Ma꞉tiu 12:44 - Panake Pi La: Ula: Buka pita: Kine Pieke Buka

⁴⁴ ipikana꞉ma꞉ Ya da nane paa la꞉ka꞉la polueke laa paa la꞉ka꞉la pua mo hande mina꞉pa꞉layeke data꞉ ma꞉nda꞉ na hake wamo pea bao epeke hau pea wilia꞉eki handilieke.

Ma꞉tiu 12:44 Mawu Ofanana

Ma꞉tiu 12:29

Honkopu hake somena꞉ data꞉ ma꞉nda꞉ma꞉ pa yamba꞉la honda꞉ pamba pua ipika꞉ alemanu mia꞉peke na ya꞉la꞉me. Pate ipikana꞉ma꞉ mo da tekehali amba꞉la mina tonkao wina꞉ laata꞉ kota꞉ ipika꞉ ula꞉ alemanu hone pa꞉la꞉ tupa꞉ talo pea mea pelieke.

Ma꞉tiu 12:43

Hoke temoko ma꞉nda꞉ hali ma꞉nda꞉na꞉ puki mina꞉pa꞉lao ala꞉ta꞉ ala꞉ta꞉ na opeke kenke tukiki pa꞉ta꞉ pominolo hata꞉ ipiki pita꞉peke epeke da panda꞉ ma꞉nda꞉ weiliepate pa na handa꞉ wia꞉ka꞉na꞉ta꞉

Ma꞉tiu 12:45

Kutupa ipika꞉ pu hala꞉ hoke haumanu ota꞉ lombei peao pu hake hoke mandane watake hata꞉ temokomanu ma꞉nda꞉ hatuku mea a꞉paata꞉ ipiki ame̱le̱ mo hande da pa꞉ta꞉ honda꞉ pamba hao halimikie. Kutu pimika꞉na꞉ta꞉ mo hande halima꞉ hande amba꞉ pieke hoke hau ota꞉ lombei peake hoke hau pilieke. Kutu piki hauta꞉ ame do haleme hoke wanda꞉hali pa꞉ta꞉ make opolo ipilieke alome leekeme.

Luku 11:25

ipikana꞉ma꞉ la꞉ka꞉la pua mo da a꞉pa handilia꞉pate ma꞉nda꞉ na hake wamo pea bao epeke tupa꞉ halia꞉eki handilieke.

Dioni 12:6

Do leeke pita꞉ nate hali wanda꞉hali pa꞉ta꞉ a꞉ta꞉ma꞉ homolo na leke pake hali hata꞉ leekeme. Mani pausata꞉ ipikana꞉ma꞉ miniki hata꞉ mea pomiekepate ipika꞉ hone wia yoka꞉ mea꞉tiki piekeme.

Dioni 13:2

Welealo nane Yesu ipika꞉ disaipolo haliweki ame̱le̱ ne no pitimikime. Isekatioti hali Saimonona꞉ eiyeke Diudasima꞉ta꞉ Yesu mina꞉yeke a꞉nda꞉ lombolo pieke honeta꞉ ipiki pa꞉ta꞉ Sadanima꞉ amba꞉ mea wiaeyekeme.

Dioni 13:27

Diudasima꞉ hande palaowa mieke pita꞉ kone Sadanita꞉ ipiki tukiki pa꞉ta꞉ pitulu epeekeme. Yesuma꞉ ipiki pa꞉ta꞉ alota꞉ Naka꞉ pulu peleeki a̱i̱ pua pea꞉peke leekeme.

1 Kotindi 11:19

Kutupa make mo mandane tekilipa ta꞉ta꞉ ta꞉ta꞉ pea halemeeki manuta꞉ ota꞉ hau piteleme wanda꞉hali peneme yaluekema꞉ pea꞉peke ya꞉la꞉ haue laa loa꞉me.

Epesese 2:2

Koto pita꞉ta꞉ ikana꞉ma꞉ do kenkena꞉ hoke hau pita꞉la꞉eki telia꞉ mea pu haota꞉ ya nane haleme wele pita꞉la꞉ temoko manuna꞉ teke halina꞉ pi opu haemekeme. Koto temokoma꞉ta꞉ Koda꞉na꞉ pi na opu haleme wanda꞉halita꞉ ipikana꞉ma꞉ handeteke hala꞉me.

1 Dioni 2:19

Koto wanda꞉halita꞉ ota꞉ nika꞉ homhomeke hone wia mombololoma꞉eki tukiki pa꞉ta꞉ epea꞉pate pa na apa꞉taememe. Koto ekina꞉ ikana꞉ma꞉ niki mina꞉pa꞉lalememe. Iki a꞉nda꞉ nika꞉ mombololoma꞉eki pa꞉ta꞉ apa꞉taemekena꞉ yoluta꞉ kota꞉ niki ame̱le̱ mandakena꞉ halo pimime. Pate ika꞉ pa mina꞉pa꞉laemeketa꞉ ota꞉ ma꞉nda꞉ hondo niki ame̱le̱ na apa꞉talemeeki peneme yaasememe.

1 Dioni 4:4

Pate yaka wekiwandikio. Ikita꞉ Koda꞉na꞉ ekie. Kutupa mo makeaaso potopede manuta꞉ amba꞉ bepolalememe. Pa ekipeke mo iki pa꞉ta꞉ pila꞉ Sipitidita꞉ do kenkena꞉ wanda꞉hali tukiki pa꞉ta꞉ pila꞉ sipitidi tupa꞉ dia꞉me. Iki pa꞉ta꞉ pila꞉ Sipitidita꞉ wele wopu pikieki pileke loa꞉me.