Ma꞉tiu 10:17 - Panake Pi La: Ula: Buka pita: Kine Pieke Buka

¹⁷ Mo haliwekima꞉ iki pa꞉ta꞉ pulu peleme ekimanu wopu handeteke hao hapa꞉peke. Ikana꞉ma꞉ iki da꞉ka꞉pa꞉ mina pi yokaaluna꞉ mea pua make mo ika꞉ pi hotu haleme da pa꞉ta꞉manu iki yombilimikie.

Ma꞉tiu 10:17 Mawu Ofanana

Ma꞉tiu 10:18

Paa yanaaso ya biki hoeyaaluekema꞉ ikana꞉ma꞉ ikita꞉ mo kapomani tumiki haliwekimanu pa꞉ta꞉ make mo kinimanu pa꞉ta꞉ make hatuku pelimikie. Kutu pilimi toma꞉na꞉ta꞉ ikana꞉ma꞉ mo Pi Seliapota꞉ koto kapomani tumiki haliweki pa꞉ta꞉ make mo Diendaili wanda꞉hali pa꞉ta꞉ make waloemena꞉ waleke wilieke.

Ma꞉tiu 20:19

Koto haliwekima꞉ ipiki kitaaso hata꞉ ipika꞉ lokena꞉ dopi tao yumbua baota꞉ homena꞉ lilimikie. Kutupa ipikita꞉ nate tepo wiaata꞉ paa tiao da꞉taa halieke leekeme.

Ma꞉tiu 23:34

Koto ekina꞉ta꞉ I̱ma꞉ iki pa꞉ta꞉ dupiki pi alome. I̱ma꞉ta꞉ mo mandane potopede haliweki make mandane hone wotu ula꞉ haliweki make mo yaka pi wala꞉la꞉ haliwekimanu make iki ame̱le̱ haena꞉ tapaalo polopate mandane haliwekita꞉ ikana꞉ma꞉ lu bao make mandane haliwekita꞉ a꞉ka꞉tei wapepiki tina꞉ lu endialimikie. Kutaata꞉ mandane haliwekita꞉ mo ika꞉ yeni pu haleme da tukiki pa꞉ta꞉ hata꞉ yombua baalimikie. Kutupa mandane haliwekita꞉ da teke homeke pa꞉ta꞉ yokaata꞉ da teke ma꞉nda꞉ pa꞉ta꞉ yoka pa꞉na꞉ tolu lia꞉tiki pilimikie.

Ma꞉tiu 26:59

Mo hande yeni peao hayeke you hali make tondiki haliweki paeyaoma꞉ make Yesu lu homaaluekema꞉ ipika꞉ pa꞉la꞉ hau doe laa makeaaso hata꞉ ma̱leke lulu peleme haliweki weimikime.

Ma꞉tiu 5:22

Pa ameta꞉ I̱ma꞉ iki pa꞉ta꞉ alota꞉ Epima꞉ ipika꞉ yankeke pa꞉ta꞉ mineke pankea꞉ka꞉na꞉ta꞉ kota꞉ ipikita꞉ pi yokaaluna꞉ mea haena꞉ lelieke. Kutupa hali ma꞉nda꞉ epima꞉ ipika꞉ yankeke pa꞉ta꞉ alota꞉ Neketa꞉ I̱ma꞉ dopi taapeke ekie lea꞉ka꞉na꞉ta꞉ kota꞉ koto someta꞉ Ka̱le̱sete tieke pa꞉ta꞉ mea haena꞉ lelieke. Kutaa make ma꞉nda꞉ epima꞉ ipika꞉ yankeke pa꞉ta꞉ alota꞉ Neketa꞉ you hoke hone wopu na wiki someo lea꞉ka꞉na꞉ta꞉ kota꞉ koto someta꞉ ti to hala꞉ pa꞉ta꞉ pua꞉peke ya꞉la꞉eki teke pa꞉ta꞉ hala꞉me.

Maka 13:12

Kutupa hameke ma꞉nda꞉ma꞉ ipika꞉ kamesiki ota꞉ homena꞉ lelieke. Atekema꞉ make ipika꞉ weki kone ota꞉ homena꞉ laata꞉ weki wandiki tonuma꞉ make tiaota꞉ ika꞉ ateke inkiki yaapo ota꞉ homena꞉ lelimikie leekeme.

Maka 13:9

Koto ekina꞉ta꞉ ika꞉ kone wotu handeteke hapa꞉peke. Pa ekipeke wanda꞉halima꞉ iki mo pi yokaalu pulu pa꞉la꞉ haliweki pa꞉ta꞉ mea hatuku pelimikie. Pi hotu hala꞉ damanu tukiki pa꞉ta꞉ iki yombu mea baalimikie. Kutupa yaka bikina꞉ kapomani you halimanu pa꞉ta꞉ make Kini haliweki pa꞉ta꞉ make hata꞉ ika꞉ pu halemekeeki la halimikie leekeme.

Luku 12:11

Ma꞉nda꞉ epima꞉ iki pi yokaalu puluekema꞉ ika꞉ pi hotu haleme da pa꞉ta꞉manu make o mo kapomani haliweki pa꞉ta꞉ make o handeteke haleme haliweki pa꞉ta꞉ hatuku pemeka꞉na꞉ta꞉ kota꞉ ikana꞉ma꞉ta꞉ eki pi lolua꞉pe o ekipa ya kone tamba꞉ miki pi lolua꞉pe laa ka꞉nda꞉ma꞉ na homo taapa꞉peke

Dioni 11:47

Koto ekina꞉ mo Pa꞉tisi haliweki make mo yeni peao haemeke you haliweki make mo Ka̱le̱sete tapake ame̱le̱ momba꞉lalo hata꞉ alota꞉ Nikana꞉ma꞉ta꞉ eki pumana꞉pe. Do hande halima꞉ wele wotu pa꞉la꞉ ekimanu pita꞉la꞉me.

Dioni 16:2

Mo hande pi hotu haleme da pa꞉ta꞉manu iki poemena꞉yeke iki yokilimikie. Kutupa wetepena꞉ mandane haliwekima꞉ta꞉ iki litolo hata꞉ta꞉ Koda꞉na꞉ e pokaasoma꞉me laa hone wilimikie.

Aposolo 17:14

Kutupa mo Ketiso haliwekima꞉ Polota꞉ oni dawala ikali nane tapaemekepate Sailasi Timodi yaapota꞉ koto pa꞉ta꞉ haepekeme.

Aposolo 22:19

Kutupa I̱ma꞉ hombo peaaso alota꞉ Tekehalio. Mo pi hotu haleme damanu paeyao pa꞉ta꞉ I̱ma꞉ta꞉ naka꞉ pi mimi wanda꞉hali mea yombua꞉tiki pea dipula mea lopatiki pua꞉eki mo haliwekima꞉ handememe.

Aposolo 26:11

Kutupa mo wanda꞉halita꞉ pi hotu haleme da paeyao pa꞉ta꞉ panisi wotu peatiki peaata꞉ Yesu pa꞉ta꞉ hoke pi lena꞉yeke la handetiki pua꞉me. Kutupa mo wanda꞉hali pa꞉ta꞉ mineke wotu pankolo hata꞉ mandane damanu pa꞉ta꞉ kone tolu lia꞉tiki pua꞉me.

Aposolo 9:2

Kutu putia mo yeni peao haemeke you haliwekina꞉ you hali pa꞉ta꞉ pua alota꞉ Mo Damasikasi nane pi hotu haleme damanu pa꞉ta꞉ do hande panake hau piteleme wanda꞉hali dipula mea Diutuseleme nane mea ipuluekema꞉ loa꞉ma꞉ pase kie laa pua honke leekeme.

Pilipai 3:2

Koto ekina꞉ mo kikama꞉ leke hoke haumanu puluekema꞉ taapolo hata꞉ mo wanda꞉halina꞉ loke yonkeleke kialuekema꞉ hoto paeyao hone u haleme haliwekima꞉ta꞉ iki hoeyaama꞉na꞉ wopu handeteke hapa꞉peke.

2 Timodi 4:15

Mo somema꞉ nika꞉ waloloma꞉ pina꞉ a꞉nda꞉ wopu lia꞉me. Kutu pieke handaa neke make hoeyaama꞉na꞉ma꞉ wopu handeteke hapeke.

Hibulu 11:36

Iki mandane tapaketa꞉ mandane wanda꞉halima꞉ hoke tupa꞉ kitata pu make dopitama꞉ yombu pimikime. Mandane wanda꞉halita꞉ kiki anke tonkao dipula mea pua꞉tiki pimikime.