Ma꞉tiu 12:15 - Panake Pi La: Ula: Buka pita: Kine Pieke Buka

¹⁵ Ipiki luekema꞉ a꞉nda꞉ lomba꞉ wimikieki Yesuma꞉ opuaata꞉ koto pa꞉ta꞉ mina꞉pa꞉lao peekeme. Kutu pieketa꞉ wanda꞉hali wopuma꞉ ipiki telimea pemekeme. Yesuma꞉ ika꞉ homa꞉pa wimiki wanda꞉hali paeyao epeao haena꞉ laata꞉

Ma꞉tiu 12:15 Mawu Ofanana

Ma꞉tiu 10:23

Ikana꞉ma꞉ daoni homeke a꞉nda꞉ pa꞉ta꞉ halimipate wanda꞉halima꞉ iki pa꞉ta꞉ tanda kimika꞉na꞉ta꞉ kota꞉ daoni ma꞉nda꞉ pa꞉ta꞉ pindipa pua꞉pa꞉peke. I̱ma꞉ iki pa꞉ta꞉ ota꞉ ota꞉ pi alome. Mo Wanda꞉halina꞉ Eiyeke opolo epea꞉ka꞉na꞉ta꞉ ikana꞉ma꞉ mo Isulaina꞉ daoni paeyao pa꞉ta꞉ pokolo peleme emanu paeyao titina꞉ amba꞉la na mina꞉pa꞉lalimikie alome.

Ma꞉tiu 19:2

Wanda꞉hali wopuma꞉ ipika꞉ hoki nane teli mea pemekeme. Kutu pimikita꞉ Yesuma꞉ koto pa꞉ta꞉ ika꞉ hoke yenimanu paeyao epeawayekeme.

Maka 6:56

Yesu peeke alena꞉ paeyao pa꞉ta꞉ da nane make daonimanu make topu topu da nina꞉ make opolo peeke dina꞉ da nane yeni hapa wimiki wanda꞉hali mea tia pua makedi yalao tu uma꞉ uma꞉ pimikime. Kutupa mo wanda꞉halima꞉ Yesuna꞉ dau honiki wataaluekema꞉ honke lemekeme. Wataemeke wanda꞉halina꞉ yeni tandelemekeme.

Luku 5:22

Kutupa mo haliwekima꞉ hone wimiki ekita꞉ Yesuma꞉ amba꞉ hone wia iki pa꞉ta꞉ alota꞉ Ekipeke ikana꞉ma꞉ ika꞉ hone pa꞉ta꞉ do honemanu witelemepe laa lota꞉ pitolo alota꞉

Luku 6:12

Koto dina꞉ta꞉ Yesuta꞉ Koda꞉ pa꞉ta꞉ yeni puluekema꞉yeke pote ma꞉nda꞉ a꞉meiya peekeme. Koto timba andusa꞉na꞉ Yesuma꞉ yeni paa pitolo ombu pitina꞉ta꞉ da paa kelepeekeme.

Luku 9:11

Kutu pimikieki opitolo hata꞉ wanda꞉hali wopuma꞉ momba꞉latia pulu hata꞉ Yesu teli mea pemekeme. Yesuma꞉ mo epemeke wanda꞉hali handaata꞉ ta꞉na꞉ma꞉ homolo hata꞉ Koda꞉na꞉ Kilu Tombuao Hala꞉ ekina꞉ pi walolota꞉ yeni homemeke wanda꞉halita꞉ mea epeaeyekeme.

Dioni 11:54

Koto ekina꞉ Yesuta꞉ koto pa꞉ta꞉ pominolo hata꞉ peneme yao na pomiekepate Diudia nane mina꞉pa꞉lao mo hapu hayeke alena꞉ teke pa꞉ta꞉ hayeke da Ipoteimi da pa꞉ta꞉ puaata꞉ ipika꞉ disaipolo haliweki ame̱le̱ koto pa꞉ta꞉ haemekeme.

Dioni 7:1

Kutu pieke hoki naneta꞉ Diu haliwekima꞉ ipiki lu pimiki hone wimiki handaa Yesuta꞉ Diudia nane pomuluekema꞉ hone na wiki mo Ka꞉lili nane pomiekeme.

Dioni 9:4

Hande I̱ tapaala꞉ halina꞉ eta꞉ nate a꞉pa talo haena꞉ pokatiki pumana꞉e. Timba꞉ lolo yapea꞉ka꞉na꞉ta꞉ ipika꞉ e pokaapeke na yelieke.

Ka꞉leisia 6:9

Kutu pea꞉peke ya꞉la꞉ ekina꞉ta꞉ mo epeke haumanu pu haluekema꞉ kima꞉ na homo hamana꞉e. Mo hau a꞉nda꞉ na mina꞉pa꞉laoma꞉ka꞉na꞉ta꞉ kota꞉ koto hauna꞉ kiliki tala꞉peke nateta꞉ opolo ipilieke.

1 Pida 2:21

Koto piki hau puemena꞉ Koda꞉ma꞉ iki wi leekeme. Kota꞉ Ketiso ipikana꞉ma꞉ kone iki tamba꞉ muluekema꞉ ka꞉nda꞉ miekeme. Kutupa mo handa piekeeki ikana꞉ma꞉ telia puemena꞉ yeke walolo piekeme.