Ma꞉tiu 11:23 - Panake Pi La: Ula: Buka pita: Kine Pieke Buka

²³ A꞉pei Kapeneamio. Naka꞉ honema꞉ neketa꞉ oli hepeni nane naka꞉ kone mea a꞉meiyalueke hone wilipe. O dia꞉me. Neketa꞉ ti to hala꞉ ale pa꞉ta꞉ mea tapaalieke. I̱ma꞉ neke pa꞉ta꞉ pua꞉ na handeke haumanu a꞉nda꞉ mo hande Sodomo daoni pa꞉ta꞉ pua꞉ka꞉na꞉ yoluta꞉ kota꞉ koto data꞉ ame pa hao halo pia꞉me.

Ma꞉tiu 11:23 Mawu Ofanana

Kini Pieke 13:13

Koto pa꞉ta꞉ haemeke wanda꞉halita꞉ hoke wanda꞉hali hata꞉ make mo Tekehali pa꞉ta꞉ hoke hau pu haemekeme.

Ma꞉tiu 10:15

I̱ma꞉ iki pa꞉ta꞉ ota꞉ ota꞉ pi alome. Mo Koda꞉na꞉ pi yokaalu pulu pa꞉la꞉ nate tieke ipilia꞉ dina꞉ta꞉ mo hande Sodomo da pita꞉ Komoto da yaapo pa꞉ta꞉ halo pa꞉la꞉ hoke yenkita꞉ ota꞉ tieke mulu pelepepate pa koto ikana꞉ma꞉ walimi pi kiaalimi wanda꞉hali ikana꞉ma꞉ mulu peleme yenkita꞉ Koda꞉ma꞉ ota꞉ haka꞉ta꞉pao halieke alome leekeme.

Ma꞉tiu 16:18

Koto ekina꞉ dupa alome. Neketa꞉ Pidae. (nika꞉ pima꞉ta꞉ Toopie) Koto toopi mandaata꞉ ya siosi a꞉elueke. Kutupa mo homo hala꞉ ekina꞉ honkopuma꞉ kone koto siosi ota꞉ na bepolao halieke.

Ma꞉tiu 17:24

Yesu ipika꞉ disaipolo haliweki hatuku Kapeneami da opolo epemeketa꞉ mo tembolo dakisi mani mu haemeke haliweki a꞉pa Pida pa꞉ta꞉ lota꞉ pitolo alota꞉ Naka꞉ walaasa꞉ halima꞉ta꞉ tembolo dakisi mani lopao halepe lemekeme.

Ma꞉tiu 4:13

Ipikana꞉ma꞉ Na꞉sa꞉tete da na hao hake mo ikali leke Ka꞉lili tea꞉ nane hayeke da homeke bikita꞉ Kapeneami halo peekeme. Koto data꞉ mo Sebuloni kenke pita꞉ Na꞉petali kenke yaapo pa꞉ta꞉ wiekeme.

Ma꞉tiu 8:5

Yesu mo hande Kapeneami daoni pa꞉ta꞉ opolo pua haena꞉ mo hande Loma꞉ wanda꞉halina꞉ ami haliwekina꞉ you halima꞉ Yesu manda꞉ hande pitolo honke alo alota꞉

Luku 10:15

Kutupa Kapeneamio. Neketa꞉ naka꞉ homeke oli ya nane mea a꞉meiyalueke hone wipe. Neketa꞉ oni ti to hala꞉ pa꞉ta꞉ mea lopaalieke leekeme.

Luku 14:11

Ekipeke. Ma꞉nda꞉ epima꞉ ipikita꞉ aneke hali au lea꞉ka꞉na꞉ta꞉ kota꞉ Koda꞉ma꞉ ipikita꞉ mininialieke. Kutupa ma꞉nda꞉ epima꞉ ipika꞉ kone panda꞉ puniaya꞉ka꞉na꞉ta꞉ kota꞉ koto someta꞉ Koda꞉ma꞉ tieke au lalieke leekeme.

Luku 16:23

Hande hamoko halita꞉ oni ti to hala꞉ ale pa꞉ta꞉ puaata꞉ tanda tieke minolo hata꞉ handa꞉liaeyekepate Eipoloha꞉ma꞉ La꞉satesi yaapo lopula alu pea pitipikieki papate haepekeeki handeekeme.

Luku 4:23

Koto lemeke handaa Yesuma꞉ mo wanda꞉hali pa꞉ta꞉ alota꞉ Ota꞉ loa꞉me laa Ikana꞉ma꞉ I̱ pa꞉ta꞉ make mo wanda꞉halima꞉ amba꞉ loma꞉ loma꞉ pa꞉la꞉me pi siki ma꞉nda꞉ dupa lelimikie. Dokeda halio. Naka꞉ yenita꞉ naka꞉ kone mea epeapeke lelimikie. Kutupa pi ma꞉nda꞉ make I̱ pa꞉ta꞉ dupa lelimikie. Hau ma꞉nda꞉ ma꞉nda꞉ mo Kapeneami teke da nane hata꞉ pi hande hau manuta꞉ nikana꞉ma꞉ amba꞉ opuma꞉me. Kota꞉ do naka꞉ ota꞉ teke da pa꞉ta꞉ make kutupiki homeke haumanu kone pie laa lelimikie laata꞉

Aposolo 2:27

Pa ekipeke nakana꞉ma꞉ yaka temokota꞉ mo homemeke wanda꞉hali haleme alena꞉ na haena꞉ lelipikie. Kutupa naka꞉ yakopiki halita꞉ oni kenke pa꞉ta꞉ na tandepena꞉ lelipikiyeke loa꞉me.

Aposolo 2:31

Kutupa Deipidima꞉ Koda꞉ma꞉ pulu piekeeki hone witolo hata꞉ hande Ketiso paa tiaalo piekeeki pa꞉ta꞉ dupa leekeme. Nakana꞉ma꞉ mo homemeke wanda꞉hali haleme alena꞉ yaka temoko na haena꞉ lelipikie. Kutupa naka꞉ yakopiki halita꞉ oni kenke pa꞉ta꞉ na tandepo lo pa꞉la꞉ ekina꞉ loa꞉me la꞉la꞉me leekeme.

Diudi 1:7

Hande Sodomo Komoto daoni yaapo make teke pa꞉ta꞉ hayeke daoni sunu tonka꞉na꞉ hone wopu wipee. Koto wanda꞉halima꞉ta꞉ mo hande enisolo manuma꞉ pieke tupa꞉ kone loke apa꞉taasa꞉ haumanu make yankeke yaapo kone loke apa꞉taasa꞉ haumanu pa꞉ta꞉ ika꞉ loke hala꞉ moneaemekeme. Ikita꞉ wanda꞉hali paeyao pa꞉ta꞉ kinki pitolo mo hande hoto paeyao pa to hala꞉ ti ulekena꞉ tanda leke melememe.

Peneme Yaeyekeeki 1:18

I̱ta꞉ deto hala꞉ halie. I̱ta꞉ homoa꞉pate ameta꞉ tiao hoto paeyao pa hatia pu hala꞉ hali halome. I̱ma꞉ta꞉ homa꞉la꞉ ekina꞉ make mo homo hala꞉ kenkena꞉ pota꞉ ki handeteke halo halie.

Peneme Yaeyekeeki 11:8

ipilika꞉ tokota꞉ ipilika꞉ Tekehali lu endiaemeke daoni tiekena꞉ pota꞉na꞉ pa wina꞉ lelieke. Koto daonita꞉ onkoluma꞉ ala꞉ biki yaapota꞉ Sodomo pita꞉ Idiepi yaapo ula꞉me.

Peneme Yaeyekeeki 20:13

Kutupa mo dawalama꞉ ipiki pa꞉ta꞉ homemeke wanda꞉hali halea꞉me. Kutupa homa꞉la꞉ ekima꞉ make mo homo hala꞉ kenkema꞉ make ipilika꞉ wia haepe toko halepeme. Kutupa paeyaota꞉ ika꞉ pimiki tupa꞉ siki kone ana꞉na꞉ ma̱leke lia telipia꞉me.

Peneme Yaeyekeeki 6:8

Handoeketa꞉ handeta꞉ hamipiki hosi ma꞉na꞉ yekeme. Mo hosi ma꞉na꞉ manda pitieke halina꞉ bikita꞉ Homa꞉la꞉eki lea꞉me. Kutupa ipika꞉ hoki naneta꞉ mo homa꞉la꞉ wanda꞉halina꞉ temoko hala꞉ kenketa꞉ telia꞉ mea teke pa꞉ta꞉ ipulu haya꞉me. Ipilikita꞉ do kenke tonkopu tekilipa homeke homeke pa꞉ta꞉ta꞉ a꞉nda꞉ pita꞉la꞉eki make tea꞉ ki make yeni ki make hapekena꞉ hala꞉ yeti sayale manuma꞉ make paeyao lina꞉yeke honkopu halea꞉me.