Ma꞉tiu 1:21 - Panake Pi La: Ula: Buka pita: Kine Pieke Buka

²¹ Mo wekita꞉ hali weki mendilieke. Kutu pia꞉ka꞉na꞉ ipika꞉ wanda꞉hali mea da꞉taalo pa꞉la꞉ ekina꞉ yeketa꞉ ipika꞉ biki Yesue lelipipikie leekeme.

Ma꞉tiu 1:21 Mawu Ofanana

Kini Pieke 17:19

Pate Koda꞉ma꞉ alota꞉ Dia꞉me. Naka꞉ wanda꞉ Setama꞉ naka꞉ weki mendiaeya꞉ka꞉na꞉ta꞉ ipika꞉ bikita꞉ Aisa꞉ke lelipikie. I̱ma꞉ta꞉ ipiki make ipika꞉ monduma꞉ monduma꞉ pilia꞉ wekiwandikina꞉ wekiwandiki ame̱le̱ make hoto paeyao yaka pi la꞉ witoloeki pa wia halumeke. Koto pi la꞉ witolo ekita꞉ ota꞉ na paeke pa u halo pa꞉la꞉ekie.

Kini Pieke 17:21

Pate I̱ma꞉ta꞉ naka꞉ weki Aisa꞉ke yaapo yaka pi la꞉ witoloeki miniki halueke. Ipikita꞉ do homeke natena꞉ kone mo bapina꞉ Setama꞉ mendilieke leekeme.

Kini Pieke 18:10

Hali homeke ma꞉nda꞉ma꞉ alota꞉ Ame do kini pea kaisepo kiki homekena꞉ mandane ekina꞉ tonkopuna꞉ta꞉ I̱ paa epoa꞉ka꞉na꞉ta꞉ kota꞉ naka꞉ wanda꞉ Setata꞉ weki mendilieke leekeme. Setata꞉ mo halikina꞉ hoki nane mo palai da pota꞉ kake pa꞉ta꞉ hata꞉ opiekeme.

Ma꞉tiu 1:25

Kutu piekepate mo weki pa pita꞉ paleke haena꞉ta꞉ loke na apa꞉taepekeme. Mo weki hamba꞉ mieketa꞉ Diosepema꞉ ipika꞉ bikita꞉ Yesue leekeme.

Luku 1:13

Kutu piekepate mo enisoloma꞉ ipiki pa꞉ta꞉ alota꞉ Sekataiyao. Paala꞉ma꞉ na homa꞉peke laata꞉ Koda꞉ma꞉ naka꞉ yeni pieki opu haota꞉ naka꞉ wanda꞉ Elisa꞉bedima꞉ naka꞉ weki mendiaena꞉ lelieke. Kutupa nakana꞉ma꞉ mo wekina꞉ bikita꞉ Dioni lapeke laata꞉

Luku 1:31

Neketa꞉ weki loke lombaata꞉ wetepena꞉ hali weki mendilipikima꞉ ipika꞉ bikita꞉ Yesu lapeke.

Luku 2:11

Ame do timbata꞉ oni hande Deipidina꞉ da teke pa꞉ta꞉ta꞉ ika꞉ da꞉taalo pa꞉la꞉ Tekehali amba꞉ mendia꞉la꞉me. Ipikita꞉ Tekehali Ketisoe.

Luku 2:21

Kutupa pula homeke paeyeketa꞉ mo weki pa꞉ta꞉ sekemesaisi hau peaota꞉ ipika꞉ biki Yesu lemekeme. Mo weki a̱i̱ na pitiki haena꞉ hande enisoloma꞉ lahaleeke biki kone lemekeme.

Dioni 1:29

Da kelepeeketa꞉ Dionima꞉ ipiki pa꞉ta꞉ Yesu epeekeeki handolo hata꞉ alota꞉ Koda꞉ ipika꞉ Sipisipi Ma꞉na꞉siki koto ipula꞉ma꞉ handa꞉pe laa ipikana꞉ma꞉ kenke wanda꞉hali paeyaona꞉ hoke hau peleme ekimanu mea pula꞉me.

Dioni 4:42

Ameta꞉ ipiki pa꞉ta꞉ hone tulaasoma꞉ ekita꞉ nakana꞉ma꞉ lele ekina꞉ hone na tulaake nikana꞉ma꞉ kone ipika꞉ pi opuaata꞉ ipikita꞉ kenke wanda꞉hali hande mea Da꞉taasa꞉ Hali ota꞉ hala꞉me hone witoloma꞉me lemekeme.

Aposolo 13:23

Hande Deipidina꞉ tapake hali Yesuta꞉ Koda꞉ma꞉ la꞉ wieke tupa꞉ Isulai wanda꞉halina꞉ Da꞉taala꞉ Hali haena꞉ la꞉la꞉me.

Aposolo 3:26

Koto ekina꞉ Koda꞉ma꞉ ipika꞉ e pokaasa꞉ hali mea haena꞉ laata꞉ iki pa꞉ta꞉ amba꞉la tapaeyekeme. Koto tapake hauta꞉ iki epeaaluekema꞉ piekeme. Ikana꞉ma꞉ ika꞉ hoke haumanu mina꞉pa꞉lao ika꞉ puki ipikana꞉ma꞉ la꞉ka꞉laasa꞉ ekima꞉ iki epeaaluekema꞉ piekeme laa leekeme.

Aposolo 4:12

Kutupa niki mea detemono pa꞉ta꞉la꞉la꞉ hali ma꞉nda꞉ na hala꞉me. Oli ya oto pa꞉ta꞉ta꞉ mo wanda꞉hali mea da꞉taasa꞉ halina꞉ biki ma꞉nda꞉ dia꞉ya꞉leke loa꞉me leekeme.

Aposolo 5:31

Koda꞉ma꞉ Yesu paa mea tiaota꞉ ipikita꞉ Titina꞉ Pula꞉ Hali make Da꞉taasa꞉ Hali make ipika꞉ popeke kiki nane haena꞉ laata꞉ Isulai wanda꞉halima꞉ hone ma꞉nda꞉ la꞉ka꞉la mina wiaata꞉ ika꞉ hoke hau peleme ekimanu pa tumbaena꞉yeke piekeme.

Taitasi 2:14

Ketiso ipikita꞉ nikina꞉ homeekeme. Kutu pieke ekima꞉ta꞉ nikita꞉ mo hoke hau pa꞉ta꞉ haomeke yoka꞉ muluekema꞉ make ipika꞉ epeke hauna꞉ puawee hone pa꞉la꞉ yako piki wanda꞉hali homeke hamono yeke piekeme.

Hibulu 7:25

Koto pa꞉la꞉ ekima꞉ta꞉ wetepe make ame do make mo ipiki pa꞉ta꞉ yama꞉ Koda꞉ pa꞉ta꞉ ipilimi wanda꞉halita꞉ ota꞉ da꞉taapeke ya꞉la꞉me. Pa ekipeke ipikana꞉ma꞉ ikina꞉ Koda꞉ pa꞉ta꞉ honke latiki puluekema꞉ hao hala꞉me.

1 Dioni 1:7

Pate mo ipikita꞉ pa̱a̱ pa꞉la꞉eki pa꞉ta꞉ hala꞉ tupa꞉ niki make mo pa̱a̱ pa꞉la꞉eki pa꞉ta꞉ hao poluma꞉ka꞉na꞉ta꞉ kota꞉ nikita꞉ mandakena꞉ hone homeke u alualu poloma꞉me. Kutupa ipika꞉ Eiyeke Yesuna꞉ wema꞉ta꞉ nika꞉ hokeeki paeyao wamo peaasa꞉me.

1 Dioni 3:5

Ketiso opolo epeeke ekita꞉ nika꞉ hoke hau mea bawaluekema꞉ a꞉pa꞉la꞉me. Kutupa ipiki pa꞉ta꞉ta꞉ hokeeki ma꞉nda꞉ na ula꞉me laa hone wilimime.

Peneme Yaeyekeeki 7:14

I̱ma꞉ alota꞉ Someo. I̱ hone na ulupate nakana꞉ma꞉ta꞉ hone wilime loa꞉me. Ipikana꞉ma꞉ I̱ pa꞉ta꞉ alota꞉ Ikita꞉ mo hande ota꞉ hoke tanda pa꞉ta꞉ yama꞉ kone epeke tupa꞉ epeleme wanda꞉halie lea꞉me. Ikana꞉ma꞉ta꞉ ika꞉ aka꞉ manuta꞉ mo Sipisipi Ma꞉na꞉ Ikikina꞉ wema꞉ tanda꞉pa hake peao pelememe.