Ma꞉tiu 10:18 - Panake Pi La: Ula: Buka pita: Kine Pieke Buka

¹⁸ Paa yanaaso ya biki hoeyaaluekema꞉ ikana꞉ma꞉ ikita꞉ mo kapomani tumiki haliwekimanu pa꞉ta꞉ make mo kinimanu pa꞉ta꞉ make hatuku pelimikie. Kutu pilimi toma꞉na꞉ta꞉ ikana꞉ma꞉ mo Pi Seliapota꞉ koto kapomani tumiki haliweki pa꞉ta꞉ make mo Diendaili wanda꞉hali pa꞉ta꞉ make waloemena꞉ waleke wilieke.

Ma꞉tiu 10:18 Mawu Ofanana

Ma꞉tiu 10:17

Mo haliwekima꞉ iki pa꞉ta꞉ pulu peleme ekimanu wopu handeteke hao hapa꞉peke. Ikana꞉ma꞉ iki da꞉ka꞉pa꞉ mina pi yokaaluna꞉ mea pua make mo ika꞉ pi hotu haleme da pa꞉ta꞉manu iki yombilimikie.

Ma꞉tiu 10:19

Iki da꞉ka꞉pa꞉ minilimi pita꞉ma꞉ta꞉ Do pi yokaalu pa꞉ta꞉ta꞉ eki pi lolua꞉pe o eki pa hombo pealua꞉pe laa hone ti na yoko hapa꞉peke. Pa ekipeke. Mo pi yokaalu tukiki pa꞉ta꞉ ika꞉ pi kini pilimi toma꞉na꞉ta꞉ mo ika꞉ lolo peleme pita꞉ pa peneme yaeya꞉ka꞉na꞉ta꞉ ana꞉na꞉ mea lelimikie.

Ma꞉tiu 8:4

Kutu pieketa꞉ Yesuma꞉ mo some pa꞉ta꞉ Opie la alota꞉ Doeki ma꞉nda꞉ pa꞉ta꞉ amba꞉la na leketa꞉ pa mo yeni peao hala꞉ halima꞉ titina꞉ amba꞉la naka꞉ yeni ota꞉ paela꞉pe laa handena꞉ a̱i̱ ipiki pa꞉ta꞉ pua꞉peke. Kutaata꞉ wanda꞉halima꞉ naka꞉ yenita꞉ ota꞉ paela꞉me hone wina꞉ mo hande Mosesima꞉ la꞉ wieke tupa꞉ Koda꞉ pa꞉ta꞉ lia hala꞉la꞉ ale lia hala꞉peke leekeme.

Maka 13:9

Koto ekina꞉ta꞉ ika꞉ kone wotu handeteke hapa꞉peke. Pa ekipeke wanda꞉halima꞉ iki mo pi yokaalu pulu pa꞉la꞉ haliweki pa꞉ta꞉ mea hatuku pelimikie. Pi hotu hala꞉ damanu tukiki pa꞉ta꞉ iki yombu mea baalimikie. Kutupa yaka bikina꞉ kapomani you halimanu pa꞉ta꞉ make Kini haliweki pa꞉ta꞉ make hata꞉ ika꞉ pu halemekeeki la halimikie leekeme.

2 Timodi 1:8

Mo nika꞉ Tekehalina꞉ pi walawasa꞉ ekina꞉ta꞉ nakana꞉ma꞉ yaala꞉ma꞉ na homa꞉peke. Kutaa make I̱ mo Ketisona꞉ e pokawa꞉ ekina꞉ dipula mea pitaalemeke pilu ekina꞉ neke yaala꞉ma꞉ na homa꞉peke. Kotoeki na pikita꞉ mo Koda꞉ma꞉ ka꞉la꞉ wele tapu hata꞉ mo Pi Seliapo wala꞉la꞉ ekina꞉ ka꞉nda꞉ta꞉ I̱ yaapo mandake mea tia hapana꞉e.

Peneme Yaeyekeeki 1:9

I̱ta꞉ ika꞉ kame Dioni Yesuna꞉ hoki nane teliolo halie. Ipika꞉ Kilu Tombuao Hala꞉eki pa꞉ta꞉ haleme ekina꞉ ki hone na wiki Pina꞉e laa tanda mineleme ekina꞉ putupoloma꞉ yankekema꞉ loa꞉me. I̱ta꞉ Koda꞉na꞉ pi walaawa꞉ ekina꞉ make Yesuma꞉ ota꞉eki peneme yaeyekeeki walaawa꞉ ekina꞉ I̱ta꞉ mo dawalama꞉ dupake Pa꞉timosi kenke siki pa꞉ta꞉ hano lelememe.

Peneme Yaeyekeeki 11:7

Ipilikana꞉ma꞉ ipilika꞉ pi walo paeyaalipi natena꞉ta꞉ mo honiki na wiki naku tieke kiake pa꞉ta꞉ hao opulu baalia꞉ sayalema꞉ handeke ale tieke hombelekema꞉ mo hali yaapo ame̱le̱ a꞉nda꞉ pilieke. Mo alema꞉ta꞉ mo hali yaapo bepolao lu homaota꞉

Peneme Yaeyekeeki 6:9

Kutupa mo Sipisipi Ma꞉na꞉ Ikikima꞉ yunki peao tonkaake ale ka꞉la꞉pea꞉ ale pa꞉ta꞉ta꞉ mo hande amba꞉ Koda꞉na꞉ pi walaaso hata꞉ kima꞉ na homeke walaemeke handa limiki haliwekina꞉ temokomanu mo oloda oto pa꞉ta꞉ wieke handoa꞉me.