Ma꞉tiu 12:18 - Panake Pi La: Ula: Buka pita: Kine Pieke Buka

¹⁸ Do ya e pokaasa꞉ halita꞉ I̱ma꞉ ma̱leke lia do haena꞉ lolome. I̱ma꞉ ipikita꞉ pukima꞉ wopu homo hata꞉ ya pukima꞉ ta꞉na꞉ wopu pa꞉la꞉me. Ya temokota꞉ ipiki tukiki pa꞉ta꞉ pitina꞉ tapaalueke. Kutu poa꞉ka꞉na꞉ta꞉ ipikana꞉ma꞉ mo kenke paeyaona꞉ haleme tapake paeyao pa꞉ta꞉ ya tiki tiki peaasa꞉ pimanu la hawalieke.

Ma꞉tiu 12:18 Mawu Ofanana

Ma꞉tiu 12:17

Ipikana꞉ma꞉ kutu piki hauta꞉ Koda꞉ma꞉ mo hande potopede hali Aisaya pa꞉ta꞉ yama꞉ la꞉ wieke yekeeki peneme yaaluekema꞉ pate piekeme. Aisayama꞉ wape pieke pi manuta꞉ dupa la꞉la꞉me.

Ma꞉tiu 17:5

Kutu piki pi alo haena꞉ta꞉ mo pa̱a̱ piki koa ma꞉nda꞉ma꞉ iki a꞉pa tu peaaso haena꞉ mo koa tukiki pa꞉ta꞉ pi ho̱la̱꞉makema꞉ alota꞉ I̱ma꞉ koto yaka puki piki weki pa꞉ta꞉ ta꞉na꞉ wopu homolome. Ipika꞉ pi opua꞉pa꞉pekee la꞉niaeyekeme.

Maka 1:11

Kutupa pi ho̱la̱꞉makema꞉ ya nane hata꞉ la꞉niaeyeke pita꞉ dupae. Neketa꞉ ya pukipiki wekie. Neke pa꞉ta꞉ I̱ma꞉ ta꞉na꞉ma꞉ wopu homolome laa la꞉niaeyekeme.

Maka 9:7

Kutupa koama꞉ iki tu̱ peaaso haena꞉ mo koa tukiki pa꞉ta꞉ pi ho̱la̱꞉makema꞉ la꞉niaeyekeme dupa. Kotota꞉ yaka puki piki wekie. Ipika꞉ pi opua꞉pa꞉peke la꞉niaeyekeme.

Luku 23:35

Mo wanda꞉halima꞉ handolo haena꞉ mo Diu wanda꞉halina꞉ you haliwekima꞉ Yesu kitaaso hata꞉ dupa lemekeme. Mandane wanda꞉halita꞉ pa꞉ta꞉la꞉tiki piekepate ipikita꞉ hande Koda꞉ma꞉ ma̱leke lila꞉ Ketiso haya꞉ka꞉na꞉ta꞉ kota꞉ ipika꞉ kone petelena꞉e lemekeme.

Luku 3:22

mo Holi Sipitidita꞉ ba melipuma꞉ handekeeki hola꞉pa꞉niao Yesuna꞉ lokena꞉ a꞉pa holopeekeme. Kutaa oli ya nanema꞉ pi ho̱la̱꞉make homekema꞉ pi alo alota꞉ Neketa꞉ ota꞉ yaka puki piki wekie. Yaka pukima꞉ neke pa꞉ta꞉ ta꞉na꞉ma꞉ wotu homolome leekeme.

Luku 4:18

I̱ma꞉ natehali wanda꞉hali pa꞉ta꞉manu mo Pi Seliapomanu laanoyeke mo I̱ mea haena꞉ la꞉la꞉ Tekehalima꞉ ipika꞉ Sipitidi I̱ yaapo hala꞉me. Ipikana꞉ma꞉ I̱ tapaala꞉ ekita꞉ mo dipula pila꞉ wanda꞉hali ikita꞉ ka꞉la꞉pa꞉ tapao halememe lono make mo leke holupiki wanda꞉hali ikita꞉ ika꞉ leke manuma꞉ paa handilimikie laa lonoyeke tapaala꞉me. Kutupa make mo ika꞉ ka꞉nda꞉ manuma꞉ kone tekepa꞉ta꞉ hoeyaapeke ya꞉la꞉ wanda꞉hali ka꞉la꞉pa꞉ tapawano make

Luku 9:35

Mo koa tukiki pa꞉ta꞉ pi ho̱la̱꞉makema꞉ la꞉niaaso hata꞉ alota꞉ Do ya wekita꞉ I̱ma꞉ kiki ma̱leke lulu wekima꞉ pa꞉la꞉me. Ipika꞉ pi opua꞉pe laa la꞉niaeyekeme.

Dioni 3:34

Koda꞉ma꞉ tapaala꞉ halima꞉ta꞉ Koda꞉na꞉ pimanu lalieke. Koda꞉ma꞉ ipiki pa꞉ta꞉ Holi Sipitidi hala꞉la꞉ ekita꞉ tombo wia na hala꞉la꞉ ekina꞉ loa꞉me.

Aposolo 10:38

Hande Na꞉sa꞉tete da halita꞉ Yesue. Ipikita꞉ Koda꞉ma꞉ wele peaaso hata꞉ mo Holi Sipitidima꞉ make suta꞉pe wiaeyekeeki opimika꞉ta꞉me. Kutupa ipikana꞉ma꞉ Koda꞉ ame̱le̱ hata꞉ epeke hau pea꞉tiki pu hao Sadanima꞉ hoeyaeyeke wanda꞉hali mea tiatiki pu hao pomu hayekeme.

Aposolo 11:18

Mo haliwekima꞉ Pidama꞉ leekeeki opuaata꞉ ika꞉ lota꞉ lota꞉ pimiki pimanu tunkulata꞉ Koda꞉na꞉ pi laaso hata꞉ alota꞉ Koda꞉ma꞉ta꞉ mo Diendaili wanda꞉halima꞉ make hone ma꞉nda꞉ la꞉ka꞉la꞉ mina wia da꞉ta꞉la꞉eki mea꞉pa꞉peke pota꞉ lombolo piekeme lemekeme.

Aposolo 14:27

Kutupa opolo a꞉paata꞉ siosi tapake wanda꞉hali mombelena꞉ laata꞉ Koda꞉ma꞉ Diendaili wanda꞉halima꞉ pi mina꞉yeke pota꞉ lombeekeeki make walepekeme.

Epesese 1:6

Koda꞉ma꞉ niki pa꞉ta꞉ pa hameke a꞉ta꞉ma꞉ wotu homa꞉la꞉ ekina꞉ make ipika꞉ hone pieke Eiyeke niki kitolo pa hameke kita꞉la꞉ ale tonka꞉na꞉ ka꞉la꞉ ekina꞉ make Koda꞉na꞉ pi laamana꞉e.

Kolosi 1:1

I̱ta꞉ Poloma꞉ mo hande Koda꞉na꞉ hone pa꞉la꞉ ekina꞉ Yesu Ketisona꞉ aposolo hali hata꞉ make nika꞉ kame Timodi dikana꞉ma꞉ do tameiya꞉ a꞉paasopa꞉me.

Kolosi 1:13

Ipikana꞉ma꞉ niki timba꞉ leke ekina꞉ honkopu pa꞉ta꞉ haoma꞉eki pa꞉ta꞉ pa꞉ta꞉la꞉ mea a꞉pa mo ipika꞉ Eiyekena꞉ kilu tumbuao hala꞉eki pa꞉ta꞉ hatuku epea꞉me.

1 Pida 2:4

Tekehalita꞉ mo da꞉ta ula꞉ toopi pa꞉ta꞉ ipu hapa꞉peke. Wanda꞉halima꞉ta꞉ koto toopita꞉ pa alee hone wia kiao haemekeme. Koto pimikipate Koda꞉ma꞉ mo toopita꞉ ota꞉ epekeekie la ma̱leke liekeme.

2 Pida 1:17

Mo hande Koda꞉ Apa꞉ma꞉ Yesu pa꞉ta꞉ pa̱a̱ pa꞉la꞉eki pita꞉ yeiya꞉ laasa꞉eki yaapo halea꞉ natena꞉ta꞉ nikita꞉ koto pa꞉ta꞉ hamono pia꞉me. Koto dina꞉ta꞉ mo pa̱a̱ wopupiki Koda꞉na꞉ pi ho̱la̱꞉makema꞉ alo hata꞉ alota꞉ Dota꞉ ya pukipiki wekie. I̱ma꞉ ipiki pa꞉ta꞉ ta꞉na꞉ma꞉ wopu homolome laa pi la꞉niaeya꞉me.