Ma꞉tiu 11:8 - Panake Pi La: Ula: Buka pita: Kine Pieke Buka

⁸ Koto alena꞉ puluta꞉ aleke handulumeke hone wimipe. Ika꞉ honema꞉ta꞉ epeke aka꞉ seliapo yameke hali halia꞉eki handulumeke hone wimipe. Dia꞉me. Aka꞉ seliapo yameke haliwekita꞉ mo kini haliwekina꞉ pitu hala꞉ alenina꞉ homeke handa꞉peke ya꞉la꞉pate

Ma꞉tiu 11:8 Mawu Ofanana

Ma꞉tiu 11:7

Kutupa mo Dionina꞉ hoki nane telimiki haliweki la꞉ka꞉la paa pulu haena꞉ta꞉ Yesuma꞉ mo wanda꞉hali pa꞉ta꞉ Dionina꞉ pi dupa lawaeyekeme. Ikana꞉ma꞉ mo hapu hala꞉ alena꞉ puluta꞉ aleke handulumeke hone wimipe. Poma꞉ hambe make mea aneya moneya pu tonkua꞉la꞉eki handulumeke hone wimipe. Dia꞉me.

Ma꞉tiu 11:9

I̱ opuono a̱i̱ la kipa꞉e. Koto pemeke dina꞉ta꞉ aleke handulumeke hone wimipe. Koda꞉na꞉ pi la꞉ mea halaasa꞉ potopede hali yekepe. Aowe. Ipikita꞉ potopede hali ya꞉la꞉pate pa potopede halina꞉ hauta꞉ ota꞉ lombei piki some hala꞉me.

Ma꞉tiu 3:4

Dioni ipika꞉ yameeke dauta꞉ mo kemolo itikima꞉ wepiki dau yameekeme. Ipika꞉ hakota꞉ kao yonkeleke wepiki hako yameekeme. Ipika꞉ ne manuta꞉ odouwamanu make mo pole pukini hapeke hanimanu make no hayekeme.

Luku 7:25

Ikana꞉ma꞉ koto alena꞉ ota꞉ aleke handuluekema꞉ pemepe. Ikana꞉ma꞉ hali ma꞉nda꞉ma꞉ epeke hamoko aka꞉manu pambao halia꞉eki handuluekema꞉ pemepe. Kutupiki aka꞉manu yama haleme wanda꞉halita꞉ hamoko hali leke hata꞉ kini haliwekina꞉ aneke da epeke pa꞉ta꞉ homeke halimikie.

1 Kotindi 4:11

Amba꞉ make ame make nikita꞉ ne ikali tea꞉ma꞉ homa꞉tiki pu hata꞉ mo dau make wotu dia꞉ya꞉la꞉ haliweki haloma꞉me. Haliwekima꞉ niki pa litolo ombu haena꞉ make kutupa ota꞉ nika꞉ da pa꞉ta꞉ na hake pa pominolo hata꞉ta꞉

2 Kotindi 11:27

Kutupa nate mandaneeki manuna꞉ta꞉ honkopu paena꞉ kone e wopu pokoa꞉me. Hoto eleke eleke timba꞉ naneta꞉ e pokaaluekema꞉ u na polua꞉me. Nate ma꞉nda꞉ nina꞉ta꞉ I̱ta꞉ tea꞉ma꞉ make ikali na꞉na꞉ma꞉ make homoa꞉me. I̱ta꞉ nate ma꞉nda꞉ nina꞉ta꞉ ne da dau wopu dia꞉yalo hata꞉ pa haowa꞉me.

Peneme Yaeyekeeki 11:3

Kutupa I̱ma꞉ yaka wekitisi hali yaapo mo palaowamanu mondu hala꞉ ekima꞉ dau yamao 1 daoseni kutupa 260 natemanu Koda꞉na꞉ pi walawaena꞉ tapaalueke lea꞉me.