Luku 9:50 - Panake Pi La: Ula: Buka pita: Kine Pieke Buka

⁵⁰ Koto leeke Yesuma꞉ Dioni pa꞉ta꞉ make ipika꞉ disaipolo haliweki paeyao pa꞉ta꞉ make alota꞉ Ikana꞉ma꞉ ipiki sa꞉sa꞉ puluekema꞉ na taapa꞉peke. Ekipeke iki ame̱le̱ a꞉nda꞉ na lita꞉la꞉ halita꞉ kota꞉ ika꞉ ta꞉ma꞉nie leekeme.

Luku 9:50 Mawu Ofanana

Ma꞉tiu 12:30

Mandali epi a꞉nda꞉ yaeki na haya꞉ka꞉na꞉ta꞉ kota꞉ koto somema꞉ta꞉ I̱ pa꞉ta꞉ a꞉nda꞉ lita꞉la꞉me. Kutaa make mandali epima꞉ I̱ tapu na mombelea꞉ka꞉na꞉ta꞉ kota꞉ koto somema꞉ta꞉ hoela꞉ lita꞉la꞉me.

Ma꞉tiu 17:24

Yesu ipika꞉ disaipolo haliweki hatuku Kapeneami da opolo epemeketa꞉ mo tembolo dakisi mani mu haemeke haliweki a꞉pa Pida pa꞉ta꞉ lota꞉ pitolo alota꞉ Naka꞉ walaasa꞉ halima꞉ta꞉ tembolo dakisi mani lopao halepe lemekeme.

Ma꞉tiu 17:26

Pidama꞉ hombo peaaso alota꞉ Mo tapake ma꞉nda꞉ pa꞉ta꞉ homeke mea꞉tiki pilimikie leekeme. Koto leeke Yesuma꞉ alota꞉ Kota꞉ koto ekina꞉ta꞉ mo Kini halina꞉ tapake wanda꞉halima꞉ta꞉ dakisi na wilimikie.

Maka 9:38

Koto leeke handaa Dionima꞉ ipiki pa꞉ta꞉ alota꞉ Disao. Hali ma꞉nda꞉ma꞉ naka꞉ biki alo hata꞉ hoke temokomanu tolu lia꞉tiki pia꞉eki handoma꞉me. Koto someta꞉ niki ame̱le̱ mandakena꞉ na pomieke handaa sa꞉sa꞉ puma꞉me leekeme.

Maka 9:41

Iki pa꞉ta꞉ ota꞉ pi alome. Ikana꞉ma꞉ta꞉ ya biki melemeke handaata꞉ hali epima꞉ ikali naaka꞉na꞉ ipi kanakena꞉ hola꞉ pamba iki kia꞉ka꞉na꞉ta꞉ ipika꞉ yenki ota꞉ milieke leekeme.

Luku 11:23

Ma꞉nda꞉ epita꞉ yaka yankeke na haeka꞉na꞉ta꞉ kota꞉ I̱ yaapo a꞉nda꞉ lita꞉la꞉me. Kutupa make hali ma꞉nda꞉ epima꞉ yaka sipisipi momba꞉laaso hano I̱ na tamba꞉ mia꞉ka꞉na꞉ta꞉ kota꞉ ipikana꞉ma꞉ta꞉ panane tolu lita꞉la꞉me leekeme.

Luku 16:13

E pokaasa꞉ halima꞉ta꞉ you hali yaapona꞉ e pokaasa꞉ hali hapeke na ya꞉la꞉me. Puluekema꞉ taapo haya꞉ka꞉na꞉ta꞉ hali ma꞉nda꞉ta꞉ puki halolo hata꞉ta꞉ hali ma꞉nda꞉ta꞉ honditi pilieke o hali ma꞉nda꞉ pa꞉ta꞉ homu wopu pitolo hata꞉ta꞉ hali ma꞉nda꞉ta꞉ kiaalieke. Kutupa make ikana꞉ma꞉ Koda꞉ pita꞉ mani yaapo ika꞉ you hali yaapo haena꞉ laa ipilika꞉ e yaapota꞉ homeke dina꞉ pokaapeke ana꞉ na pelememe leekeme.

1 Kotindi 12:3

Koto ekina꞉ ikana꞉ma꞉ hone uemena꞉yeke do alome. Hali homeke ma꞉nda꞉ a꞉nda꞉ma꞉ta꞉ Koda꞉na꞉ Holi Sipitidima꞉ handeteke haena꞉ alo hata꞉ alota꞉ Yesuta꞉ hoeyaena꞉e laa pi lapeke na ya꞉la꞉me. Kutupa ma꞉nda꞉ma꞉ make Yesuta꞉ ota꞉ Tekehalie laa loluekema꞉ mo Holi Sipitidima꞉ na handeteke haena꞉ kone kutupiki pi lapeke na ya꞉la꞉me.