Ma꞉tiu 10:8 - Panake Pi La: Ula: Buka pita: Kine Pieke Buka

⁸ Koto alo hata꞉ta꞉ mo yeni haleme wanda꞉halina꞉ yeni wamo peao make mo homemeke tokomanu mea da꞉tao make wanda꞉halina꞉ lokena꞉ hala꞉ kindi yenimanu epeaaso hata꞉ mo hoke temokomanu tolu lu pia꞉pa꞉peke. Do koto pea꞉pa꞉peke alo ekita꞉ pa hameke mimi ekina꞉ ikana꞉ma꞉ make pa hameke hala꞉pa꞉peke.

Ma꞉tiu 10:8 Mawu Ofanana

Ma꞉tiu 10:1

Yesuma꞉ ipika꞉ hoki nane telimiki 12 haliweki wi la꞉ mea momba꞉lao hata꞉ mo hoke temokomanu tolu lia꞉peke welemanu make hoke yeni tekemanu make wamo pea꞉peke welemanu make iki pa꞉ta꞉ ana꞉na꞉ haleekeme.

Ma꞉tiu 10:7

Kutupa iki puaata꞉ dupiki pi lapa꞉peke Mo hande Hepenina꞉ Kilu Tombuao Hala꞉ ekita꞉ iki teke pa꞉ta꞉ ta a꞉pa hala꞉ handa꞉pe lapa꞉peke.

Ma꞉tiu 10:9

Ika꞉ pausa pa꞉ta꞉ kolo mani o silipa mani o wepiki toeamanu make na mendia꞉pa꞉peke.

Maka 16:18

Hoke ketomanu kikima꞉ minilimikie. Hali homaasa꞉ ikali nemeka꞉na꞉ta꞉ na homilimikie. Yeni haaseme wanda꞉halina꞉ ika꞉ kiki wimika꞉na꞉ta꞉ koto wanda꞉hali tiaalimikie leekeme.

Luku 10:9

Koto da yu pa꞉ta꞉ yeni haleme wanda꞉hali wopu mea epeapa꞉peke. Kutupa koto pa꞉ta꞉ haleme wanda꞉hali pa꞉ta꞉ta꞉ Koda꞉na꞉ Kilu Tombuao Hala꞉ ekita꞉ iki teke pa꞉ta꞉ amba꞉ opolo a꞉pa꞉la꞉me lapa꞉peke.

Aposolo 3:6

Pidama꞉ alota꞉ I̱ta꞉ kolo o silipamanu make ma꞉nda꞉ dia꞉ya꞉la꞉pate I̱ma꞉ wia halo aleta꞉ kionoe. Mo Na꞉sa꞉tete hali Yesu Ketisona꞉ bikina꞉ loa꞉ma꞉ pota꞉ pue leekeme.

Aposolo 4:30

Wanda꞉halina꞉ yenimanu tande laluekema꞉ naka꞉ kiki tindipao hata꞉ka꞉na꞉ wele pita꞉la꞉ ekimanu make na hando haloma꞉ ekimanu make naka꞉ yakopiki E Pokaasa꞉ Hali Yesu ipika꞉ bikina꞉ pina꞉ lapeke laa lemekeme.