Ma꞉tiu 11:10 - Panake Pi La: Ula: Buka pita: Kine Pieke Buka

¹⁰ Koto some Dionita꞉ mo hande Baibolona꞉ wape pa꞉la꞉ pina꞉ Koda꞉ma꞉ alota꞉ Ya pi lawalo pula꞉ hali amba꞉la mo naka꞉ pota꞉ tiki tiki yawaena꞉e tapaalueke leeke pita꞉ kota꞉ ipikina꞉ leekeme.

Ma꞉tiu 11:10 Mawu Ofanana

Ma꞉tiu 11:11

I̱ma꞉ ota꞉ pi alome. Mo hande bapitaisi peao haya꞉ hali Dionita꞉ mo amba꞉ haemeke hali paeyao ota꞉ lombei piki some hala꞉me. Pate mo hepenina꞉ Kilu Tombuao Hala꞉ ekina꞉ ota꞉ biki na ula꞉ some a꞉nda꞉ma꞉ta꞉ Dioni lombei pa꞉la꞉me.

Ma꞉tiu 11:3

Mo haliwekima꞉ Yesu pa꞉ta꞉ a꞉pa alota꞉ Do nika꞉ lota꞉ pita꞉la꞉eki ota꞉ la kuelena꞉e. Dionima꞉ hali ma꞉nda꞉ ipilieke lea꞉ halita꞉ nekepe o ma꞉nda꞉ epena꞉ yu wia hamonope leekeme.

Ma꞉tiu 3:3

Do Dioni pa꞉ta꞉ta꞉ mo hande potopede hali Aisayama꞉ pi ma꞉nda꞉ la꞉ wiekeme. Koto la꞉ wieke pita꞉ dupa. Ma꞉nda꞉ halima꞉ mo hapiki kenke pa꞉ta꞉ hata꞉ pi taka꞉lake lo hala꞉me. Ipikana꞉ma꞉ alota꞉ Mo Tekehalina꞉ pota꞉ pilaowapa꞉peke. Ipiki epeke alena꞉ yapena꞉ ipika꞉ pota꞉ wopu tikitiki yawapa꞉peke ala꞉me leekeme.

Maka 1:2

Do pita꞉ hande potopede Aisayama꞉ wape pea ula꞉ ekita꞉ dupa. Koda꞉ma꞉ alota꞉ Opua꞉pe. Ya pi mea puaasa꞉ hali amba꞉la tapaalueke. Naka꞉ pota꞉ epeaena꞉yeke tapaalueke leekeme.

Luku 1:76

Koto ekina꞉ ya wekio. Neketa꞉ Ota꞉ Manda Hala꞉ Koda꞉ ipika꞉ pi la꞉mea halo hala꞉ hali haleme laa lelimikie. Kutupa Tekehali wetepena꞉ epena꞉ nakana꞉ma꞉ ipika꞉ pota꞉ tikitiki yawaluekema꞉ amba꞉la pelipikie.

Dioni 1:23

Dionima꞉ ika꞉ pi hombo peaaso alota꞉ I̱ halo ekita꞉ dupae. Hali homekema꞉ mo hapu hala꞉ alena꞉ hata꞉ wi ala꞉ ekita꞉ dupae. Tekehali epena꞉yeke pota꞉ tikitikina꞉ pilaapa꞉peke. Koto leeke pita꞉ mo potopede hali Aisayama꞉ wape pieke pi kone leekeme.