Ma꞉tiu 10:19 - Panake Pi La: Ula: Buka pita: Kine Pieke Buka

¹⁹ Iki da꞉ka꞉pa꞉ minilimi pita꞉ma꞉ta꞉ Do pi yokaalu pa꞉ta꞉ta꞉ eki pi lolua꞉pe o eki pa hombo pealua꞉pe laa hone ti na yoko hapa꞉peke. Pa ekipeke. Mo pi yokaalu tukiki pa꞉ta꞉ ika꞉ pi kini pilimi toma꞉na꞉ta꞉ mo ika꞉ lolo peleme pita꞉ pa peneme yaeya꞉ka꞉na꞉ta꞉ ana꞉na꞉ mea lelimikie.

Ma꞉tiu 10:19 Mawu Ofanana

Ma꞉tiu 10:18

Paa yanaaso ya biki hoeyaaluekema꞉ ikana꞉ma꞉ ikita꞉ mo kapomani tumiki haliwekimanu pa꞉ta꞉ make mo kinimanu pa꞉ta꞉ make hatuku pelimikie. Kutu pilimi toma꞉na꞉ta꞉ ikana꞉ma꞉ mo Pi Seliapota꞉ koto kapomani tumiki haliweki pa꞉ta꞉ make mo Diendaili wanda꞉hali pa꞉ta꞉ make waloemena꞉ waleke wilieke.

Ma꞉tiu 6:25

Do ekina꞉ yeke iki pa꞉ta꞉ dupa la kitolome. I̱ homaama꞉na꞉ ikali ne aleke nolua꞉pe laa make ya yama꞉peke ale tonka꞉na꞉ ekipa mulua꞉pe laa ka꞉nda꞉ma꞉ na homo hapa꞉peke. Do ekina꞉yeke loa꞉me. Mo ika꞉ da꞉ta꞉la꞉ ekima꞉ta꞉ mo ne na lombei pu make o ika꞉ lokema꞉ta꞉ mo aka꞉manu ota꞉ na lombei pa꞉lekeyeke yekea.

Ma꞉tiu 6:31

Kutu piliekema꞉ ikana꞉ma꞉ta꞉ Ya nolo polo ne ikali make aka꞉ peaata꞉ hanema꞉ epea꞉ka꞉na꞉ mulua꞉pe laa ka꞉nda꞉ma꞉ na homo hapa꞉peke.

Ma꞉tiu 6:34

Koto ekina꞉ta꞉ beliana꞉ ka꞉nda꞉ manuta꞉ ame kone na mia꞉pa꞉peke. Beliana꞉ ka꞉nda꞉na꞉ ka꞉nda꞉ta꞉ beliaeki ipika꞉ ale homekee. Mandane nate manuna꞉ ka꞉nda꞉ manuta꞉ ame do natena꞉ ka꞉nda꞉ taapuna꞉ apa꞉taapeke na ya꞉la꞉me.

Luku 12:11

Ma꞉nda꞉ epima꞉ iki pi yokaalu puluekema꞉ ika꞉ pi hotu haleme da pa꞉ta꞉manu make o mo kapomani haliweki pa꞉ta꞉ make o handeteke haleme haliweki pa꞉ta꞉ hatuku pemeka꞉na꞉ta꞉ kota꞉ ikana꞉ma꞉ta꞉ eki pi lolua꞉pe o ekipa ya kone tamba꞉ miki pi lolua꞉pe laa ka꞉nda꞉ma꞉ na homo taapa꞉peke

Luku 12:12

Pa ekipeke. Mo Holi Sipitidima꞉ta꞉ koto nate leke sikina꞉ kone ika꞉ lolo peleme pi manuta꞉ walekena꞉ walieke.

Aposolo 6:10

Kutu pimikipate Holi Sipitidima꞉ wele peaaso haena꞉ ipika꞉ hone epekeeki wia hata꞉ pi la꞉tiki pieke ekita꞉ ma꞉nda꞉ma꞉ bepolaapeke na yekeme.

Pilipai 4:6

Ala꞉ta꞉ ala꞉ta꞉ paeyao pa꞉ta꞉ hone witeleme ekina꞉ ka꞉nda꞉ma꞉ homolo na yoko hapa꞉peke. Kotoeki na pikita꞉ hoto ma꞉nda꞉ a꞉nda꞉ Koda꞉ pa꞉ta꞉ yeni pimika꞉na꞉ta꞉ ika꞉ mia꞉peke ya꞉la꞉ alemanu kina꞉ keiyae alo hata꞉ honke lo hapa꞉peke.

2 Timodi 4:17

Kutu pimipate mo Tekehalima꞉ I̱ teke pa꞉ta꞉ hata꞉ I̱ wele peaya꞉me. Kutu pia꞉ ekima꞉ta꞉ mo pi na miki wanda꞉hali paeyaoma꞉ opina꞉ I̱ma꞉ mo Pi Seliapo epeke tupa꞉ waloa꞉me. Kutaa make mo laionima꞉ I̱ lu nena꞉ taapolo pimikieki teke pa꞉ta꞉ ya꞉na꞉ mo Tekehalima꞉ I̱ petelea꞉me.

Dia꞉mesi 1:5

Iki pa꞉ta꞉ hali homekema꞉ epeke hone wita꞉la꞉eki yonka꞉laeya꞉ka꞉na꞉ta꞉ kota꞉ Koda꞉ pa꞉ta꞉ honke lea꞉ka꞉na꞉ta꞉ epelieke. Koda꞉ma꞉ta꞉ haliweki paeyao pa꞉ta꞉ ipika꞉ kiki tindipao hata꞉ haka꞉ta꞉pao halo hala꞉me. Kutupa mo hali pa꞉ta꞉ halieke.