Maka 4:8 - Panake Pi La: Ula: Buka pita: Kine Pieke Buka

⁸ Kutu piekepate mandane wae ale manuta꞉ epeke kenkena꞉ lopeekeeki patela opa꞉liaota꞉ napeke wiekeeki manuta꞉ dupae. Mandaneeki 30 tupa꞉ mandaneeki 60 tupa꞉ mandaneeki 100 tupa꞉ wiekeme leekeme.

Maka 4:8 Mawu Ofanana

Kini Pieke 26:12

Kutupa Koda꞉ma꞉ Aisa꞉ke epeayeke ekiyalo hata꞉ ipikana꞉ma꞉ koto kenke pa꞉ta꞉ wae alemanu nokopeeketa꞉ mo nokopeeke bapina꞉ta꞉ ota꞉ anekema꞉ haka꞉ta꞉pake napeke tieke mia꞉tiki piekeme.

Ma꞉tiu 13:23

Kutu pu halemepate mo waleme pi opuolo epeke mea miniki haleme wanda꞉hali ikita꞉ mo epeke kenkena꞉ lopeeke wae manuma꞉ handelememe. Ika꞉ kiliki a꞉elo peleme tupa꞉ta꞉ dupa. Mandane wanda꞉hali ika꞉ kilikita꞉ 100manu tupa꞉ mandane ekita꞉ 60manu tupa꞉ mandane ekita꞉ 30manu a꞉eyeke tupa꞉ halimikie leekeme.

Ma꞉tiu 13:8

Kutu piekepate mandane wae ale manuta꞉ epeeke kenkena꞉ lopeeke handaa napeke epeke tupa꞉ wiekeeki manuta꞉ dupae. Mandaneeki 100 tupa꞉ mandaneeki 60 tupa꞉ mandaneeki 30 tupa꞉ wiekeme.

Maka 4:20

Kutu pitelemepate mandane wanda꞉halita꞉ epeke kenke seliapona꞉ lopeekeeki manuma꞉ handelememe laa pi alemanu opua meata꞉ kutupa napeke a꞉eyo halememe leekeme. Mandaneeki 30 tupa꞉ mandaneeki 60 tupa꞉ mandaneeki 100 tupa꞉ a꞉eyo halememe leekeme.

Maka 4:7

Mandane wae manuta꞉ tekeke hake ale polu pa꞉ta꞉manu lopeekeme. Kutupa mo tekeke hake alemanu opa꞉liaaso hande wae alemanu opolo pieke ekita꞉ tumbuaeyekeme. Kutu pieke ekima꞉ kiliki na a꞉eyekeme.

Maka 4:9

Kutupa Yesuma꞉ alota꞉ Katake lomba꞉la꞉ halima꞉ wotu opina꞉e leekeme.

Luku 8:15

Kutupa mo epeke kenkena꞉ lopa꞉la꞉ wae ale manuta꞉ pi opua homu pu haleme wanda꞉hali ikana꞉ma꞉ honkopu hao epeke tupa꞉ minaata꞉ ika꞉ kiliki aneke a꞉eluekema꞉ pa putia pelimikie leekeme.

Luku 8:8

Kutu piekepate mandane wae ale manuta꞉ epeke kenkena꞉ lopaata꞉ opa꞉liao napeketa꞉ 100manu wiekeme. Kutupa Yesuma꞉ ipika꞉ pi lo a꞉mbolo hata꞉ alota꞉ Katake lomba꞉la꞉ halima꞉ta꞉ wotu opina꞉e leekeme.

Dioni 15:5

I̱ta꞉ waini pu tekee. Ikita꞉ palekemanue. Hali epima꞉ I̱ pa꞉ta꞉ haya꞉ka꞉na꞉ta꞉ I̱ta꞉ ipiki yaapo hata꞉ kiliki wotu a꞉elieke. Pate ikana꞉ma꞉ I̱ ame̱le̱ na hake hata꞉ta꞉ ikana꞉ma꞉ epeke hau homeke a꞉nda꞉ na pilimikie.

Dioni 7:17

Hali epima꞉ Koda꞉na꞉ hone pa꞉la꞉ hau puluekema꞉ hone pia꞉ka꞉na꞉ta꞉ kutu pita꞉la꞉ halima꞉ta꞉ I̱ma꞉ do waloloeki Koda꞉na꞉eki kone walaasoeki make o yaka hone wia waloloeki make handa꞉ wilieke.

Aposolo 17:11

Mo da Diu haliwekima꞉ Desalonaika Diu haliwekima꞉ pimiki hau na piki pa epeke tupa꞉ hata꞉ homu pea mo hande pi opuaata꞉ Ota꞉ekipe la handuluekema꞉ mo Baibolo buka pa꞉ta꞉ yata꞉pa nate paeyao weiya꞉tiki pimikime.

Epesese 2:21

Yesu Ketisoma꞉ta꞉ koto hande da a꞉eta꞉la꞉ ti manuta꞉ ipikana꞉ma꞉ miniki hata꞉ta꞉ Tekehali ipika꞉ yakopiki da haena꞉yeke a꞉eya꞉ tia pula꞉me.

Pilipai 1:11

Kutu pilie ekima꞉ta꞉ ika꞉ halemeeki tukiki pa꞉ta꞉ta꞉ mo Yesu Ketiso homekema꞉ puemena꞉ lapeke ya꞉la꞉ hau manuma꞉ iki tukiki pa꞉ta꞉ tumbaalieke. Iki tumbaeya꞉ka꞉na꞉ta꞉ kota꞉ koto hauma꞉ta꞉ Koda꞉na꞉ pi lao yeiya꞉ laalieke.

Kolosi 1:6

Mo Pi Seliapoma꞉ta꞉ mo kenke honiki honiki paeyao pa꞉ta꞉ putupolo hata꞉ kiliki a꞉etolo ombu hala꞉me. Do homeke Pi Seliapota꞉ ikana꞉ma꞉ Koda꞉na꞉ a꞉ta꞉ma꞉ homolo tamba꞉ mina꞉la꞉eki titina꞉ opimi natena꞉ pia꞉ tupa꞉ kone kini pea a꞉pa ame do teke handa꞉ wilimi natena꞉ make pa a꞉etolo ombu hala꞉me.