Ma꞉tiu 12:32 - Panake Pi La: Ula: Buka pita: Kine Pieke Buka

³² Mandali epita꞉ mo Wanda꞉halina꞉ Eiyekena꞉ biki pa꞉ta꞉ pi lea꞉ka꞉na꞉ta꞉ kota꞉ koto hoke pi aleme ekita꞉ Koda꞉ma꞉ ana꞉na꞉ paeyaapeke ya꞉la꞉pate pa mo Holi Sipitidi hoeyaaluekema꞉ pi ma꞉nda꞉ lea꞉ka꞉na꞉ta꞉ kota꞉ ipika꞉ ekita꞉ Koda꞉ma꞉ ame do make wetepe make ota꞉ na paeyawalieke.

Ma꞉tiu 12:32 Mawu Ofanana

Ma꞉tiu 11:19

Pate Wanda꞉halina꞉ Eiyeke a꞉pa ikali ne yaapo no hayeke ekita꞉ koto wanda꞉halima꞉ kone handolo alota꞉ Do hali handa꞉pe. Ipikita꞉ ikali ne wopu no hake some ya꞉ka꞉ta꞉me. Kutupa ipikita꞉ mo hande dakisi mu make hoke hau pu haleme haliweki ame̱le̱ apa꞉taala꞉me lemekeme. Kota꞉ mo hone wiki hauma꞉ta꞉ ipika꞉ pu hala꞉eki manuma꞉ ipika꞉ honeta꞉ ota꞉ epeke hone o hoke hone laa pa peneme yaasa꞉me.

Ma꞉tiu 12:31

Koto ekina꞉ta꞉ I̱ma꞉ iki pa꞉ta꞉ dupa alome Wanda꞉halima꞉ pimiki hoke haumanu make hoke hoke pimanu lo haleme ekimanu make kotoeki paeyao Koda꞉ma꞉ pa paeyaapeke ya꞉la꞉pate pa hali epima꞉ mo Holi Sipitidina꞉ biki hoeyaeya꞉ka꞉na꞉ta꞉ kota꞉ Koda꞉ma꞉ ipika꞉eki ota꞉ na paeyaalieke.

Ma꞉tiu 12:8

Pa ekipeke mo Wanda꞉halina꞉ Eiyeketa꞉ mo Hoto Pila꞉ natena꞉ handeteke hala꞉ tekehali kone hala꞉me alome laa leekeme.

Ma꞉tiu 13:22

Kutupa mo hande tekeke hake pu polu pa꞉ta꞉ lopeeke wae alemanu tupa꞉ta꞉ mandane wanda꞉halima꞉ pi epeke tupa꞉ opua miniki halemepate do kenkena꞉ haumanu pa꞉ta꞉ hone tieke eleke eleke wopu witelemeeki pita꞉ mani tieke wopu amu pulueke hone witelemeeki yaapoma꞉ Koda꞉na꞉ pi tombuatiki pina꞉ lea꞉ka꞉na꞉ta꞉ epeke kilikimanu na a꞉ilimikie.

Ma꞉tiu 13:39

Kutupa mo hande hoke wae tande leeke a꞉nda꞉ tunkuliki some tupa꞉ta꞉ Sadanie. Mo napeke momba꞉lapeke nate tupa꞉ta꞉ do kenke paelo pa꞉la꞉ekie. Kutupa napeke mombeleeke haliweki tupa꞉ta꞉ mo hande enisolo haliwekie.

Ma꞉tiu 13:40

Pa mo hande hoke ambumanu yoka mea tonkao pua tina꞉ momba꞉la yankolo pieke tupa꞉ta꞉ kota꞉ do kenke ya paelia꞉ dina꞉ make mandake hau kone pilieke.

Ma꞉tiu 13:55

Ipikita꞉ mo hande da a꞉eta꞉la꞉ halina꞉ eiyeke kutupa ipika꞉ inkikita꞉ Meti dia꞉yeke yekea. Ipikita꞉ mo hande Dia꞉mesi Diosepe Saimono Diudasi do hama̱la̱꞉ hama̱la̱꞉na꞉ hameke dia꞉yeke yekea.

Ma꞉tiu 8:20

Yesuma꞉ ipika꞉ pi hombo peaaso alota꞉ Keao hala꞉ kika manuma꞉ kone ika꞉ polu peleme ale ula꞉me. Kutaa ba manuma꞉ make ika꞉ pelia꞉pa꞉peke dakemanu hao hala꞉me. Pate mo Wanda꞉halina꞉ Eiyekema꞉ ipika꞉ you wia pelia꞉peke da panda꞉ ma꞉nda꞉ na ula꞉me.

Maka 3:28

Iki pa꞉ta꞉ ota꞉ pi alome. Kenke wanda꞉halima꞉ hoke hau peleme ekimanu paeyao make ika꞉ Koda꞉na꞉ biki lo hoeyaaseme ekimanu make Koda꞉ma꞉ paeyaapeke ya꞉la꞉pate hali epima꞉ Holi Sipitidina꞉ biki lo hoeyaeka꞉na꞉ta꞉ Koda꞉ma꞉ koto ekita꞉ ota꞉ paeya wahapeke na ya꞉la꞉me leekeme. Koto hoke hauta꞉ hoto paeyao pa u halieke leekeme.

Luku 12:10

Ma꞉nda꞉ epima꞉ Wanda꞉halina꞉ Eiyeke pa꞉ta꞉ hoke pimanu lea꞉ka꞉na꞉ta꞉ kota꞉ koto ekita꞉ pa paeyaapeke ya꞉la꞉pate pa ma꞉nda꞉ epima꞉ Holi Sipitidi kitake hoke pimanu lea꞉ka꞉na꞉ta꞉ kota꞉ koto ekita꞉ ota꞉ na paeyawalieke.

Luku 16:8

Kutu pieke handa wetepena꞉ mo hande you hali tiekema꞉ mo hande e handeteke hayeke halima꞉ta꞉ hone wotu wiki halina꞉ hau tupa꞉ pieke ekina꞉ta꞉ ipika꞉ biki anekema꞉ mina꞉liaeyekeme. Pa ekipeke. Do kenkena꞉ hau pu haleme wanda꞉halita꞉ ika꞉ e pokuluekema꞉ta꞉ hone wotu wia pokolo hata꞉ta꞉ mo pa̱a̱ piki hau pu haleme wanda꞉halita꞉ lu ankulao halememe leekeme.

Luku 18:30

kota꞉ ame do kenkena꞉ haena꞉ kone ala꞉ta꞉ ala꞉ta꞉ paeyao haka꞉ta꞉pao meaata꞉ wetepena꞉ ipilia꞉ natena꞉ta꞉ deto hala꞉ ekita꞉ milieke leekeme.

Luku 23:34

Yesuma꞉ alota꞉ Apa꞉o. Do wanda꞉halima꞉ piteleme hauta꞉ iki hone na witolo pitelemema꞉ nakana꞉ma꞉ pa paeyawapeke leekeme. Kutupa mo dolo miniki haliwekima꞉ta꞉ Yesuna꞉ daumanu telipaaluekema꞉ kase tupa꞉ telepo laemekeme.

Luku 7:34

Koto lemepate mo Wanda꞉halina꞉ Eiyeke ipiki a꞉paata꞉ ne make ikali a꞉pa na꞉tiki pieke handaata꞉ ikana꞉ma꞉ alota꞉ Do hali handa꞉pa꞉ ikali ne wopu no hake some ya꞉ka꞉ta꞉me. Kutupa ipikita꞉ mo dakisi mani mu haleme haliweki make mo wanda꞉halima꞉ ta꞉na꞉ma꞉ na homeleme tapekena꞉ yankeke hala꞉me laa lememe

Dioni 7:12

Mo wanda꞉hali paeyaoma꞉ Yesu pa꞉ta꞉ pi alo hata꞉ hambiliki hambilikima꞉ pimikime. Mandane wanda꞉halima꞉ta꞉ Ipikita꞉ epeke halie lemekepate mandane wanda꞉halima꞉ta꞉ Dia꞉me laa Wanda꞉hali pa꞉ta꞉ ya pi lo hala꞉ halie lemekeme.

Dioni 7:39

Yesuma꞉ koto leeke ekita꞉ Holi Sipitidi pa꞉ta꞉ kone leekeme. Ipiki pa꞉ta꞉ hone tulao haemeke wanda꞉halima꞉ mo Holi Sipitidi muluekema꞉ haena꞉ leekeme. Koto natena꞉ta꞉ Yesuma꞉ ipika꞉ halo pieke kapu tieke a̱i̱ dia꞉yeke handaa mo Holi Sipitidi a̱i̱ na epena꞉ leekeme.

Dioni 7:52

Mo haliwekima꞉ ipiki lu pambaaso alota꞉ Neke make mo hande Ka꞉lili hali yekea. Mo Baibolo buka yata꞉pata꞉ mo Koda꞉na꞉ potopede hali ma꞉nda꞉ta꞉ oli Ka꞉lili nane hao epolo pa꞉la꞉eki na handilipikie lemekeme.

Aposolo 3:19

Koto pa꞉la꞉ ekina꞉ ika꞉ hoke hau peleme ekimanu Koda꞉ma꞉ honi mea baena꞉yeke ikana꞉ma꞉ hone ma꞉nda꞉ la꞉ka꞉la꞉ mina wiaata꞉ Koda꞉ pa꞉ta꞉ la꞉ka꞉la꞉ mina pua꞉pa꞉peke.

Epesese 1:21

Ketisoma꞉ta꞉ oli hepeni kilu tumbuao hata꞉ koto nane haleme you haliweki make biki ula꞉ haliweki make wele pita꞉la꞉ ekimanu make teke haliweki make paeyao ipikana꞉ma꞉ lu tombuao pila꞉me. Do kenke ya yaapo pa꞉ta꞉ biki tieke ula꞉ haliweki paeyao mandata꞉ ame make wetepena꞉ make Ketiso homeke pila꞉me.

1 Timodi 1:13

Amba꞉ta꞉ I̱ma꞉ ota꞉ Ketisona꞉ biki hoke pi pi alo hata꞉ make ipika꞉ wanda꞉hali ka꞉nda꞉ma꞉ homa꞉ tiao make iki tekipuleke laasa꞉ hali haowa꞉me. Kutu pua꞉ ekita꞉ I̱ma꞉ Ketiso pa꞉ta꞉ hone na tulao make mo pua꞉ ekina꞉ teketa꞉ hone wopu na wiki hata꞉ pueke handaa Koda꞉ma꞉ I̱ pa꞉ta꞉ a꞉ta꞉ma꞉ homeekeme.

1 Timodi 1:15

Ota꞉ opua hone tulaapeke ya꞉la꞉ ota꞉ pi ma꞉nda꞉ta꞉ dupa. Ketiso Yesuma꞉ hoke hau pu haloma꞉ wanda꞉hali da꞉taaluekema꞉ yeke do kenkena꞉ epeekeme. Koto ekina꞉ mo hoke hau wopu pita꞉la꞉ halita꞉ I̱ ya꞉pate

1 Timodi 4:8

Lokena꞉ moka꞉la꞉ hande hande pita꞉la꞉eki manuma꞉ta꞉ niki pa hosikima꞉ epeaaliepate pa Koda꞉na꞉ hau puluekema꞉ moka꞉la꞉ hande hande pita꞉la꞉eki manuma꞉ta꞉ niki ota꞉ epeaalieke. Pa ekipeke. Koto hauma꞉ta꞉ ame do nika꞉ kenkena꞉ haloma꞉eki make wetepe da꞉taa halo poloma꞉eki make ana꞉lawalieke.

1 Timodi 6:17

Mo kenke ala꞉ta꞉ ala꞉ta꞉na꞉ hamoko haseme wanda꞉hali pa꞉ta꞉ta꞉ dupiki pi la wia꞉peke. Ika꞉ hakoko na lu make mo a̱i̱ paelo pa꞉la꞉ kenke ale manuna꞉ hone na ti lao hao hapa꞉peke. Kotoeki na pikita꞉ niki ta꞉na꞉ma꞉ homomono epeke alemanu ku hala꞉ Koda꞉ pa꞉ta꞉ hone ti lao hapa꞉peke lapeke.

2 Timodi 4:10

Dimasita꞉ do kenkena꞉ hauna꞉ hone wopu pieke ekima꞉ I̱ na leeke mina꞉pa꞉lao mo Desalonaika da nane pua hala꞉me. Ketesinisita꞉ Ka꞉leisia kenke nane pua hala꞉me. Taitasita꞉ mo Da꞉lemeisia kenke nane pua hala꞉me.

Taitasi 2:12

Koto a꞉ta꞉ma꞉ homo tamba꞉ mina꞉la꞉ ekima꞉ walota꞉ pa nikana꞉ma꞉ Koda꞉ hoki nane yao nika꞉ hoke hone pa꞉la꞉ haumanu pitoloma꞉eki make do kenkena꞉ hoke hone pa꞉la꞉ haumanu pitoloma꞉eki make kiaamono pa꞉la꞉me. Koto pa꞉la꞉ ekina꞉ta꞉ ame do kenkena꞉ hata꞉ta꞉ nika꞉ hone handeteke hata꞉ make tondepe pea hata꞉ make Koda꞉na꞉ hau hone witolo hata꞉ make kutu pitolo hata꞉

Dia꞉mesi 1:27

Hoe ma꞉nda꞉ na piki ota꞉ Ketiso tikitiki hauta꞉ nika꞉ Apa꞉ Koda꞉ma꞉ta꞉ dupae ala꞉me. Pa haleme weki wandiki make kineke wanda꞉sunu make ika꞉ ka꞉nda꞉ma꞉ homelemeeki handaata꞉ tamba꞉ mina꞉la꞉eki mea꞉peke ya꞉la꞉me. Kutupa make mo kenke hauma꞉ na hoeyaena꞉ aloma꞉ ekina꞉ ala꞉me.