Ma꞉tiu 10:27 - Panake Pi La: Ula: Buka pita: Kine Pieke Buka

²⁷ I̱ma꞉ iki pa꞉ta꞉ timba nane la kitolo pimanu paeyao natepa nane ikana꞉ma꞉ peneme yao wilimikie. Kutupa ika꞉ honumake siki pita꞉ opimi pimanu paeyaota꞉ mo da holu manda nina꞉ tiao hata꞉ paeyaoma꞉ opina꞉ peneme yao la halimikie.

Ma꞉tiu 10:27 Mawu Ofanana

Ma꞉tiu 24:17

Kutupa da holuna꞉ halia꞉ halima꞉ hola꞉pa꞉niao ala꞉ta꞉ ala꞉ta꞉ mea poluekema꞉ da tukiki pa꞉ta꞉ na honda꞉ pambena꞉e.

Luku 12:3

Koto ekina꞉ ikana꞉ma꞉ mo timba a꞉mbao leleme pi manuta꞉ paa natena꞉ opina꞉ lelimikie. Kutupa pota꞉ poka꞉la꞉ da panda꞉ pa꞉ta꞉ pita꞉ ma꞉nda꞉na꞉ haleke pa꞉ta꞉ tome pambele pita꞉ paeyaoma꞉ opina꞉ yeke da holu manda nina꞉ tiao hata꞉ pi anekema꞉ lelimikie.

Luku 8:10

Ipikana꞉ma꞉ ika꞉ pi hombo peaaso hata꞉ alota꞉ Koda꞉na꞉ Kilu Tombuao Hala꞉ ekina꞉ a꞉mbaala꞉eki manuta꞉ iki pa꞉ta꞉ amba꞉ wala꞉la꞉me. Pate mo mandane wanda꞉hali pa꞉ta꞉ta꞉ onkoluma꞉ pi homekema꞉ la halolome. Pa ekipeke. Ikana꞉ma꞉ handolo pelemepate na handena꞉ opulu pelemepate hone na wina꞉e leekeme.

Dioni 16:1

Ika꞉ hone tulao halemeeki wetepena꞉ na mina꞉pa꞉lalo peleme tupa꞉ do pimanu paeyao iki pa꞉ta꞉ la kitolome.

Dioni 16:13

Kutu polopate wetepe hande ota꞉ pi la wala꞉la꞉ Temoko epea꞉ka꞉na꞉ta꞉ ota꞉ pimanu paeyao opuemena꞉ iki tikitiki yao hatuku pelieke. Ipika꞉ hone wia na leke eki pi opia꞉ka꞉na꞉ta꞉ ipikana꞉ma꞉ koto pi kone la kilieke. Kutupa wetepena꞉ pulu peleme ekimanu make la kilieke.

Dioni 16:25

Do pita꞉ onkoluma꞉ laa iki pa꞉ta꞉ loa꞉pate wetepena꞉ta꞉ onkoluma꞉ pi ma꞉nda꞉ na leke pa yaka Apa꞉ pa꞉ta꞉ pi alo hata꞉ peneme yao iki pa꞉ta꞉ lolueke.

Dioni 16:29

Koto leekeeki opuaata꞉ ipika꞉ disaipolo haliwekima꞉ ipiki pa꞉ta꞉ alota꞉ Ameta꞉ onkoluma꞉ laa na leke peneme yao aleme ekina꞉

Aposolo 17:17

Koto ekina꞉ mo pi hotu haemeke da pa꞉ta꞉ mo Diu haliweki Koda꞉ pa꞉ta꞉ hone wopu wimiki haliweki ame̱le̱ mo makedi pa꞉ta꞉ haemeke haliweki ame̱le̱ make nate paeyao pi yokaalu pea꞉tiki pimikime.

Aposolo 5:20

Mo tembolo da tukiki pa꞉ta꞉ honda꞉ pamba pua hata꞉ do panake da꞉ta꞉la꞉ pi wanda꞉halima꞉ opina꞉ wala꞉pa꞉peke leekeme.

Aposolo 5:28

Mo hande halina꞉ bikina꞉ wanda꞉hali pa꞉ta꞉ pi ma꞉nda꞉ na wala꞉pa꞉peke laa iki pa꞉ta꞉ na lapa꞉peke laa ta꞉e leke pi loma꞉pate ikana꞉ma꞉ pimieki hone wia꞉pa꞉peke. Do Diutuseleme da paeyao pa꞉ta꞉ ika꞉ pi yama꞉ tumbulu bao ula꞉me. Kutupa make mo hande hali homea꞉ ekita꞉ ikana꞉ma꞉ niki tulaasememe laa leekeme.

2 Kotindi 3:12

Nikita꞉ do hone tulao handeteke haloma꞉eki wia haloma꞉ ekima꞉ta꞉ nikita꞉ honkopu wopu haloma꞉me.