Ma꞉tiu 12:4 - Panake Pi La: Ula: Buka pita: Kine Pieke Buka

⁴ Ipikana꞉ma꞉ Koda꞉na꞉ da tukiki pa꞉ta꞉ honda꞉ pambaata꞉ mo Koda꞉ pa꞉ta꞉ wieke palaowa meata꞉ ipika꞉ haliweki ame̱le̱ nemekeme. Koto wanda꞉halima꞉ naama꞉na꞉ pi wieke palaowata꞉ mo yeni peao haemeke da handeteke haemeke haliwekima꞉ homeke napeke yeekeeki kone ikana꞉ma꞉ mea nemekeme.

Ma꞉tiu 12:4 Mawu Ofanana

Ma꞉tiu 12:3

Yesuma꞉ ika꞉ pi hombo peaaso alota꞉ Mo hande Deipidi ipika꞉ haliweki ame̱le̱ iki tea꞉ma꞉ homemeke natena꞉ta꞉ Deipidima꞉ pieke ekita꞉ hoto homeke a꞉nda꞉na꞉ na yata꞉pa handemepe.

Ma꞉tiu 12:5

Kutupa pi ma꞉nda꞉ mo hande Mosesina꞉ wape pa꞉la꞉ Lo Pi ula꞉ tameiya꞉ pa꞉ta꞉ta꞉ mo hande yeni peao haleme haliwekima꞉ mo Hoto Pila꞉ nate paeyao nina꞉ koto natena꞉ pi ula꞉eki yamba꞉la꞉tiki pu halemepate ikana꞉ma꞉ ata꞉ka꞉ na pea꞉tiki pu halememe. Kutu piki wape ma꞉nda꞉ a꞉nda꞉ na yata꞉pemepe.

Maka 2:26

Deipidi ipiki ame̱le̱ haemeke haliwekita꞉ ka꞉nda꞉ma꞉ homolo hata꞉ tea꞉ma꞉ homemekeme. Koto ekina꞉ Koda꞉ pa꞉ta꞉ hayeke da tukiki pa꞉ta꞉ honda꞉ pambaata꞉ Koda꞉ pa꞉ta꞉ wieke palaowa naaka꞉na꞉ta꞉ yeni peao haemeke haliwekima꞉ homeke napeke yeeke palaowa kone naaka꞉na꞉ta꞉ ipiki ame̱le̱ haemeke haliweki make mea haleekeme leekeme. Abaiya꞉ta꞉ma꞉ mo yeni peao haemeke haliwekina꞉ you hali hayeke pita꞉ pimikime. Kutu pieke ekita꞉ na yata꞉pemepe leekeme.

Luku 6:4

Ipikana꞉ma꞉ mo Koda꞉na꞉ da tukiki pa꞉ta꞉ honda꞉ pamba puaata꞉ mo wanda꞉halima꞉ Koda꞉ pa꞉ta꞉ halemeke palaowa pua mea neekeme. Kutupa ipiki ame̱le̱ haemeke haliweki make mea haleekeme. Kutu piekepate mo wape pea ula꞉ Lo Pi manuma꞉ alota꞉ Do palaowata꞉ wanda꞉hali ma꞉nda꞉ma꞉ na napa꞉peke ya꞉la꞉pate ota꞉ mo yeni peao haemeke da handeteke haemeke haliwekima꞉ homeke napa꞉peke ya꞉la꞉me la꞉la꞉me laata꞉

Hibulu 9:2

Ikana꞉ma꞉ palai da homeke a꞉eyaa haena꞉ lemekeme. Mo data꞉ tupele pu alu pimikime. Mineke da panda꞉na꞉ bikita꞉ Yako Piki Da Panda꞉e. Koto pa꞉ta꞉ta꞉ ola꞉pake keo panka꞉la꞉ ale make teipolo make kutupa mo teipolo mandata꞉ mo Koda꞉ pa꞉ta꞉ hala꞉la꞉ palaowa kitiki make wiekeme.