Ma꞉tiu 10:24 - Panake Pi La: Ula: Buka pita: Kine Pieke Buka

²⁴ Mo sukulu pita꞉la꞉ weki o wandikita꞉ ipika꞉ wala꞉la꞉ disa some lombei peao na hala꞉me. Koto tupa꞉ kone mo pa hameke e pokaasa꞉ some make ipika꞉ e teke hali lombei peao na hala꞉me.

Ma꞉tiu 10:24 Mawu Ofanana

Ma꞉tiu 10:25

Koto ekina꞉ta꞉ mo sukulu pita꞉la꞉ wekima꞉ta꞉ ipika꞉ hone pa꞉ta꞉ta꞉ Yaka disa some tupa꞉ halueke laa hone pia꞉ka꞉na꞉ta꞉ kota꞉ ana꞉ pilieke. Koto tupa꞉ kone mo e pokaasa꞉ somema꞉ make Ya e teke hali tupa꞉ kone halueke laa hone pia꞉ka꞉na꞉ta꞉ kota꞉ koto make ana꞉ pilieke. Wanda꞉halima꞉ mo da homeke pa꞉ta꞉ pambo haleme tapakena꞉ Ateke pa꞉ta꞉ mo hande hoke biki Bielisibulu la꞉ wiaemeka꞉na꞉ta꞉ kota꞉ ipika꞉ wekiwandiki pa꞉ta꞉ make koto biki ota꞉ lombei piki ota꞉ hoke bikimanu kone la꞉tiki pilimikie.

Luku 6:40

Sukulu pita꞉la꞉ weki o wandikita꞉ ipika꞉ wala꞉la꞉ disa some lombei peao na hala꞉me. Pate mo wekiwandikima꞉ ika꞉ sukulu pitelemeeki paeyaemeka꞉na꞉ta꞉ kota꞉ ikita꞉ mo disama꞉ handilimikie leekeme.

Dioni 13:16

Iki pa꞉ta꞉ ota꞉ pi alome. Pa hameke e pokaasa꞉ halima꞉ta꞉ ipika꞉ e teke hali ankulapeke na ya꞉la꞉me. Kutupa pi lolo pena꞉ tapaasa꞉ halima꞉ make ipiki tapaasa꞉ hali kone ankulaapeke na ya꞉la꞉me.

Dioni 15:20

I̱ma꞉ alo pina꞉ hone wia꞉pa꞉peke. E pokaasa꞉ halima꞉ta꞉ ipika꞉ teke hali na ankulalieke laa loa꞉me. I̱ pa꞉ta꞉ a꞉nda꞉ lilimi ekima꞉ta꞉ iki pa꞉ta꞉ make a꞉nda꞉ lilimikie. I̱ma꞉ walolo pi opueleme ekima꞉ta꞉ ikana꞉ma꞉ walo pelemeeki make opilimikie.