Ma꞉tiu 11:21 - Panake Pi La: Ula: Buka pita: Kine Pieke Buka

²¹ ipikana꞉ma꞉ koto da teke pa꞉ta꞉manu haemeke wanda꞉hali hando alo alota꞉ A꞉ta꞉e. Kotaasini daoni neke pa꞉ta꞉ ka꞉nda꞉ tieke ma꞉nda꞉ ipuluekema꞉ pila꞉me. Betesaidao. Neke pa꞉ta꞉ make kutu piki hau kone ipuluekema꞉ pila꞉me. I̱ma꞉ mo ipiliki pa꞉ta꞉ pua꞉ na handeke haumanu a꞉nda꞉ mo hande daoni yaapo Taiya Saidoni pa꞉ta꞉ pua꞉ka꞉na꞉ yoluta꞉ kota꞉ koto da yaapo pa꞉ta꞉ haleme wanda꞉hali ika꞉ puki la꞉ka꞉la꞉meka꞉ta꞉me laa Koda꞉ma꞉ handena꞉ta꞉ busa꞉ pitikimanu wepia yamaata꞉ lanka꞉ apolo kitulu pimime.

Ma꞉tiu 11:21 Mawu Ofanana

Ma꞉tiu 11:22

I̱ma꞉ ipiliki pa꞉ta꞉ta꞉ ota꞉ ota꞉ pi alome. Mo pi yokaalu pulu pa꞉la꞉ nate opolo epea꞉ka꞉na꞉ta꞉ kota꞉ Koda꞉ma꞉ mo Taiya Saidoni yaapo pa꞉ta꞉ halo pa꞉la꞉ a꞉ta꞉ma꞉ homa꞉la꞉ ekita꞉ mo ipiliki Kotaasini Betesaida yaapo pa꞉ta꞉ kulu pa꞉la꞉eki ota꞉ haka꞉ta꞉ pao halieke.

Ma꞉tiu 15:21

Yesuma꞉ koto alena꞉ mina꞉pa꞉lao Taiya Saidoni daoni yaapo nane peekeme.

Ma꞉tiu 18:7

A꞉pei. Do kenke pa꞉ta꞉ I̱ paala꞉e. Wanda꞉halima꞉ hoke hau pina꞉yeke ula꞉ hoke haumanu ula꞉me. Dupiki haumanu a꞉pa꞉peke yolo pa꞉la꞉pate a꞉pa꞉e mo hau epena꞉ ala꞉ halita꞉ ota꞉ hoke yenki milieke.

Ma꞉tiu 26:24

Koto pa꞉la꞉pate mo Wanda꞉halina꞉ Eiyeke pa꞉ta꞉ Baibolona꞉ wape pa꞉la꞉ tupa꞉ homilia꞉pate pa Wanda꞉halina꞉ Eiyeke mina꞉yeke a꞉nda꞉ lomba꞉la꞉ halita꞉ ota꞉ a꞉ta꞉ tiekee. Koto halita꞉ na mendia꞉ka꞉na꞉ yoluta꞉ epolo pia꞉me leekeme.

Maka 3:8

Diutuseleme wanda꞉hali make Idumia kenke nane haemeke wanda꞉hali make Diodani ikali nate opa꞉la꞉ nane haemeke wanda꞉hali make Taiya Saidoni yaapo nane haemeke wanda꞉hali make paeyaoma꞉ Yesuma꞉ pieke ekimanu paeyao opimiki handaata꞉ Yesu pa꞉ta꞉ pemekeme.

Maka 6:45

Koto kone Yesuma꞉ ipika꞉ disaipolo haliweki pa꞉ta꞉ alota꞉ Kawasona꞉ pita mone tea꞉na꞉ hala꞉ da Betesaida da pa꞉ta꞉ iki amba꞉la opolo pua꞉pa꞉peke laata꞉ mo hande wanda꞉hali wopu tapa tapa piekeme.

Maka 7:24

Yesuma꞉ koto alena꞉ mina꞉pa꞉lao Taiya nane peekeme. Mo da homeke ma꞉nda꞉ honda꞉ pambaata꞉ wanda꞉halima꞉ ipiki handaama꞉na꞉ a꞉mbao panka pituluekema꞉ peekepate a꞉mbaapeke na yeekeme.

Maka 7:31

Yesuma꞉ Taiya nane la꞉ka꞉la꞉ minaata꞉ mo Saidoni nane make Daoni kiki yaapo haemeke kenke nane make lombei pupa Ka꞉lili ikali leke pa꞉ta꞉ opolo peekeme.

Maka 8:22

Ikana꞉ma꞉ Betesaida da opolo pemekeme. Mandane wanda꞉halima꞉ leke holupiki hali ma꞉nda꞉ Yesu pa꞉ta꞉ hatuku a꞉paata꞉ koto hali wataena꞉yeke Yesu pa꞉ta꞉ honke lemekeme.

Luku 4:26

Kutu piekepate Koda꞉ma꞉ Elaidiata꞉ Isulai da yu pa꞉ta꞉ hayeke wanda꞉hali ma꞉nda꞉ pa꞉ta꞉ na tapaeyekepate ipikita꞉ mo Saidoni da yu tukiki pa꞉ta꞉ hayeke teke da Sa꞉tepa꞉di hayeke kineke wanda꞉ homeke pa꞉ta꞉ tapaeyekeme.

Luku 6:17

Kutupa Yesuma꞉ mo Aposolo haliweki ame̱le̱ mo hande potena꞉ hao hola꞉pa꞉niao ikita꞉ epeke hawete epeekena꞉ Yesu ipika꞉ hoki nane tolu haemeke haliweki paeyao ame̱le̱ hata꞉ tiao hayekeme.

Luku 9:10

Mo aposolo haliwekima꞉ paa a꞉pa ika꞉ pimiki ekimanu paeyaosiki Yesu pa꞉ta꞉ la halemekeme. Koto ekina꞉ta꞉ Yesuma꞉ mo haliweki ame̱le̱ ika꞉ siki mo Betesaida teke da pa꞉ta꞉ pemekeme.

Dioni 1:44

Pilipita꞉ Betesaida halie. Hande A꞉ndutu Pida yaapo haepeke da konee.

Dioni 12:21

Mo wanda꞉halima꞉ hande Ka꞉lili nane hayeke da Betesaida da hao epeeke hali Pilipi pa꞉ta꞉ pua alota꞉ Aneke halio. Nika꞉ honema꞉ta꞉ Yesu handulumeke hone witoloma꞉me lemekeme.

Aposolo 12:20

Hetodima꞉ Taiya Saidoni da yaapo pa꞉ta꞉ haemeke wanda꞉hali pa꞉ta꞉ mineke tieke wopu pankeekeme. Koto ekina꞉ mo da yaapo pa꞉ta꞉ haemeke mandane haliwekima꞉ apa꞉tao Hetodi handolo pemekeme. Titina꞉ amba꞉la mo kini halina꞉ da handeteke hayeke hali Ba꞉lasitusita꞉ ika꞉ a꞉nda꞉ liaena꞉yeke ipiki ame̱le̱ pi lolo pemekeme. Mo halima꞉ ika꞉ pi opiekeme. Kotoeki pea꞉ta꞉ a꞉nda꞉ polumana꞉e laa Hetodi pa꞉ta꞉ honke lolo pemekeme. Ika꞉ wanda꞉halina꞉ neta꞉ Hetodima꞉ handeteke hayeke kenke pa꞉ta꞉ mu haemeke ekina꞉yeke lemekeme.

Aposolo 27:3

Da kelepeeke handa mo Saidoni da opolo poma꞉me. Kutupa Diuliusima꞉ Polo pa꞉ta꞉ a꞉ta꞉ma꞉ homolo hata꞉ ipika꞉ yankeke titima꞉ handeteke haena꞉yeke handolo pena꞉ lea꞉me.

Diudi 1:11

A꞉pa꞉e. Iki pa꞉ta꞉ epolo pa꞉la꞉eki I̱ paala꞉e. Ikana꞉ma꞉ta꞉ mo hande Keinima꞉ mieke pota꞉ ta꞉elememe. Kutupa manina꞉ hauna꞉ mo hande Beilamema꞉ ata꞉ka꞉ peaeyeke tupa꞉ ikana꞉ma꞉ make ika꞉ kone koto pelememe. Ikana꞉ma꞉ta꞉ hande Kotaama꞉ pi na opiki ipika꞉ hone pa꞉la꞉ hau pea homeeke tupa꞉ iki make homeke hau kone pea homelememe.

Peneme Yaeyekeeki 11:3

Kutupa I̱ma꞉ yaka wekitisi hali yaapo mo palaowamanu mondu hala꞉ ekima꞉ dau yamao 1 daoseni kutupa 260 natemanu Koda꞉na꞉ pi walawaena꞉ tapaalueke lea꞉me.

Peneme Yaeyekeeki 6:12

Kutupa mo Sipisipi Ma꞉na꞉ Ikikima꞉ mo yunki mindiki hata꞉ tonkaake ale ka꞉la꞉peeke handoa꞉me. Koto dina꞉ta꞉ paala꞉ piki yu momeni tieke pea mo nateta꞉ da hokolo pupapeke aka꞉ hankolakema꞉ handaata꞉ mo kaisepota꞉ we au lolo yapea꞉me.