Ma꞉tiu 10:20 - Panake Pi La: Ula: Buka pita: Kine Pieke Buka

²⁰ Koto mo ikana꞉ma꞉ lolo peleme pi manuta꞉ ika꞉ pimanu dia꞉ ya꞉la꞉pate mo ika꞉ Apa꞉na꞉ Sipitidima꞉ ika꞉ lelimi pi pa꞉ta꞉ yama꞉ la꞉na꞉ yeke epena꞉ ala꞉ekie.

Ma꞉tiu 10:20 Mawu Ofanana

Ma꞉tiu 6:32

Mo Koda꞉na꞉ biki na opimiki wanda꞉halima꞉ta꞉ hoto paeyao koto ale manuna꞉ anke wopu tolu haleme. Pate mo ika꞉ hepeni hala꞉ Apa꞉ma꞉ta꞉ koto alemanu nate paeyao ikana꞉ma꞉ make mu hapa꞉peke ekita꞉ hone ula꞉me.

Maka 12:36

Deipidima꞉ ipika꞉ kone alota꞉ Holi Sipitidima꞉ la halolo haena꞉ alota꞉ Mo Tekehalima꞉ yaka Tekehali pa꞉ta꞉ leekeeki dupa. Naka꞉ a꞉nda꞉ tunkuliki haliweki naka꞉ anke oto pa꞉ta꞉ mea pitaanoyeke yaka popeke nane kikina꞉ pita꞉peke la꞉la꞉me.

Luku 11:13

Ikita꞉ hoke haliweki halemepate kone ika꞉ weki wandiki pa꞉ta꞉ta꞉ epeke epeke alemanu halo halememe. Koto hau ota꞉ lombei peaaso hata꞉ta꞉ oli ya nane hala꞉ Apa꞉ma꞉ta꞉ mo Holi Sipitidi honke aleme wanda꞉hali pa꞉ta꞉ta꞉ ota꞉ halieke laa leekeme.

Luku 12:12

Pa ekipeke. Mo Holi Sipitidima꞉ta꞉ koto nate leke sikina꞉ kone ika꞉ lolo peleme pi manuta꞉ walekena꞉ walieke.

Luku 21:15

Pa ekipeke I̱ma꞉ iki pa꞉ta꞉ kutupiki pimanu make epeke hone make kua꞉ka꞉na꞉ta꞉ ika꞉ a꞉nda꞉ tunkuliki haliweki homeke a꞉nda꞉ma꞉ make na tumbalimikie. Kutupa ika꞉ pi na yoko baalimikie.

Aposolo 13:9

Kutu pieke handa Solo ipika꞉ biki ma꞉nda꞉ Polo ipikana꞉ma꞉ta꞉ Holi Sipitidima꞉ ipiki tumba pitina꞉ mo ti̱o̱ hali handaake wia alota꞉

Aposolo 2:4

Kutupa mo Holi Sipitidima꞉ iki paeyao tumba pitina꞉ mo wanda꞉hali paeyaoma꞉ pi ta꞉ta꞉ ta꞉ta꞉ lena꞉ leekeme.

Aposolo 28:25

Koto ekina꞉ ika꞉ kone hone ta꞉ta꞉ ta꞉ta꞉ wia pi ta꞉ta꞉ ta꞉ta꞉ alo hata꞉ poluekema꞉ haena꞉ Poloma꞉ pi homeke ma꞉nda꞉ dupa lea꞉me. Mo Holi Sipitidima꞉ hande potopede hali Aisaya pa꞉ta꞉ la halolo hata꞉ ika꞉ atekemanu pa꞉ta꞉ do leeke pita꞉ ota꞉ alo pia꞉me.

Aposolo 4:8

Kutupa Pidata꞉ Holi Sipitidima꞉ tumba hake halima꞉ alota꞉ Wanda꞉halina꞉ you haliweki pita꞉ tondiki haliweki yaapoo.

Aposolo 6:10

Kutu pimikipate Holi Sipitidima꞉ wele peaaso haena꞉ ipika꞉ hone epekeeki wia hata꞉ pi la꞉tiki pieke ekita꞉ ma꞉nda꞉ma꞉ bepolaapeke na yekeme.

2 Kotindi 13:3

Mo Ketisoma꞉ I̱ pa꞉ta꞉ yama꞉ lo hala꞉me ekina꞉ peneme yaasa꞉ ekita꞉ ikana꞉ma꞉ ota꞉ ana꞉na꞉ wia halimikie. Ipikana꞉ma꞉ iki pa꞉ta꞉ hau ma꞉nda꞉ pia꞉ka꞉na꞉ta꞉ ipikita꞉ damako na pa꞉la꞉me. Kotoeki na pikita꞉ ipikana꞉ma꞉ iki tukiki pa꞉ta꞉manu ipika꞉ honkopu walo hala꞉me.

1 Desalonaika 2:13

Ikana꞉ma꞉ pimi hau ma꞉nda꞉ make nikana꞉ma꞉ Koda꞉ pa꞉ta꞉ keiyae pi la꞉tiki pu haloma꞉me. Kota꞉ hande nikana꞉ma꞉ iki pa꞉ta꞉ Koda꞉na꞉ pi mea epoma꞉ pita꞉ta꞉ ikana꞉ma꞉ kenke halina꞉ pi leke na opimikipate ota꞉ Koda꞉na꞉ pi kone opua mimime. Kotota꞉ ota꞉ koto lataa. Pa ekipeke Koda꞉ma꞉ iki hone tulaaleme wanda꞉hali pa꞉ta꞉ ipika꞉ e wopu poka꞉la꞉ ekina꞉ loa꞉me.

1 Pida 1:12

Do hande opimi ota꞉ pita꞉ mo potopede haliwekima꞉ amba꞉ walaaso haena꞉ta꞉ Koda꞉ma꞉ iki pa꞉ta꞉ koto pita꞉ ika꞉eki dia꞉me. Mo wetepena꞉ haleme wanda꞉hali ika꞉eki peneme yao waleekeme. Mo Pi Seliapona꞉ kinki peaasa꞉ haliwekima꞉ hepeni nanema꞉ tapaeyeke Holi Sipitidina꞉ welema꞉ do ota꞉eki manuta꞉ iki pa꞉ta꞉ la kimime. Do ota꞉eki manuta꞉ mo enisolo haliwekima꞉ kone hone uluekema꞉ hone pu halememe.

2 Pida 1:21

Pa ekipeke mo la꞉ wieke pi ma꞉nda꞉ta꞉ halina꞉ hone pa꞉ta꞉ na epeekepate mo haliwekita꞉ Holi Sipitidima꞉ handeteke hayekeeki oto pa꞉ta꞉ hata꞉ Koda꞉ma꞉ haleeke tupa꞉ walao haemekeme.