Ma꞉tiu 10:15 - Panake Pi La: Ula: Buka pita: Kine Pieke Buka

¹⁵ I̱ma꞉ iki pa꞉ta꞉ ota꞉ ota꞉ pi alome. Mo Koda꞉na꞉ pi yokaalu pulu pa꞉la꞉ nate tieke ipilia꞉ dina꞉ta꞉ mo hande Sodomo da pita꞉ Komoto da yaapo pa꞉ta꞉ halo pa꞉la꞉ hoke yenkita꞉ ota꞉ tieke mulu pelepepate pa koto ikana꞉ma꞉ walimi pi kiaalimi wanda꞉hali ikana꞉ma꞉ mulu peleme yenkita꞉ Koda꞉ma꞉ ota꞉ haka꞉ta꞉pao halieke alome leekeme.

Ma꞉tiu 10:15 Mawu Ofanana

Ma꞉tiu 12:36

I̱ma꞉ iki pa꞉ta꞉ ota꞉ pi alome. Mo pi yokaalu pulu pa꞉la꞉ nate tieke opolo epea꞉ka꞉na꞉ta꞉ mo wanda꞉hali ika꞉ leme handiki na piki pimanu paeyao Koda꞉ma꞉ ana꞉ piki tupa꞉ kone telipalieke.

Ma꞉tiu 5:18

Ota꞉ pi alome. Oli hepeni do kenke yaapo a̱i̱ na paeke pa ula꞉ tomona꞉ta꞉ mo Mosesima꞉ la꞉ wieke pi ula꞉eki wape pea ula꞉ pi homeke siki make o tombo hodikali siki make ma꞉nda꞉ amba꞉la ota꞉ na alu pilieke. Kotoeki na pikita꞉ do kenke ya yaapo paelia꞉ natena꞉ mandake paeyaena꞉ pa wilieke.

Ma꞉tiu 7:22

Mo hande wanda꞉hali paeyao momba꞉lalo pa꞉la꞉ Koda꞉na꞉ nate opolo epea꞉ka꞉na꞉ta꞉ wanda꞉hali wopuma꞉ dupiki pimanu I̱ pa꞉ta꞉ lelimikie. Tekehalio. Tekehalio. Naka꞉ biki alo hata꞉ Koda꞉na꞉ pimanu walao haloma꞉me. O Naka꞉ biki loma꞉ ekima꞉ hoke temokomanu wopu tolu lu make ta꞉ta꞉ piki na handeke haumanu tonka꞉na꞉ wopu puma꞉me lelimikie.

Maka 6:11

Da ma꞉nda꞉ nane pemeka꞉na꞉ta꞉ iki na handa꞉ mimika꞉na꞉ta꞉ ika꞉ pi na opimiki kiaemeka꞉na꞉ta꞉ kota꞉ koto da pa꞉ta꞉ na hake pemeka꞉na꞉ta꞉ ika꞉ ankena꞉ tala꞉la꞉ dokolo tandelapa꞉peke. Mo wanda꞉halima꞉ kiaemekeeki tombo waluekema꞉ tandelapa꞉peke leekeme.

Dioni 12:48

Hali epima꞉ I̱ kiaaso hata꞉ I̱ma꞉ alo pi na opia꞉ka꞉na꞉ta꞉ kota꞉ ma꞉nda꞉ma꞉ ipiki yaapo pi yokaalu pilieke. Do I̱ma꞉ aloeki manuma꞉ kone paelie natena꞉ ipiki yaapo pi yokaalu pilieke.

Dioni 6:39

I̱ tapaala꞉ halina꞉ hone pa꞉la꞉ ekita꞉ do hau pionoyeke tapaala꞉me dupae. Ipikana꞉ma꞉ I̱ pa꞉ta꞉ ka꞉la꞉ wanda꞉halita꞉ homeke a꞉nda꞉ I̱ma꞉ na alupaake hande paelie dina꞉ta꞉ paeyao I̱ma꞉ pa mea tiawaanoyeke tapaala꞉me.

Dioni 6:40

Yaka Apa꞉na꞉ hone pa꞉la꞉eki dupae. Eiyeke handaa ipiki pa꞉ta꞉ hone tulaaseme wanda꞉hali paeyaota꞉ deto hala꞉eki mina꞉yeke hone pa꞉la꞉me. Kutupa mo hande paelie dina꞉ make I̱ma꞉ mo wanda꞉hali pa mea tiawaalueke leekeme.

Aposolo 17:31

Pa ekipeke ipikana꞉ma꞉ nate amba꞉ wiaeyeke handa ala꞉me. Koto natena꞉ ipika꞉ haena꞉ la꞉la꞉ hali homekema꞉ kenke wanda꞉hali paeyao pa꞉ta꞉ pi yokaalu tikitikina꞉ pina꞉ lelieke leekeme. Kutu pulu pa꞉la꞉ ekita꞉ wanda꞉hali paeyaoma꞉ opua Ota꞉ekie hone wina꞉yeke mo hande halita꞉ homa peneme yao paa mea tiaeyekeme laa leekeme.

1 Kotindi 3:13

Kutu pilimipate pa mo hande pi yokaalu pulu pa꞉la꞉ Nate epea꞉ka꞉na꞉ta꞉ kota꞉ mo da a꞉eleme haliweki paeyaona꞉ a꞉eleme hau manuta꞉ peneme yaalieke. Koto Natena꞉ta꞉ mo ti tala꞉ ekima꞉ kone ipilieke. Kutupa haliweki paeyaoma꞉ a꞉elemeeki manuta꞉ mo hande ti tolo pa꞉la꞉ ekima꞉ kone ta handilieke.

1 Desalonaika 5:4

Kametitio. Kutu piliepate ikita꞉ timba ala꞉eki pa꞉ta꞉ na haleme ekina꞉ mo hande Nate epolo pa꞉la꞉ ekita꞉ hande pake nala꞉ halima꞉ a꞉pa penkilipaasa꞉ tupa꞉ iki pa꞉ta꞉ na ipilieke.

Hibulu 10:25

Mo nika꞉ Ketiso kametonu ame̱le̱ mombolo haloma꞉eki manuta꞉ mandane wanda꞉halima꞉ mina꞉pa꞉lao haleme tupa꞉ nikana꞉ma꞉ na mina꞉pa꞉lamana꞉e. Kotoeki na pikita꞉ mo Tekehalina꞉ epolo pa꞉la꞉ nate teke pa꞉ta꞉ yoma꞉ a꞉pa꞉la꞉ ekina꞉ta꞉ nikana꞉ma꞉ nika꞉ nika꞉ kone hone utia alualu pumana꞉e.

2 Pida 2:6

Koda꞉ma꞉ta꞉ mo Sodomo Komoto daoni yaapo ma̱leke lia ti ulekema꞉ hoeyaeyeke ekita꞉ ipiki hoki walo peleme wanda꞉hali pa꞉ta꞉ pulu pa꞉la꞉ tupa꞉ waleekeme.

2 Pida 2:9

Koto ekina꞉ Koda꞉ma꞉ta꞉ mo ipika꞉ hau leke piteleme wanda꞉hali ika꞉ ka꞉nda꞉ma꞉ homelemeke pa꞉ta꞉la꞉la꞉ ekita꞉ hone ula꞉me. Kutupa make mo hoke wanda꞉halita꞉ hoke yenki oto pa꞉ta꞉ haena꞉ laata꞉ mo pi yokaalu pulu pa꞉la꞉ nate yu wia haena꞉ ala꞉ ekita꞉ hone ula꞉me.

2 Pida 3:7

Koto tupa꞉ Koda꞉ma꞉ mo hande la꞉ wieke homeke pima꞉ kone ame do ula꞉ kenke ya yaapota꞉ ti ulekema꞉ hoeyaena꞉yeke amu pea ula꞉me. Koda꞉ matao haleme wanda꞉hali pi yokaalu pea hoeyaalo pa꞉la꞉ nate yu wia haena꞉ la꞉la꞉me.

1 Dioni 4:17

Nikana꞉ma꞉ mo Pi Yokaalu Pilie Natena꞉ta꞉ pa honkopu hao halo poluekema꞉ yeketa꞉ mo pukima꞉ homa꞉la꞉ ekita꞉ niki pa꞉ta꞉ ankulao pitaala꞉me. Kutupa nikana꞉ma꞉ miniki halumekee. Pa ekipeke nika꞉ do kenkena꞉ hao peoloma꞉ ekita꞉ mo Ketisona꞉ ekima꞉ kone handa꞉leke loa꞉me.

Diudi 1:6

Kutupa make mo hande enisolo manuma꞉ta꞉ ika꞉ ota꞉ epeke tupa꞉ handeteke haemekeeki pa꞉ta꞉ na hake ika꞉ epeke da hoki walemekeeki hone wipee. Ikita꞉ oni oto nane timba꞉ la꞉papeke pa꞉ta꞉ ota꞉ na paeke pa u halo pa꞉la꞉ senipu manuma꞉ hotaala꞉me. Koda꞉ma꞉ ikita꞉ mo hande Aneke natena꞉ pi yokaalu pina꞉yeke yu wia haena꞉ la꞉la꞉me hone wipee.

Diudi 1:7

Hande Sodomo Komoto daoni yaapo make teke pa꞉ta꞉ hayeke daoni sunu tonka꞉na꞉ hone wopu wipee. Koto wanda꞉halima꞉ta꞉ mo hande enisolo manuma꞉ pieke tupa꞉ kone loke apa꞉taasa꞉ haumanu make yankeke yaapo kone loke apa꞉taasa꞉ haumanu pa꞉ta꞉ ika꞉ loke hala꞉ moneaemekeme. Ikita꞉ wanda꞉hali paeyao pa꞉ta꞉ kinki pitolo mo hande hoto paeyao pa to hala꞉ ti ulekena꞉ tanda leke melememe.