Ma꞉tiu 11:25 - Panake Pi La: Ula: Buka pita: Kine Pieke Buka

²⁵ Koto toma꞉na꞉ Yesuma꞉ Koda꞉ pa꞉ta꞉ alota꞉ Apa꞉o. Neketa꞉ do kenke oli hepeni yaapona꞉ Tekehalio. Keiyae tieke aloe. Pa ekipeke. Nakana꞉ma꞉ mo hande handa꞉wiki wanda꞉hali pa꞉ta꞉ a꞉mbao wina꞉ le hau manuta꞉ pa mo hone wopu na wiki wanda꞉hali pa꞉ta꞉ peneme yaaleme.

Ma꞉tiu 11:25 Mawu Ofanana

Kini Pieke 14:19

Kutupa epeaasa꞉ pi alo alota꞉ Mo kenke ya yaapo wa꞉pa꞉la꞉ Manda Hala꞉ Koda꞉ma꞉ Eipola꞉ma꞉ epeaena꞉e laata꞉

Kini Pieke 14:22

Eipola꞉ma꞉ma꞉ hombo peaaso alota꞉ Do kenke ya yaapo wa꞉pa꞉la꞉ Tekehali oli Manda Hala꞉ Koda꞉na꞉ biki aloma꞉

Ma꞉tiu 16:17

Yesuma꞉ ipiki pa꞉ta꞉ alota꞉ Saimono Dionina꞉ eiyekeo. Nakana꞉ma꞉ta꞉ epeke tupa꞉ hombo peaeme. Pa ekipeke do ota꞉ tikitikina꞉ hombo peae ekita꞉ hali ma꞉nda꞉ma꞉ na la kia꞉pate ya hepeni hala꞉ Apa꞉ma꞉ neke pa꞉ta꞉ tiki tiki kia꞉me.

Ma꞉tiu 21:16

ikana꞉ma꞉ Yesu lota꞉ pitolo alota꞉ Nakana꞉ma꞉ koto wekiwandikima꞉ aleme pita꞉ na opitelepe lemekeme. Koto lemeke Yesuma꞉ alota꞉ Aowe. Opitolome. Mo Baiboloma꞉ alota꞉ Nakana꞉ma꞉ mo pota꞉ pula꞉ o andu nala꞉ wekiwandiki sunu paeyaoma꞉ ala꞉ta꞉ ma꞉nda꞉ na taleke yeiya꞉ laasa꞉ haumanu pina꞉yeke wala꞉tiaeme laa wape pea ula꞉ pita꞉ ikana꞉ma꞉ na yata꞉pemepe laa hombo peayekeme.

Luku 22:42

Ipikana꞉ma꞉ alota꞉ Apa꞉o. Ana꞉ pia꞉ka꞉na꞉ta꞉ do I̱ pa꞉ta꞉ ipula꞉ kapo I̱ pa꞉ta꞉ na epena꞉ lapeke. Kutu pea꞉peke ya꞉la꞉pate yaka hone pa꞉la꞉eki dia꞉me. Naka꞉ hone pa꞉la꞉ ekina꞉ homeke pina꞉e leekeme.

Luku 23:34

Yesuma꞉ alota꞉ Apa꞉o. Do wanda꞉halima꞉ piteleme hauta꞉ iki hone na witolo pitelemema꞉ nakana꞉ma꞉ pa paeyawapeke leekeme. Kutupa mo dolo miniki haliwekima꞉ta꞉ Yesuna꞉ daumanu telipaaluekema꞉ kase tupa꞉ telepo laemekeme.

Dioni 11:41

Kutupa hande toopi pa nane mea wimikime. Yesuma꞉ handa꞉liao hata꞉ alota꞉ Apa꞉o. Nakana꞉ma꞉ yaka pi opu hale ekina꞉ neke pa꞉ta꞉ keiyae pi alome.

Dioni 12:27

Ameta꞉ ya puki tandama꞉ homolome hata꞉ eki pi lonope. Doeki lapeke ya꞉la꞉pe. Apa꞉o. Hande I̱ pa꞉ta꞉ epolo pa꞉la꞉ di na epena꞉ lapeke lonope. Dia꞉me. Koto tanda tandama꞉ homolo polo di muluekema꞉ epoa꞉me.

Dioni 12:28

Apa꞉o. Naka꞉ biki tieke wina꞉ lapeke leekeme. Koto la haena꞉ oli ya nanema꞉ la꞉niaeyeke pi ho̱la̱꞉makema꞉ alota꞉ Yaka bikita꞉ amba꞉ titina꞉ tieke wina꞉ lolopate paa ma꞉nda꞉ alo peao tieke wina꞉ lolueke leekeme.

Aposolo 17:24

Do kenke ya yaapo tukikina꞉ hala꞉ ekimanu paeyao make wepia haena꞉ la꞉la꞉ Koda꞉ta꞉ hepeni kenke yaapo Tekehali hata꞉ haliwekima꞉ a꞉eteleme damanu pa꞉ta꞉ na hao hala꞉me leekeme.

1 Kotindi 2:10

Koto ekina꞉ koto ekimanu kone Koda꞉ma꞉ta꞉ niki pa꞉ta꞉ ipika꞉ Sipitidima꞉ peneme yaena꞉ la꞉la꞉me. Mo Sipitidima꞉ ala꞉ta꞉ ala꞉ta꞉ paeyao akolopa mu tia pominolo hata꞉ Koda꞉na꞉ ka꞉na꞉ honema꞉ a꞉mbao ula꞉ ekimanu kone handa꞉ wita꞉la꞉me.

2 Kotindi 3:14

Ika꞉ hone manuta꞉ ota꞉ a꞉mbao pambeekeme. Kutupa a꞉pa ota꞉ ame do natena꞉ make mo hande amba꞉ Lo pi lao wieke bukamanu yata꞉pelemeketa꞉ ika꞉ hone manuta꞉ mo hande dau sinkipiki ma꞉nda꞉ma꞉ a꞉mbaala꞉me. Ma꞉nda꞉ epima꞉ Ketiso pa꞉ta꞉ tunaeya꞉ka꞉na꞉ homeketa꞉ kota꞉ mo leke popeleke a꞉mbaala꞉ dau sinkipiki ma꞉nda꞉ mea baapeke ya꞉la꞉me.