa pukima꞉ homa꞉la꞉ hau na piki haowa꞉ka꞉na꞉ta꞉ kota꞉ I̱ta꞉ pa alema꞉ handeke hali halueke.

1 Kotindi 15:51

Do la kitoloma꞉ a꞉mbaasa꞉ pita꞉ opua꞉pe. Niki paeyao ota꞉ na homolo poloma꞉pate pa mo paeyaaso haena꞉ la꞉la꞉ ekina꞉ bu kanake litolo haya꞉ka꞉na꞉ta꞉ kota꞉

1 Kotindi 2:14

Koto poloma꞉pate hande Sipitidi na ma꞉la꞉ some epita꞉ mo hande Koda꞉na꞉ Sipitidima꞉ pa kita꞉la꞉ alemanu na mia꞉peke ya꞉la꞉me. Kutupiki someta꞉ hande Koda꞉na꞉ Sipitidima꞉ pa kita꞉la꞉ alemanu na minolo hata꞉ yalo Pa ekie laa hone na u hala꞉me.

1 Kotindi 2:7

Kutu pilia꞉pate I̱ma꞉ hande hone wotu witolo hata꞉ lo halo ekita꞉ mo Koda꞉na꞉ hone wotu wita꞉la꞉eki kone alopate pa do kenkena꞉ wanda꞉hali pa꞉ta꞉ta꞉ pa panka꞉ ala꞉ ekie. Amba꞉ do kenke ala꞉ta꞉ ala꞉ta꞉ paeyao a̱i̱ na wepiki hata꞉ kone Koda꞉ma꞉ mo ipika꞉ pa̱a̱ pa꞉la꞉ ekita꞉ niki handa꞉ mea poluekema꞉ do hande hone wotu wita꞉la꞉ ekita꞉ ipikana꞉ma꞉ amba꞉ hone wiekeme.

1 Kotindi 4:1

Ikana꞉ma꞉ niki pa꞉ta꞉ hone witolo hata꞉ hone dupa wia꞉pa꞉peke. Ikita꞉ Ketisona꞉ e pokaasoma꞉ haliweki hata꞉ta꞉ mo hande Koda꞉na꞉ a꞉mbao ula꞉ haumanu handeteke haleme haliwekie laa hone wia꞉pa꞉peke.

1 Kotindi 4:7

Neketa꞉ wanda꞉hali ankulao tieke halena꞉ epima꞉ mea haena꞉ la꞉la꞉pe. Naka꞉ wia haleeki paeyaota꞉ Koda꞉ma꞉ na kia꞉pe. Koto pa꞉la꞉eki ya꞉ka꞉na꞉ta꞉ kota꞉ nakana꞉ma꞉ta꞉ ya kone poloma꞉ ala꞉ halima꞉ laata꞉ naka꞉ biki kone ekipeke mea a꞉meiyaasepe.

Epesese 1:18

I̱ma꞉ yeni pu halo ekita꞉ ika꞉ hone lumbu wia ipika꞉ pa̱a̱ pa꞉la꞉eki handoemena꞉yeke pu halome. Kotoeki handemeka꞉na꞉ta꞉ Koda꞉ma꞉ ipika꞉ pi la꞉ witolo hata꞉ ipika꞉ wanda꞉hali wotu epeaalo pa꞉la꞉ ekimanu ota꞉ seliapo pikieki hone wilimikie.

Epesese 1:9

amba꞉ ipikana꞉ma꞉ do hau pulueke hone wiekeeki pa꞉la꞉me. Kutupata꞉ hande amba꞉ ipika꞉ a꞉mbao wieke honeta꞉ Ketisoma꞉ yaena꞉yeke koto make ame niki pa꞉ta꞉ peneme yaala꞉me.

Epesese 5:32

Do pi tieketa꞉ Baibolo bukama꞉ la kita꞉la꞉me. Kutupa yaka honema꞉ta꞉ Ketiso make ipika꞉ siosi wanda꞉hali ame̱le̱ hala꞉ ekina꞉ la꞉la꞉me hone witolopate pa

Epesese 6:19

Kutupa yaka biki make yeni pitolo hata꞉ Koda꞉ pa꞉ta꞉ hala꞉tiki pea꞉pa꞉peke. I̱ma꞉ta꞉ tikitiki yao hata꞉ mo hande Pi Seliapo a꞉mbao ula꞉ ekimanu handa꞉ wia honkopu hao wala꞉tiki pionoyeke Koda꞉ma꞉ kotoeki kina꞉ yeni pea꞉tiki pea꞉pa꞉peke.

Kolosi 2:2

I̱ma꞉ doeki pitolo ekita꞉ mo wanda꞉halima꞉ pukima꞉ homa꞉ alualu pitolo hata꞉ puki hana꞉ noka꞉pa꞉la꞉ ekima꞉ tumbina꞉ lena꞉ loluekema꞉ pitolome. Do pitolo ekita꞉ ikana꞉ma꞉ ota꞉ tikitiki piki hone wita꞉la꞉eki pa꞉ta꞉ yama꞉ a꞉pa꞉la꞉ hone tulaaseme honkopu muemena꞉ loa꞉me. Do hau pimika꞉na꞉ta꞉ Koda꞉na꞉ a꞉mbao ula꞉eki handilimikie. Do ekita꞉ Ketiso ipiki konee.

1 Timodi 3:16

Mo nika꞉ Ketiso hauna꞉ teketa꞉ ota꞉ hau tieke dia꞉me pita꞉ ma꞉nda꞉ma꞉ lapeke na ya꞉la꞉me. Do ekina꞉ alome. Ipikita꞉ ota꞉ halina꞉ loke kone mea opolo epeekeme. Mo hande Sipitidima꞉ ipika꞉ yako pa꞉la꞉ ekita꞉ ota꞉ ekie laa peneme waleekeme. Kutupa ipikita꞉ enisoloma꞉ make handeekeme. Ipika꞉ bikita꞉ mo tutu ma꞉nda꞉ ma꞉nda꞉ paeyao pa꞉ta꞉manu make walemekeme. Kutu pieketa꞉ mo kenke paeyao pa꞉ta꞉ haemeke wanda꞉halima꞉ ipiki pa꞉ta꞉ hone tulaemekeme. Kutaa ipikita꞉ Koda꞉ma꞉ oli ya nane hatuku mea peekeme.

1 Timodi 3:9

Kutupa hokeeki ika꞉ hone teke pa꞉ta꞉ na u pelia haena꞉ alo hata꞉ta꞉ mo wala꞉ tiaeyeke ota꞉ pimanu wotu miniki hao halimikie.

Dia꞉mesi 1:5

Iki pa꞉ta꞉ hali homekema꞉ epeke hone wita꞉la꞉eki yonka꞉laeya꞉ka꞉na꞉ta꞉ kota꞉ Koda꞉ pa꞉ta꞉ honke lea꞉ka꞉na꞉ta꞉ epelieke. Koda꞉ma꞉ta꞉ haliweki paeyao pa꞉ta꞉ ipika꞉ kiki tindipao hata꞉ haka꞉ta꞉pao halo hala꞉me. Kutupa mo hali pa꞉ta꞉ halieke.

1 Dioni 2:20

Kutu pimipate pa ya wekiwandikio. Ikita꞉ mo hande Ketisoma꞉ kua꞉neala꞉ Holi Sipitidi amba꞉ koto miniki halememe. Koto ekina꞉ iki paeyaoma꞉ta꞉ mo ota꞉ ekita꞉ hone wilimime.

1 Dioni 2:27

Koto pa꞉la꞉pate iki pa꞉ta꞉ta꞉ Ketisoma꞉ ipika꞉ Sipitidi amba꞉ ka꞉la꞉me. Koto ekina꞉ ipika꞉ Sipitidi iki pa꞉ta꞉ a꞉nda꞉ pita꞉ pelia haena꞉ta꞉ iki wala꞉peke some ma꞉nda꞉ta꞉ weiya꞉peke na ya꞉la꞉me. Pa ekipeke mo Sipitidima꞉ta꞉ iki pa꞉ta꞉ hau paeyao walieke. Kutupa ipikana꞉ma꞉ wala꞉la꞉ ekita꞉ yayapikieki dia꞉ya꞉la꞉pate ota꞉ekie. Koto ekina꞉ kota꞉ mo Sipitidima꞉ wala꞉la꞉eki opua pitolo hata꞉ make Ketiso pa꞉ta꞉ ta꞉ma꞉ni pu pelia hapeke ya꞉la꞉me.