Ma꞉tiu 12:24 - Panake Pi La: Ula: Buka pita: Kine Pieke Buka

²⁴ Do lota꞉ lota꞉ pimiki pimanu opua mo Pa꞉tisi haliwekima꞉ hombo peaaso alota꞉ Do somema꞉ hoke temokomanu tolu hala꞉ ekita꞉ mo hoke temoko paeyaona꞉ you temoko Bielisibuluna꞉ welema꞉ kone pia꞉ka꞉ta꞉me lemekeme.

Ma꞉tiu 12:24 Mawu Ofanana

Ma꞉tiu 10:25

Koto ekina꞉ta꞉ mo sukulu pita꞉la꞉ wekima꞉ta꞉ ipika꞉ hone pa꞉ta꞉ta꞉ Yaka disa some tupa꞉ halueke laa hone pia꞉ka꞉na꞉ta꞉ kota꞉ ana꞉ pilieke. Koto tupa꞉ kone mo e pokaasa꞉ somema꞉ make Ya e teke hali tupa꞉ kone halueke laa hone pia꞉ka꞉na꞉ta꞉ kota꞉ koto make ana꞉ pilieke. Wanda꞉halima꞉ mo da homeke pa꞉ta꞉ pambo haleme tapakena꞉ Ateke pa꞉ta꞉ mo hande hoke biki Bielisibulu la꞉ wiaemeka꞉na꞉ta꞉ kota꞉ ipika꞉ wekiwandiki pa꞉ta꞉ make koto biki ota꞉ lombei piki ota꞉ hoke bikimanu kone la꞉tiki pilimikie.

Ma꞉tiu 9:32

Mo hande leke holu piki hali yaapo mo da mina꞉pa꞉lao pulu haena꞉ta꞉ pa mandane wanda꞉halima꞉ pi na leke hali homeke Yesu pa꞉ta꞉ hatuku epemekeme. Mo halina꞉ pi na leeke ekita꞉ hoke temoko pita꞉ piekeme.

Ma꞉tiu 9:34

Koto lemekepate mo hande Pa꞉tisi haliwekima꞉ alota꞉ Do somema꞉ta꞉ mo hande hoke you temokona꞉ wele mea koto hande hoke temokomanu tolu lia pia꞉ka꞉ta꞉me.

Maka 3:22

Mandane wape pea wala꞉tiki pu haemeke haliwekima꞉ Diutuseleme da nane hao a꞉pa Yesu hayeke alena꞉ pua alota꞉ Bielisibuluma꞉ Yesuna꞉ lokena꞉ talolo pa꞉la꞉me laa Ipikana꞉ma꞉ hoke temoko manuna꞉ you halina꞉ wele pita꞉la꞉ ekima꞉ hoke temokomanu tolu lina꞉ pia꞉me lemekeme.

Luku 11:14

Hali ma꞉nda꞉ta꞉ pi na leke hoke temoko pitiki hali hayeke Yesuma꞉ mo hoke temoko tolu lieke handa mo halima꞉ pi lombo leekeme. Kutu pieke handa wanda꞉hali paeyaoma꞉ tola꞉tia pomimikipate

Luku 11:15

mandane wanda꞉halima꞉ alota꞉ Ipikana꞉ma꞉ mo hande hoke temoko manuna꞉ you hali Bielisibuluna꞉ wele pita꞉la꞉eki mea hoke temokomanu tolu lita꞉la꞉me lemekeme.