Ma꞉tiu 1:22 - Panake Pi La: Ula: Buka pita: Kine Pieke Buka

²² Meti pa꞉ta꞉ do haumanu peayeke ekita꞉ mo Tekehalima꞉ amba꞉ titina꞉ ipika꞉ potopede hali pa꞉ta꞉ yama꞉ la꞉ wieke pimanu paeyao peneme yaaluekema꞉ yeke piekeme.

Ma꞉tiu 1:22 Mawu Ofanana

Ma꞉tiu 12:17

Ipikana꞉ma꞉ kutu piki hauta꞉ Koda꞉ma꞉ mo hande potopede hali Aisaya pa꞉ta꞉ yama꞉ la꞉ wieke yekeeki peneme yaaluekema꞉ pate piekeme. Aisayama꞉ wape pieke pi manuta꞉ dupa la꞉la꞉me.

Ma꞉tiu 13:21

Mo opiteleme pita꞉ ika꞉ puki tukiki nane wopu na wina꞉ alemeke handaa hosiki hao hao peaata꞉ koto kone paelieke. Pa ekipeke. Mo Pi Seliapo wala꞉la꞉ ekina꞉ kiaasa꞉ halima꞉ta꞉ iki pa꞉ta꞉ tanda o ka꞉nda꞉manu hala꞉leketa꞉ kota꞉ koto kone lopo halememe.

Ma꞉tiu 13:35

Koto pieke ekita꞉ amba꞉ hande potopede halima꞉ la꞉ wieke pimanu yaena꞉ yeke piekeme. Koto hande potopede halima꞉ la꞉ wieke pita꞉ dupa Wanda꞉hali pa꞉ta꞉ pi loluekema꞉ta꞉ onkoluma꞉ manuma꞉ homeke lolueke. Do kenke wepia wieke ane kini pu mea a꞉pa ame do halome anema꞉ a꞉mbao ula꞉ pi manuta꞉ iki pa꞉ta꞉ I̱ma꞉ peneme yao la halueke leekeme.

Ma꞉tiu 2:15

Koto pa꞉ta꞉ puaata꞉ Hetodi homena꞉ yeke yu wia haemekeme. Kutu pimiki ekima꞉ta꞉ mo hande Tekehalima꞉ ipika꞉ potopede hali pa꞉ta꞉ yama꞉ pi la꞉ witolo alota꞉ Ya wekio. Idiepi kenke mina꞉pa꞉lao epoe laa la꞉ ua꞉ pi yaaluekema꞉ piekeme.

Ma꞉tiu 2:23

Na꞉sa꞉tete halo pemekeme. Koto halo pemeke ekita꞉ mo potopede haliwekima꞉ la꞉ wiekeeki yaeyekeme. Koto ikana꞉ma꞉ la꞉ wiekeeki dupa Ipikita꞉ Na꞉sa꞉tete hali hala꞉me lelieke leekeme.

Ma꞉tiu 5:17

Mo hande Mosesina꞉ Pi Ula꞉ ekimanu make o Potopede haliwekima꞉ walemeke pimanu make paeyaluekema꞉ a꞉pa꞉la꞉me hone na wia꞉pa꞉peke. Koto ika꞉ walemeke mana꞉ pimanu paeyaaluekema꞉ dia꞉ ya꞉pate pa yawaluekema꞉ epolome.

Ma꞉tiu 8:17

Yesuma꞉ koto wanda꞉hali epeaeyeke hau manuta꞉ amba꞉ hande potopede hali Aisayama꞉ la꞉ witolo hata꞉ alota꞉ Ipikana꞉ma꞉ ipika꞉ kone nika꞉ ki yenimanu meao make mo biki ula꞉ yeni tekemanu make yoka꞉ mea baeyekeme laa la꞉ wieke pi yaaluekema꞉ yeke piekeme.

Luku 21:22

Pa ekipeke do hau paeyaota꞉ hande Baiboloma꞉ la꞉la꞉ tupa꞉ Mo tanda mia꞉peke natemanu la꞉la꞉ nate peneme yaaluekema꞉ pilieke.

Luku 24:44

Kutupa Yesuma꞉ iki pa꞉ta꞉ alota꞉ Do hau manuta꞉ hande I̱ ame̱le̱ haeme dina꞉ la kua꞉ ekimanue. Mo hande Mosesina꞉ Lo Pi wape pea ula꞉ ekina꞉ make hande potopede haliwekima꞉ wape pea ula꞉ ekina꞉ make hande Emeli bukana꞉ wape pea ula꞉ ekina꞉ make I̱na꞉ lao ula꞉eki manuta꞉ ota꞉ yaapeke ya꞉la꞉me leekeme.

Dioni 10:35

Kota꞉ Koda꞉ma꞉ ipika꞉ pi la꞉niaemeke haliweki pa꞉ta꞉ ika꞉ bikita꞉ koda꞉manue laa leekeme. Kutupa Baibolo bukana꞉ pita꞉ ota꞉eki kone pa u halieke.

Dioni 15:25

Kutu pitelemepate ika꞉ Lo Pi manuna꞉ wape pa꞉la꞉eki ota꞉ yaaluekema꞉ pita꞉la꞉me. Dupae. Pa hameke kone I̱ pa꞉ta꞉ honditi pimime.

Dioni 17:12

I̱ta꞉ do haliweki ame̱le̱ hata꞉ta꞉ nakana꞉ma꞉ I̱ pa꞉ta꞉ ki bikita꞉ koto bikina꞉ welema꞉ kone iki wotu handeteke haowa꞉me. I̱ma꞉ iki handeteke haowa꞉ pita꞉ta꞉ hali ma꞉nda꞉ na alu pia꞉pate pa mo Baibolo buka pa꞉ta꞉ wape pa꞉la꞉eki yaena꞉yeke hande alu pulu pa꞉la꞉ hali homekee.

Dioni 18:9

Ipikana꞉ma꞉ dupiki pi leeke ekita꞉ amba꞉ la꞉ ula꞉eki yaena꞉yeke leekeme. Dupae. Apa꞉o. Nakana꞉ma꞉ I̱ pa꞉ta꞉ ki haliweki paeyao pa꞉ta꞉ hali homeke kone na alupia꞉me leekeme.

Aposolo 3:18

Amba꞉ kiaake Koda꞉ma꞉ta꞉ ipika꞉ Ketisona꞉ tanda mulu pa꞉la꞉eki mo potopede haliweki paeyaoma꞉ la hale hale pina꞉ leekeme. Kutupa hande Koda꞉ma꞉ la꞉ wiekeeki kone ota꞉ yao ikana꞉ma꞉ do pimime.

Loma꞉ 1:2

Do hande Pi Seliapota꞉ Koda꞉ma꞉ amba꞉ kiake pi la꞉ witolo hata꞉ ipika꞉ pi la꞉ mea halo haemeke potopede haliweki pa꞉ta꞉ la halaata꞉ yakopiki Baibolo bukana꞉ make wape pina꞉ leekeme.

Peneme Yaeyekeeki 17:17

Pa ekipeke Koda꞉ma꞉ta꞉ ipika꞉ hone pa꞉la꞉eki peaena꞉ yeke ika꞉ puki pa꞉ta꞉manu ipika꞉ hone pa꞉la꞉eki wina꞉ leeke handaa ikana꞉ma꞉ ta꞉ma꞉ni pea homeke tupa꞉ hau pilimikie. Ika꞉ honkoputa꞉ mo sayale pa꞉ta꞉ halaata꞉ Koda꞉na꞉ pimanu ota꞉ peneme yaalo epena꞉ lelimikie.