Maka 1:1 - Panake Pi La: Ula: Buka pita: Kine Pieke Buka

¹ Koda꞉na꞉ Eiyeke Yesu Ketiso ipika꞉ pi seliapo doe.

Maka 1:1 Mawu Ofanana

Ma꞉tiu 14:33

Mo kawasona꞉ pitimiki disaipolo haliwekima꞉ koto pieke hau handolo hata꞉ta꞉ ikana꞉ma꞉ Yesuna꞉ biki a꞉meiyaaso alota꞉ Ota꞉e. Neketa꞉ ota꞉ Koda꞉na꞉ Eiyekee laa lemekeme.

Ma꞉tiu 17:5

Kutu piki pi alo haena꞉ta꞉ mo pa̱a̱ piki koa ma꞉nda꞉ma꞉ iki a꞉pa tu peaaso haena꞉ mo koa tukiki pa꞉ta꞉ pi ho̱la̱꞉makema꞉ alota꞉ I̱ma꞉ koto yaka puki piki weki pa꞉ta꞉ ta꞉na꞉ wopu homolome. Ipika꞉ pi opua꞉pa꞉pekee la꞉niaeyekeme.

Ma꞉tiu 3:17

Kutaa oli ya nanema꞉ pi ho̱la̱꞉make homekema꞉ pi alo alota꞉ Dota꞉ ya pukipiki wekie. I̱ma꞉ ipiki pa꞉ta꞉ ta꞉na꞉ma꞉ wopu homolome laa pi la꞉niaeyekeme.

Ma꞉tiu 4:3

Koto tea꞉ma꞉ homolo haena꞉ta꞉ Sadanima꞉ ipiki pa꞉ta꞉ a꞉pa alota꞉ Neketa꞉ ota꞉ Koda꞉na꞉ Eiyeke ya꞉ka꞉na꞉ta꞉ kota꞉ do toopimanu kone palaowa au lapeke leekeme.

Luku 1:35

Mo hande enisoloma꞉ ipika꞉ pi hombo peaaso alota꞉ Mo Holi Sipitidi neke pa꞉ta꞉ ipilieke. Kutupa make Ota꞉ Manda Hala꞉ Koda꞉ ipika꞉ wele pita꞉la꞉eki neke pa꞉ta꞉ a꞉pa pitilieke. Kutu pita꞉la꞉ ekima꞉ta꞉ mo hande nakana꞉ma꞉ mondulu pele yako piki weki ipikita꞉ Koda꞉na꞉ Eiyekee lelimikie.

Dioni 1:14

Mo hande Pita꞉ hali au la a꞉pa niki ame̱le̱ haya꞉me. Ipika꞉ pa̱a̱ pu hala꞉eki pa a꞉ta꞉ma꞉ homa꞉la꞉eki make ota꞉ hau pita꞉la꞉eki make tumba pitia꞉eki nikana꞉ma꞉ handoma꞉me. Koto hande pa̱a̱ pu hala꞉ ekita꞉ ipikita꞉ Atekena꞉ Eiyeke homeke kone hata꞉ miekeme.

Dioni 1:34

Dionima꞉ alota꞉ Koto ekita꞉ I̱ma꞉ handoa꞉me. Koto ekina꞉ ipikita꞉ Koda꞉na꞉ Eiyeke hala꞉eki iki pa꞉ta꞉ la kitolome leekeme.

Dioni 1:49

Nada꞉nielema꞉ ipika꞉ pi hombo peaaso alota꞉ Disao. Neketa꞉ Koda꞉na꞉ Eiyekee. Neketa꞉ Isulai wanda꞉halina꞉ Kini halie leekeme.

Dioni 20:31

Kutu pa꞉la꞉pate ikana꞉ma꞉ Yesuta꞉ mo Ketiso make Koda꞉ ipika꞉ Eiyeke make hala꞉me laa ipiki pa꞉ta꞉ hone tulao hata꞉ ipika꞉ bikina꞉ da꞉ta꞉la꞉eki muemena꞉yeke do ekimanu do bukana꞉ wape pea ula꞉me.

Dioni 3:16

Do ekina꞉yeke loa꞉me. Koda꞉ma꞉ kenke wanda꞉hali pa꞉ta꞉ pukima꞉ wotu homolo hata꞉ ipika꞉ Weki homeke kone kiekeme. Kutupa hali epima꞉ ipika꞉ Weki pa꞉ta꞉ hone tulao haya꞉ka꞉na꞉ta꞉ kota꞉ koto hali na homeke deto hala꞉eki mina꞉yeke kiekeme.

Dioni 6:69

Neketa꞉ Koda꞉ ipika꞉ Yakopiki Hali hale ekita꞉ nikana꞉ma꞉ hone tulao hao amba꞉ handoloma꞉me leekeme.

Aposolo 13:24

Yesuma꞉ e a̱i̱ na kini pu mea pokeeke haena꞉ta꞉ Dionima꞉ Isulai wanda꞉hali paeyao pa꞉ta꞉ pi waleekeme. Ika꞉ hoke hau pimiki ekimanu mina꞉pa꞉laota꞉ bapitaisi pina꞉yeke pi waleekeme.

Loma꞉ 8:3

Hande Lo Pi manuma꞉ta꞉ kenke wanda꞉hali ika꞉ honkopu ana꞉ na pa꞉leke handaata꞉ pea꞉peke na ya꞉la꞉ ekita꞉ Koda꞉ma꞉ peaala꞉me. Kenke wanda꞉hali paeyaona꞉ loke tukiki pa꞉ta꞉ ula꞉ hoke hau teke hoeyaaluekema꞉ Koda꞉ma꞉ ipika꞉ Eiyeke kone tapaeyekeme. Hande ipika꞉ Eiyekema꞉ta꞉ hoke hau pu haleme wanda꞉halina꞉ loke manda꞉na꞉ hao kenkena꞉ a꞉paata꞉ hoke hau paeyaaluekema꞉ epeekeme.

Loma꞉ 8:32

Koda꞉ma꞉ ota꞉ ipika꞉ Eiyeke sa꞉sa꞉ na piki kone niki paeyaona꞉eki peaaso homena꞉ kiekeme. Ipika꞉ Eiyeke niki ka꞉la꞉ ekina꞉ koto tupa꞉ ala꞉ta꞉ ala꞉ta꞉ paeyao make ipikana꞉ma꞉ kiki tindipao na kiliepe. Dia꞉me. Ota꞉ kilieke.