Maka 1:2 - Panake Pi La: Ula: Buka pita: Kine Pieke Buka

² Do pita꞉ hande potopede Aisayama꞉ wape pea ula꞉ ekita꞉ dupa. Koda꞉ma꞉ alota꞉ Opua꞉pe. Ya pi mea puaasa꞉ hali amba꞉la tapaalueke. Naka꞉ pota꞉ epeaena꞉yeke tapaalueke leekeme.

Maka 1:2 Mawu Ofanana

Ma꞉tiu 11:10

Koto some Dionita꞉ mo hande Baibolona꞉ wape pa꞉la꞉ pina꞉ Koda꞉ma꞉ alota꞉ Ya pi lawalo pula꞉ hali amba꞉la mo naka꞉ pota꞉ tiki tiki yawaena꞉e tapaalueke leeke pita꞉ kota꞉ ipikina꞉ leekeme.

Ma꞉tiu 2:5

Mo hande Diudia kenke pa꞉ta꞉ ula꞉ daoni Beteleha꞉ma꞉ pa꞉ta꞉ mendilieke laa hombo peaaso alota꞉ Mo amba꞉ haemeke potopede haliwekima꞉ta꞉ dupa wape pa꞉la꞉me.

Ma꞉tiu 26:24

Koto pa꞉la꞉pate mo Wanda꞉halina꞉ Eiyeke pa꞉ta꞉ Baibolona꞉ wape pa꞉la꞉ tupa꞉ homilia꞉pate pa Wanda꞉halina꞉ Eiyeke mina꞉yeke a꞉nda꞉ lomba꞉la꞉ halita꞉ ota꞉ a꞉ta꞉ tiekee. Koto halita꞉ na mendia꞉ka꞉na꞉ yoluta꞉ epolo pia꞉me leekeme.

Ma꞉tiu 26:31

Kutupa Yesuma꞉ iki pa꞉ta꞉ alota꞉ Ame do timba kone iki paeyaoma꞉ I̱ mina꞉pa꞉lao pindipa pelimikie. Pa ekipeke mo Baibolo bukana꞉ wape pa꞉la꞉ pita꞉ do tupa꞉ la꞉la꞉me. I̱ma꞉ mo sipisipi handeteke hao hala꞉ halita꞉ lulueke. Kutu pua꞉ka꞉na꞉ta꞉ mo sipisipi paeyaota꞉ mandane mandane pindipa pomo keaalimikie laa wape pa꞉la꞉me.

Luku 1:70

Ame do yaaso hata꞉ pita꞉la꞉ ekita꞉ amba꞉ titina꞉ kone ipika꞉ pi la꞉mea halo haemeke yako piki haliwekima꞉ ipika꞉ pi la꞉ wiaena꞉yeke leekeme.

Luku 1:76

Koto ekina꞉ ya wekio. Neketa꞉ Ota꞉ Manda Hala꞉ Koda꞉ ipika꞉ pi la꞉mea halo hala꞉ hali haleme laa lelimikie. Kutupa Tekehali wetepena꞉ epena꞉ nakana꞉ma꞉ ipika꞉ pota꞉ tikitiki yawaluekema꞉ amba꞉la pelipikie.

Luku 18:31

Yesuma꞉ ipika꞉ disaipolo haliweki talo pu mea mo pateleke pulu hata꞉ alota꞉ Opua꞉pe. Nikita꞉ Diutuseleme da teke pa꞉ta꞉ puluma꞉me. Koto pa꞉ta꞉ta꞉ hande potopede haliwekima꞉ Wanda꞉halina꞉ Eiyeke pa꞉ta꞉ pulu pa꞉la꞉ ekimanu lao wilimi ekita꞉ peneme yaalimikie.