Ma꞉tiu 12:10 - Panake Pi La: Ula: Buka pita: Kine Pieke Buka

¹⁰ kiki hapueke endiki hali homeke koto da pa꞉ta꞉ hayekeme. Mandane halima꞉ta꞉ Yesuta꞉ pi ula꞉ ekina꞉ yamba꞉la꞉la꞉ somee loluekema꞉ yeke ipiki handa꞉ pelia haemekeme. Ikana꞉ma꞉ ipiki lota꞉ pitolo alota꞉ Nika꞉ pi ula꞉eki manuma꞉ta꞉ do Hoto Pila꞉ natena꞉ mo yenimanu epeaapeke hau pia꞉peke ekina꞉ waleke ula꞉pe o dia꞉pe lemekeme.

Ma꞉tiu 12:10 Mawu Ofanana

Ma꞉tiu 12:2

Kutu pimikieki mo Pa꞉tisi haliwekima꞉ handaa Yesu pa꞉ta꞉ alota꞉ Handa꞉e. Mo naka꞉ disaipolo haliwekima꞉ piteleme ekita꞉ do Hoto Pila꞉ natena꞉ pia꞉peke na ya꞉la꞉ hau pitolo pitelememe lemekepate

Ma꞉tiu 19:3

Mandane Pa꞉tisi haliwekima꞉ ipiki tamuluekema꞉ yeke ipiki pa꞉ta꞉ lota꞉ pita꞉la꞉ pi ma꞉nda꞉ dupa lemekeme. Hali ma꞉nda꞉ma꞉ ota꞉ pa ipika꞉ hone pa꞉la꞉ tupa꞉ ipika꞉ wanda꞉ kiaaso yoka꞉la꞉ ekita꞉ mo nika꞉ Lo Pi Ula꞉ ekima꞉ta꞉ waleke ma꞉nda꞉ wiala꞉pe laa lota꞉ pimikime.

Maka 3:2

Kutupata꞉ mandane haliwekima꞉ Yesu handa꞉ pelia haemekeme. Pa ekipeke Hoto Pila꞉ Natena꞉ Yesuma꞉ mo halina꞉ kiki epeaaliepe o na epeaaliepe hone wia handa꞉ pelia hata꞉ pi yamba꞉lea꞉me loluekema꞉ handa꞉ pelia haemekeme.

Luku 11:54

Kutu pimiki hauta꞉ Yesu hona꞉ma̱o̱ tamuluekema꞉ make ipikana꞉ma꞉ ata꞉ka꞉ piki pi ma꞉nda꞉ lea꞉ka꞉na꞉ minulua꞉ patema꞉ lemekeme.

Luku 13:14

Kutu pieke handaa mo pi hotu haemeke da handeteke hayeke halima꞉ta꞉ Yesuma꞉ mo wanda꞉ta꞉ mo Hoto Pila꞉ Natena꞉ kone epeaeyeke handa Yesu yaapo mineke pankeekeme. Koto ekina꞉ ipikana꞉ma꞉ mo wanda꞉hali pa꞉ta꞉ alota꞉ E poka꞉peke nate manuta꞉ yunki mindiki hata꞉ taama꞉ ika꞉ yenimanu epeaena꞉ hone wimika꞉na꞉ta꞉ kota꞉ koto nate nina꞉ a꞉pa꞉peke ya꞉la꞉pate pa do Hoto Pila꞉ Natena꞉ta꞉ ota꞉ dia꞉me leekeme.

Luku 20:22

Niki la kie. Mo Kapomani tieke Sisa pa꞉ta꞉ dakisi mani hala꞉la꞉ ekita꞉ a꞉pa꞉la꞉pe o hoela꞉pe. Halomonope o na halomonope lemekeme.

Luku 23:14

paeyao pa꞉ta꞉ alota꞉ Ikana꞉ma꞉ I̱ pa꞉ta꞉ do hali hatuku ipuluta꞉ ipikana꞉ma꞉ wanda꞉hali hatuku pu hoeyaasa꞉me lemepate ameta꞉ I̱ma꞉ ipikita꞉ ika꞉ leke popelekena꞉ teke weitolopate ipikana꞉ma꞉ mo mandane pimanu yamba꞉la꞉me laa ma̱leke limipate homeke a꞉nda꞉ yamba꞉la꞉la꞉eki na handolome.

Luku 23:2

ipiki ma̱leke litolo alota꞉ Nikana꞉ma꞉ta꞉ do halita꞉ nika꞉ wanda꞉hali hatuku pu hoeyaaso hata꞉ mo wanda꞉hali pa꞉ta꞉ mo Sisana꞉ dakisi mani na hala꞉pa꞉pe laata꞉ ipikita꞉ ipika꞉ kone Ketiso laa Kini hali halome la ala꞉me lemekeme.

Dioni 5:10

mo Diu haliwekima꞉ koto yeni tandelaeyeke hali pa꞉ta꞉ alota꞉ Do Hoto Pila꞉ Natena꞉ naka꞉ yapa꞉ta꞉ mea mina puli ekita꞉ pi ula꞉eki yambololo piteleme lemekeme.

Dioni 5:3

Koto dasunu pa꞉ta꞉ta꞉ yeni haemeke wanda꞉hali wopu haemekeme. Leke holupiki wanda꞉hali make anke hoke wanda꞉hali make kiki anke tindipa tindipa pea꞉peke na yeke wanda꞉hali make koto pa꞉ta꞉ haemekeme. Koto wanda꞉hali paeyaoma꞉ta꞉ mo hande ikalita꞉ la꞉ma꞉ la꞉ma꞉ pina꞉yeke handeteke hatiki pimikime.

Dioni 7:23

Mosesima꞉ waleeke Lo Pimanu yamba꞉laama꞉na꞉ Hoto Pila꞉ Natena꞉ kone weki ma꞉nda꞉ pa꞉ta꞉ sekemesaisi hau pimika꞉na꞉ta꞉ kota꞉ I̱ma꞉ make Hoto Pila꞉ Natena꞉ hali homeke epeaowa꞉ ekina꞉ ekipeke I̱ pa꞉ta꞉ mineke pankelemepe.

Dioni 8:6

Yesu pa꞉ta꞉ pi loluekema꞉ weitolo hata꞉ ipikana꞉ma꞉ ala꞉eki opuluekema꞉ yokaemekeme. Koto lemekepate Yesuma꞉ panda꞉puniao pita꞉ kiki ma̱lekema꞉ kenkena꞉ wape wape piekeme.

Dioni 9:16

Mandane Pa꞉tisi haliwekima꞉ alota꞉ Do hau pa꞉la꞉ halita꞉ mo Hoto Pila꞉ Natena꞉ pi ula꞉eki yamba꞉la꞉la꞉ ekina꞉ ipikita꞉ Koda꞉ma꞉ na tapaala꞉me lemekepate mandane haliwekima꞉ alota꞉ Dupiki wele pita꞉la꞉ ekita꞉ hoke hau pa꞉la꞉ halima꞉ ekipa piliepe la lemekeme. Koto ekina꞉ ika꞉ kone putupaalu pea pi ta꞉ta꞉ ta꞉ta꞉ lemekeme.