Ma꞉tiu 10:33 - Panake Pi La: Ula: Buka pita: Kine Pieke Buka

³³ Pate ma꞉nda꞉hali epima꞉ wanda꞉halina꞉ leke poto poto hata꞉ yaka biki na leke I̱ hoki wala haya꞉ka꞉na꞉ta꞉ kota꞉ I̱ma꞉ make mo ya hepeni hala꞉ Apa꞉na꞉ leke poto poto hata꞉ ipiki pa꞉ta꞉ make kutu pulueke.

Ma꞉tiu 10:33 Mawu Ofanana

2 Timodi 2:12

Kutupa nikana꞉ma꞉ mo ka꞉nda꞉manu epena꞉ kone aela꞉ bao haoma꞉ka꞉na꞉ta꞉ kota꞉ ipiki ame̱le̱ mandake piki you wanda꞉hali kone halumeke. Nikana꞉ma꞉ ipiki a꞉nda꞉ kiaoma꞉ka꞉na꞉ta꞉ kota꞉ ipikana꞉ma꞉ niki make kiaalieke.

Luku 9:26

Hali ma꞉nda꞉ epima꞉ I̱ pa꞉ta꞉ make yaka waloa꞉ pimanu pa꞉ta꞉ make yaala꞉ma꞉ homea꞉ka꞉na꞉ta꞉ kota꞉ mo Wanda꞉halina꞉ Eiyeke make Ateke make yako piki enisolo tonu make iki paeyaona꞉ pa̱a̱ pa꞉la꞉eki ame̱le̱ a꞉paata꞉ mo Wanda꞉halina꞉ Eiyekema꞉ mo hande hali pa꞉ta꞉ make yaala꞉ma꞉ homaalieke.

Luku 12:9

Pate ma꞉nda꞉ hali epima꞉ wanda꞉halina꞉ leke pototona꞉ hata꞉ yaka biki na leke kiaeya꞉ka꞉na꞉ta꞉ kota꞉ mo Wanda꞉halina꞉ Eiyekema꞉ta꞉ Koda꞉na꞉ enisolo manuna꞉ leke pototona꞉ hata꞉ ipika꞉ biki make na leke kiaalieke.

1 Dioni 2:23

Ma꞉nda꞉ epima꞉ a꞉nda꞉ mo Eiyeke hoki walea꞉ka꞉na꞉ta꞉ kota꞉ Ateke make hoki wala꞉la꞉me. Ma꞉nda꞉ epima꞉ Eiyeke a꞉nda꞉ pukima꞉ homea꞉ka꞉na꞉ta꞉ kota꞉ Ateke make pukima꞉ homa꞉la꞉me.

2 Pida 2:1

Makeaaso potopede haliwekita꞉ amba꞉ hande haemeke wanda꞉hali tukiki pa꞉ta꞉ opa꞉liaemeke tupa꞉ kone yayapiki pi wala꞉la꞉ haliwekita꞉ iki tukiki pa꞉ta꞉ make opa꞉lialieke. Koto haliwekima꞉ta꞉ iki hoeyaapeke yayapiki mana꞉ pimanu mea a꞉pa make mo hande iki ka꞉la꞉pa꞉ tapaala꞉ Tekehali hoki walolo hata꞉ ika꞉ kone iki hoeyaasa꞉ haumanu mea ipilimikie.

Maka 14:30

Yesuma꞉ ipiki pa꞉ta꞉ alota꞉ Neke pa꞉ta꞉ ota꞉ pi alome. Ame timba kone koka꞉la꞉ma꞉ hoto yaapo peao e a̱i̱ na leke haena꞉ nakana꞉ma꞉ hoto tepo yaka biki amba꞉la hoeyaalipikie leekeme.

Maka 8:38

Do hande Koda꞉ pa꞉ta꞉ hone na wiki ti teke yoko haleme wanda꞉hali ame̱le̱ hala꞉ hali ma꞉nda꞉ epima꞉ I̱ pa꞉ta꞉ tonka꞉na꞉ yaka pi alemanu pa꞉ta꞉ tonka꞉na꞉ hunkupuma꞉ homea꞉ka꞉na꞉ta꞉ kota꞉ koto hali pa꞉ta꞉ mo Wanda꞉halina꞉ Eiyekema꞉ hunkupuma꞉ homilieke. Ipika꞉ Atekena꞉ pa̱a̱ pa꞉la꞉eki tukiki pa꞉ta꞉ hao hande yakopiki enisolo tonu ame̱le̱ ipilia꞉ dina꞉ta꞉ kota꞉ koto hali handa꞉peketa꞉ hunkupuma꞉ homilieke.

Maka 14:72

Kutupa koto kone mo koka꞉la꞉ma꞉ hoto yaapo peao tiaaso hata꞉ e̱ leekeme. Kutupa Pidama꞉ Yesuma꞉ amba꞉ ipiki pa꞉ta꞉ leekeeki hone wiekeme. Mo koka꞉la꞉ma꞉ hoto yaapo peao a̱i̱ na leke haena꞉ kone hoto tepo ya biki a꞉mbao lo hoeyaalipikie leekeeki hone wiekeme. Kutupa Pidama꞉ koto leekeeki hone witolo hata꞉ e̱ wopu leekeme.

Luku 22:57

Koto leekepate Pidama꞉ Dia꞉me laa honi mea baaso alota꞉ Wanda꞉o. Ipikita꞉ I̱ na handolome leekeme.