Ma꞉tiu 11:19 - Panake Pi La: Ula: Buka pita: Kine Pieke Buka

¹⁹ Pate Wanda꞉halina꞉ Eiyeke a꞉pa ikali ne yaapo no hayeke ekita꞉ koto wanda꞉halima꞉ kone handolo alota꞉ Do hali handa꞉pe. Ipikita꞉ ikali ne wopu no hake some ya꞉ka꞉ta꞉me. Kutupa ipikita꞉ mo hande dakisi mu make hoke hau pu haleme haliweki ame̱le̱ apa꞉taala꞉me lemekeme. Kota꞉ mo hone wiki hauma꞉ta꞉ ipika꞉ pu hala꞉eki manuma꞉ ipika꞉ honeta꞉ ota꞉ epeke hone o hoke hone laa pa peneme yaasa꞉me.

Ma꞉tiu 11:19 Mawu Ofanana

Ma꞉tiu 5:46

Ikana꞉ma꞉ mo iki pa꞉ta꞉ pukima꞉ homeleme wanda꞉hali homeke pa꞉ta꞉ a꞉nda꞉ pukima꞉ homemeka꞉na꞉ta꞉ pa ekipeke Koda꞉ma꞉ iki pa꞉ta꞉ epeke yenki kina꞉pe. Mo hande dakisi mu hala꞉ haliwekima꞉ kone kutu piki hau pu halememe.

Luku 14:1

Mo hande hoto pila꞉ nate ma꞉nda꞉na꞉ Yesuta꞉ Pa꞉tisi haliwekina꞉ you hali ma꞉nda꞉na꞉ da pa꞉ta꞉ ne noluekema꞉ peekeme. Kutupa koto pa꞉ta꞉ haemeke wanda꞉halima꞉ta꞉ Yesuta꞉ wopu handaake wimikime.

Luku 19:7

Wanda꞉hali paeyaoma꞉ Kutu piekeeki hando haota꞉ hambilikima꞉ hambilikima꞉ pitolo alota꞉ Do halita꞉ mo hande hoke hau pa꞉la꞉ halina꞉ da pa꞉ta꞉ kimisu pula꞉me lemekeme.

Luku 7:29

Wanda꞉halima꞉ koto pi opuaata꞉ iki make mo dakisi mani mu haemeke haliweki ame̱le̱ paeyaota꞉ Dionima꞉ amba꞉ iki bapitaisi peaena꞉ laata꞉ ame dota꞉ Yesuna꞉ pi opitolo hata꞉ta꞉ Koda꞉na꞉ hau manuta꞉ ota꞉ tikitiki ya꞉la꞉me lemekeme.

Dioni 2:2

Yesu ipika꞉ disaipolo haliweki ame̱le̱ tonka꞉na꞉ mo wanda꞉ hapieke alena꞉ ipupe laa wi leekeme.

Loma꞉ 15:2

Dia꞉me. Nika꞉ Ketiso yankeke ipika꞉ hone tulaasa꞉eki sutialuekema꞉ kota꞉ niki paeyao homeke homekema꞉ ipiki epeaaso ta꞉na꞉ma꞉ homa꞉tiamana꞉e.

Peneme Yaeyekeeki 7:12

Kutu pina꞉e. Yeiya꞉ laasa꞉eki make pa̱a̱ make hone u lenkene peaasa꞉eki make ta꞉na꞉e ala꞉eki make biki miniliaasa꞉eki make wele honkopu make paeyaota꞉ hoto paeyao nika꞉ Koda꞉na꞉eki ula꞉me. Kutu pina꞉e lememe.