Ma꞉tiu 12:17 - Panake Pi La: Ula: Buka pita: Kine Pieke Buka

¹⁷ Ipikana꞉ma꞉ kutu piki hauta꞉ Koda꞉ma꞉ mo hande potopede hali Aisaya pa꞉ta꞉ yama꞉ la꞉ wieke yekeeki peneme yaaluekema꞉ pate piekeme. Aisayama꞉ wape pieke pi manuta꞉ dupa la꞉la꞉me.

Ma꞉tiu 12:17 Mawu Ofanana

Ma꞉tiu 12:16

ikana꞉ma꞉ ipika꞉ biki mandane wanda꞉hali pa꞉ta꞉ la halaama꞉na꞉ yeke na lapa꞉peke leekeme.

Ma꞉tiu 12:18

Do ya e pokaasa꞉ halita꞉ I̱ma꞉ ma̱leke lia do haena꞉ lolome. I̱ma꞉ ipikita꞉ pukima꞉ wopu homo hata꞉ ya pukima꞉ ta꞉na꞉ wopu pa꞉la꞉me. Ya temokota꞉ ipiki tukiki pa꞉ta꞉ pitina꞉ tapaalueke. Kutu poa꞉ka꞉na꞉ta꞉ ipikana꞉ma꞉ mo kenke paeyaona꞉ haleme tapake paeyao pa꞉ta꞉ ya tiki tiki peaasa꞉ pimanu la hawalieke.

Ma꞉tiu 13:35

Koto pieke ekita꞉ amba꞉ hande potopede halima꞉ la꞉ wieke pimanu yaena꞉ yeke piekeme. Koto hande potopede halima꞉ la꞉ wieke pita꞉ dupa Wanda꞉hali pa꞉ta꞉ pi loluekema꞉ta꞉ onkoluma꞉ manuma꞉ homeke lolueke. Do kenke wepia wieke ane kini pu mea a꞉pa ame do halome anema꞉ a꞉mbao ula꞉ pi manuta꞉ iki pa꞉ta꞉ I̱ma꞉ peneme yao la halueke leekeme.

Ma꞉tiu 21:4

Koto pieke hauta꞉ mo hande potopede hali homekema꞉ la꞉ wiekeeki yaaluekema꞉ piekeme. Koto la꞉ wieke ekita꞉ dupa.

Ma꞉tiu 8:17

Yesuma꞉ koto wanda꞉hali epeaeyeke hau manuta꞉ amba꞉ hande potopede hali Aisayama꞉ la꞉ witolo hata꞉ alota꞉ Ipikana꞉ma꞉ ipika꞉ kone nika꞉ ki yenimanu meao make mo biki ula꞉ yeni tekemanu make yoka꞉ mea baeyekeme laa la꞉ wieke pi yaaluekema꞉ yeke piekeme.

Luku 21:22

Pa ekipeke do hau paeyaota꞉ hande Baiboloma꞉ la꞉la꞉ tupa꞉ Mo tanda mia꞉peke natemanu la꞉la꞉ nate peneme yaaluekema꞉ pilieke.

Luku 24:44

Kutupa Yesuma꞉ iki pa꞉ta꞉ alota꞉ Do hau manuta꞉ hande I̱ ame̱le̱ haeme dina꞉ la kua꞉ ekimanue. Mo hande Mosesina꞉ Lo Pi wape pea ula꞉ ekina꞉ make hande potopede haliwekima꞉ wape pea ula꞉ ekina꞉ make hande Emeli bukana꞉ wape pea ula꞉ ekina꞉ make I̱na꞉ lao ula꞉eki manuta꞉ ota꞉ yaapeke ya꞉la꞉me leekeme.

Dioni 10:35

Kota꞉ Koda꞉ma꞉ ipika꞉ pi la꞉niaemeke haliweki pa꞉ta꞉ ika꞉ bikita꞉ koda꞉manue laa leekeme. Kutupa Baibolo bukana꞉ pita꞉ ota꞉eki kone pa u halieke.

Dioni 12:38

Mo hande potopede hali Aisayama꞉ leeke ekimanu yaena꞉yeke piekeme. Dupa Tekehalio. Nikana꞉ma꞉ la haloma꞉ ekita꞉ epima꞉ opimipe. Kutupa Tekehalima꞉ ipika꞉ wele pieke ekita꞉ epi pa꞉ta꞉ walea꞉pe laa leekeme.

Dioni 19:28

Yesuma꞉ta꞉ I̱ma꞉ pea꞉peke ekita꞉ amba꞉ pu paeyaalome hone wiaata꞉ mo Baibolo bukana꞉ wape pa꞉la꞉eki yaaluekema꞉ ipikana꞉ma꞉ alota꞉ I̱ ikali na꞉na꞉ pa꞉la꞉me leekeme.

Aposolo 13:27

Mo Diutuseleme da pa꞉ta꞉ haleme wanda꞉halima꞉ make ika꞉ you haliwekima꞉ make Yesuta꞉ wanda꞉hali Da꞉taasa꞉ Hali hala꞉ ekita꞉ hone na wimikime. Mo Hoto Pila꞉ Natemanu paeyaona꞉ mo hande potopede haliwekima꞉ wape pea ula꞉ ekimanu yata꞉po halemeeki make hone wopu na wilimime. Kutu pimikipate ikana꞉ma꞉ta꞉ Yesuta꞉ lia homaemeke ekima꞉ mo hande potopede haliwekima꞉ wape pea ula꞉eki kone yaemekeme.