Ma꞉tiu 11:11 - Panake Pi La: Ula: Buka pita: Kine Pieke Buka

¹¹ I̱ma꞉ ota꞉ pi alome. Mo hande bapitaisi peao haya꞉ hali Dionita꞉ mo amba꞉ haemeke hali paeyao ota꞉ lombei piki some hala꞉me. Pate mo hepenina꞉ Kilu Tombuao Hala꞉ ekina꞉ ota꞉ biki na ula꞉ some a꞉nda꞉ma꞉ta꞉ Dioni lombei pa꞉la꞉me.

Ma꞉tiu 11:11 Mawu Ofanana

Ma꞉tiu 11:10

Koto some Dionita꞉ mo hande Baibolona꞉ wape pa꞉la꞉ pina꞉ Koda꞉ma꞉ alota꞉ Ya pi lawalo pula꞉ hali amba꞉la mo naka꞉ pota꞉ tiki tiki yawaena꞉e tapaalueke leeke pita꞉ kota꞉ ipikina꞉ leekeme.

Ma꞉tiu 11:12

Dionima꞉ mo hande pimanu walea꞉ natena꞉ kini pu mea a꞉pa ame do natena꞉ kone mo hepenina꞉ Kilu Tombuao Hala꞉ ekima꞉ lombei lombei pua꞉tiki ipu hala꞉me. Kutupa mo honkopu hao haleme haliwekima꞉ koto hepenina꞉ Kilu Tombuao Hala꞉eki miniki halememe.

Ma꞉tiu 3:1

Koto natena꞉ta꞉ mo hande bapitaisi peao hayeke hali Dionima꞉ mo Diudiana꞉ hapiki kenke pa꞉ta꞉ a꞉pa hata꞉ pi kini pea walolo alota꞉

Ma꞉tiu 3:11

I̱ma꞉ta꞉ ika꞉ hoke haumanu mina꞉pa꞉laemekeeki peneme yaaluekema꞉ ikalima꞉ bapitaisi peaowalopate mo ya hoki nane ipilia꞉ halima꞉ta꞉ mo Holi Sipitidi pita꞉ ti tala꞉eki yaapoma꞉ iki bapitaisi pealieke. Mo someta꞉ I̱ ota꞉ lombeipiki some halekena꞉ ipika꞉ anke dake kone I̱ma꞉ mea tiaapeke ana꞉ na pa꞉la꞉me.

Ma꞉tiu 5:19

Kutu piliepate pa hali homeke ma꞉nda꞉ma꞉ mo Lo Pi Ula꞉ ekina꞉ hosiki pi siki kone yoka꞉ mea bao make o mandane wanda꞉halima꞉ make kutu pina꞉ wala꞉ tiaeya꞉ka꞉na꞉ta꞉ kota꞉ ipika꞉ bikita꞉ oli hepenina꞉ Kilu Tombuao Hala꞉eki pa꞉ta꞉ta꞉ ota꞉ hosiki siki ya꞉lieke. Pate pa hali homeke ma꞉nda꞉ma꞉ mo Lo Pi Ula꞉eki miniki hata꞉ mandane wanda꞉halima꞉ make kutu pina꞉ wala꞉ tiaeya꞉ka꞉na꞉ta꞉ kota꞉ ipikana꞉ma꞉ oli hepenina꞉ Kilu Tombuao Hala꞉ ekina꞉ biki tieke milieke.

Luku 1:15

mo weki daeya hata꞉ta꞉ Koda꞉na꞉ leke popelekena꞉ hata꞉ hali tieke halieke laata꞉ Ipikana꞉ma꞉ta꞉ mo waini ikali make mo hoke ikali make na nelieke. Kutupa ipikita꞉ inkikina꞉ weleke pa꞉ta꞉ pitina꞉ kone mo Holi Sipitidi tumbaalieke.

Luku 7:28

Yesuma꞉ iki pa꞉ta꞉ alota꞉ Opua꞉pe. Dioni ipikita꞉ amba꞉ haemeke haliweki paeyao lu ankulala꞉pate Koda꞉na꞉ Kilu Tombuao Hala꞉ alena꞉ oto pa꞉ta꞉ hala꞉ hali ipikita꞉ Dioni lu ankulao hala꞉me leekeme.

Luku 9:48

iki pa꞉ta꞉ alota꞉ Ma꞉nda꞉ epima꞉ yaka bikina꞉ dupiki weki siki handa꞉ mia꞉ka꞉na꞉ta꞉ kota꞉ I̱ kone handa꞉ mina꞉la꞉me. Kutupa hali epima꞉ I̱ handa꞉ mia꞉ka꞉na꞉ta꞉ kota꞉ I̱ tapaeya꞉ hali make handa꞉ mina꞉la꞉me leekeme. Iki tukiki pa꞉ta꞉ta꞉ biki na wiki hali ma꞉nda꞉ haya꞉ka꞉na꞉ta꞉ kota꞉ ipikana꞉ma꞉ iki paeyaosiki lu ankulala꞉me leekeme.

Dioni 1:15

Dionima꞉ Yesu hala꞉eki niki pa꞉ta꞉ la kuluekema꞉ wi la alota꞉ I̱ma꞉ amba꞉ hande lo haowa꞉ ekita꞉ dupae. Ya hoki nane ipilie halita꞉ I̱ na mendiki haena꞉ kone ipiki amba꞉la hao hayeke ekima꞉ I̱ ankulala꞉me. Kutupa hande lo haowa꞉ ekita꞉ ameta꞉ do hali pa꞉ta꞉ loa꞉me.

Dioni 1:27

Koto halita꞉ ya hoki nane ipula꞉pate ipika꞉ anke dake limbiti pa꞉la꞉ pu I̱ma꞉ ka꞉la꞉papeke ana꞉ na pa꞉la꞉me leekeme.

Dioni 10:41

Wanda꞉hali wopuma꞉ ipiki pa꞉ta꞉ pua mombolo hata꞉ alota꞉ Dionima꞉ wele wotu pita꞉la꞉eki wopu na piekepate ipikana꞉ma꞉ do hali pa꞉ta꞉ leeke pi paeyao amba꞉ yaala꞉me lemekeme.

Dioni 3:30

Ipikita꞉ tieke daeyatiki pitolo haena꞉ta꞉ I̱ta꞉ hosiki uniatiki pea꞉peke ya꞉la꞉me.

Dioni 5:35

Dionita꞉ hande ola꞉pake tupa꞉ ka꞉wa endialeke handaa pa̱a̱ wopu pu haya꞉me. Koto ekina꞉ ipika꞉ pa̱a̱ pa꞉la꞉eki pa꞉ta꞉ hosiki haluekema꞉ ikana꞉ma꞉ hone pia꞉me.

Dioni 7:39

Yesuma꞉ koto leeke ekita꞉ Holi Sipitidi pa꞉ta꞉ kone leekeme. Ipiki pa꞉ta꞉ hone tulao haemeke wanda꞉halima꞉ mo Holi Sipitidi muluekema꞉ haena꞉ leekeme. Koto natena꞉ta꞉ Yesuma꞉ ipika꞉ halo pieke kapu tieke a̱i̱ dia꞉yeke handaa mo Holi Sipitidi a̱i̱ na epena꞉ leekeme.

1 Kotindi 15:9

Mo aposolo haliweki ame̱le̱ hata꞉ I̱ta꞉ ota꞉ hosiki halisiki halome. Koto biki muluekema꞉ epeke hali na haowa꞉me. I̱ma꞉ta꞉ Koda꞉na꞉ siosi wanda꞉hali pa꞉ta꞉ tanda tieke haloa꞉ ekina꞉ loa꞉me.

1 Kotindi 6:4

Koto ekina꞉ mo hande haumanu iki tukikina꞉ opolo epea꞉ka꞉na꞉ta꞉ kota꞉ ikana꞉ma꞉ mo pi na miki wanda꞉hali pa꞉ta꞉ mea pelimikipe.

Epesese 2:3

Amba꞉ta꞉ niki make kutupiki wanda꞉hali hao hata꞉ta꞉ nika꞉ hone pieke ekimanu putia pulu hata꞉ nika꞉ lokema꞉ hone pieke make nika꞉ hone wia puma꞉eki make pu haoma꞉me. Koto hau pu haleme wanda꞉hali pa꞉ta꞉ Koda꞉ma꞉ hoke yenki hala꞉peke ya꞉la꞉ tupa꞉ niki pa꞉ta꞉ make kia꞉peke yolo pia꞉me.

Epesese 3:8

Koda꞉na꞉ wanda꞉hali paeyao titina꞉ haena꞉ I̱ta꞉ ota꞉ wetepe nane halopate Koda꞉ma꞉ta꞉ mo Diendaili wanda꞉hali pa꞉ta꞉ hande Pi Seliapo I̱ma꞉ walo ponoyeke I̱ pa꞉ta꞉ kia꞉me. Hande Pi Seliapo pa꞉ta꞉ta꞉ Ketiso ipika꞉ paelo pua꞉peke na ya꞉la꞉ hamoko hala꞉eki pila꞉me.

2 Timodi 1:10

Pate ameta꞉ mo nika꞉ da꞉taasa꞉ hali Ketiso Yesu ipika꞉ a꞉pa꞉la꞉eki pa꞉ta꞉ yama꞉ peneme yaala꞉me. Mo homa꞉la꞉ ekina꞉ wele ipikana꞉ma꞉ paeyaaso hata꞉ mo Koda꞉na꞉ Pi Seliapo pa꞉ta꞉ yama꞉ deto hala꞉eki peneme yaala꞉me.

Hibulu 11:40

Koda꞉ma꞉ niki pa꞉ta꞉ make epeke hau ma꞉nda꞉ pealuekema꞉ hone pambao wiekeme. Koto pambao wieke honeta꞉ Koda꞉ma꞉ iki homeke dia꞉ yekepate pa niki tonka꞉na꞉ mandake epeaalueke laa hone piekeme.

1 Pida 1:10

Mo pa꞉ta꞉ la꞉la꞉ ekina꞉ hone uluekema꞉ amba꞉ Koda꞉na꞉ pi la꞉ mea halao hayeke potopede haliwekima꞉ ekipape alo hata꞉ weiyu haemekeme. Kutupa Koda꞉ma꞉ iki pa꞉ta꞉ do pa hameke kulu pieke ekina꞉ mo potopede haliwekima꞉ la꞉ wimikime.