Ma꞉tiu 12:41 - Panake Pi La: Ula: Buka pita: Kine Pieke Buka

⁴¹ Mo Koda꞉na꞉ pi yokaalu pulu pa꞉la꞉ nate opolo epea꞉ka꞉na꞉ta꞉ mo hande Ninipa wanda꞉halima꞉ Dionana꞉ waleeke pi opua ika꞉ hoke hau mina꞉pa꞉lao puki la꞉ka꞉la haemeke handaata꞉ ikana꞉ma꞉ tiao hata꞉ iki la꞉ mea lopaalieke alome. Pa ekipeke. Ameta꞉ iki pa꞉ta꞉ta꞉ mo hande Diona ota꞉ lombei piki hali ma꞉nda꞉ ta a꞉pa hala꞉ handepe.

Ma꞉tiu 12:41 Mawu Ofanana

Ma꞉tiu 12:39

Yesuma꞉ koto lemeke pi opuolo alota꞉ A꞉pei do hoke hau pu haluekema꞉ Koda꞉ kiao haleme wanda꞉halio pa ekipeke handaa mo na handeke hau ma꞉nda꞉ handuluekema꞉ alemepe. Dia꞉me. Mo amba꞉ hande Diona pa꞉ta꞉ pieke yeke na handeke pate hau homeke waloa꞉ka꞉na꞉ta꞉ handilimikie.

Ma꞉tiu 12:42

Mo Koda꞉na꞉ pi yokaalu pulu pa꞉la꞉ nate opolo epea꞉ka꞉na꞉ta꞉ mo hande Siba kenkena꞉ kuini wanda꞉ta꞉ mo hande hone wopu wieke kini hali Solomonoma꞉ leeke epeke mana꞉ pimanu opuluekema꞉ papate hao epeeke handaata꞉ ipikana꞉ma꞉ tiao hata꞉ iki la꞉ mea lopaalieke. Pa ekipeke. Ameta꞉ iki pa꞉ta꞉ta꞉ mo hande Solomono ota꞉ lombei piki hali ma꞉nda꞉ ta a꞉pa hala꞉ handa꞉pe.

Ma꞉tiu 12:45

Kutupa ipika꞉ pu hala꞉ hoke haumanu ota꞉ lombei peao pu hake hoke mandane watake hata꞉ temokomanu ma꞉nda꞉ hatuku mea a꞉paata꞉ ipiki ame̱le̱ mo hande da pa꞉ta꞉ honda꞉ pamba hao halimikie. Kutu pimika꞉na꞉ta꞉ mo hande halima꞉ hande amba꞉ pieke hoke hau ota꞉ lombei peake hoke hau pilieke. Kutu piki hauta꞉ ame do haleme hoke wanda꞉hali pa꞉ta꞉ make opolo ipilieke alome leekeme.

Ma꞉tiu 12:6

Pate mo koto tembolo da ota꞉ lombei piki ala꞉ta꞉ ma꞉nda꞉ homeke do a꞉pa ula꞉me laa iki pa꞉ta꞉ alome.

Ma꞉tiu 16:4

A꞉pa꞉e. Do you hoke wanda꞉halima꞉ta꞉ ekipeke handaa mo na handeke hau ma꞉nda꞉ handuluekema꞉ alemepe. Dia꞉me. Mo amba꞉ hande Diona pa꞉ta꞉ pieke yeke na handeke hau homeke waloa꞉ka꞉na꞉ta꞉ handilimikie. Koto laata꞉ iki mina꞉pa꞉lao peekeme.

Ma꞉tiu 17:17

Yesuma꞉ ipika꞉ pi hombo peaaso alota꞉ Koto wanda꞉halita꞉ hone wopu na tulaake ota꞉ puki taka꞉lake wanda꞉halie. I̱ta꞉ iki pa꞉ta꞉ hao pua hando natena꞉ hao na lua꞉pe. I̱ma꞉ iki pa꞉ta꞉ a꞉ta꞉ma꞉ homolo hata꞉ pa pu hamena꞉ kiaota꞉ hando natena꞉ tunkulua꞉pe laata꞉ Mo wekita꞉ I̱ pa꞉ta꞉ mea epoe leekeme.

Ma꞉tiu 23:36

I̱ma꞉ ota꞉ ota꞉ pi alome. Mo hande pa hameke limikieki paeyaona꞉ hoke yenki paeyaota꞉ do ame haleme wanda꞉hali pa꞉ta꞉ ipilieke laa leekeme.

Luku 11:32

Mo hande pi yokaalu pulu pa꞉la꞉ nate opolo epea꞉ka꞉na꞉ta꞉ Ninipa wanda꞉halima꞉ tiao hata꞉ ika꞉ hoke hauna꞉ ma̱leke lilimikie. Ekipeke. Dionama꞉ pi waleeke dina꞉ta꞉ koto wanda꞉halima꞉ ika꞉ hoke hoke haumanu hoki walemekeme. Koto pa꞉la꞉ ekina꞉ I̱ma꞉ iki pa꞉ta꞉ alome. Ameta꞉ Diona ankulala꞉ ale ma꞉nda꞉ a꞉pa꞉la꞉me leekeme.

Dioni 3:31

Oli manda hao a꞉pa꞉la꞉ halita꞉ paeyao pa꞉ta꞉ manda halieke. Kenkena꞉ hao a꞉pa꞉la꞉ halima꞉ta꞉ kenkena꞉ hali hata꞉ kenke pimanu lelieke. Oli manda hepeni nane hao a꞉pa꞉la꞉ halima꞉ta꞉ paeyao manda hata꞉ta꞉

Dioni 4:12

Nika꞉ apa꞉mei Dieikopema꞉ta꞉ do naku ikali niki pa꞉ta꞉ ka꞉la꞉me. Do ikalita꞉ ipikana꞉ma꞉ make ipika꞉ eiyeke titima꞉ make ipika꞉ ma꞉na꞉ manuma꞉ make na꞉tiki pu haemekeme. Neketa꞉ Dieikope ankulaluekema꞉ alepe leekeme.

Loma꞉ 2:27

Koto ekina꞉ Diendaili haliwekima꞉ta꞉ sekemesaisi hau na piki hata꞉ kone hande Lo Pimanu opua miniki hata꞉ pu haleme ekina꞉ Diu wanda꞉hali kiki ma̱leke lilieke. Pa ekipeke ikana꞉ma꞉ta꞉ hande wape peaala꞉ Lo Pimanu miniki hata꞉ make sekemesaisi hau peaala꞉eki pea hata꞉ make pa yambolo haleme ekina꞉ kiki ma̱leke lilimikie.

Hibulu 11:7

Koda꞉ma꞉ wetepe epolo pieke hau manuta꞉ Noa pa꞉ta꞉ kinki piekeme. Koto hau manuta꞉ Noama꞉ handa꞉peke na yekepate kone ipika꞉ hone tulaaso hata꞉ Koda꞉na꞉ pi opiekeme. Koto leeke Koda꞉na꞉ kakena꞉ homolo mo wepie leeke kawaso tieke wepiekeme. Koto kawasoma꞉ta꞉ ipiki make ipika꞉ wekiwanda꞉ make peteleekeme. Noama꞉ mo hande Koda꞉ma꞉ leeke pi telia pieke handaa Koda꞉ma꞉ mo hone tulaasemeke hala꞉la꞉ tikitiki piki hauta꞉ Noa pa꞉ta꞉ haleekepate paa pa haemeke mandane wanda꞉hali paeyaota꞉ ota꞉ hoeyaeyekeme.