Luku 9:45 - Panake Pi La: Ula: Buka pita: Kine Pieke Buka

⁴⁵ Koto leeke ekina꞉ teketa꞉ mo disaipolo haliwekima꞉ hone na wimikime. Mo pi teketa꞉ iki a꞉mbaeyeke handaa ika꞉ honema꞉ hone wia꞉peke na yeekeme. Koto ekina꞉ta꞉ ikana꞉ma꞉ mo pi tekena꞉ lota꞉ pia꞉peke ekita꞉ paala꞉ma꞉ homolo hata꞉ na lota꞉ pimikime.

Luku 9:45 Mawu Ofanana

Ma꞉tiu 16:22

Koto pi opuaata꞉ Pidama꞉ Yesu hosiki mo pate leke hatuku mea pua hata꞉ ipiki pa꞉ta꞉ alota꞉ Dia꞉me Tekehalio. Neke pa꞉ta꞉ kutu piki hau ota꞉ na epena꞉ hone witolome leekeme.

Ma꞉tiu 17:22

Ipika꞉ disaipolo haliweki paeyao Ka꞉lili nane a꞉pa mombelemeke pita꞉ma꞉ta꞉ Yesuma꞉ iki pa꞉ta꞉ alota꞉ Hosiki wetepena꞉ta꞉ mo Wanda꞉halina꞉ Eiyeketa꞉ haliweki oto pa꞉ta꞉ haena꞉ lelieke.

Maka 9:10

Koto ekina꞉ ika꞉ kone pi wia miniki hata꞉ ota꞉ homa paa tiaalieke laa lea꞉ ekita꞉ lota꞉ lota꞉ pimikime.

Maka 9:32

Koto leekepate mo haliwekima꞉ta꞉ hone na wimikime. Kutupa paala꞉ma꞉ homolo hata꞉ lota꞉ na pimikime.

Luku 18:34

Koto leekepate mo disaipolo haliwekima꞉ta꞉ mo pina꞉ teketa꞉ ota꞉ homeke siki make na handa꞉ wimikime. Ekipeke koto leeke pi manuna꞉ teke paeyaota꞉ a꞉mbao wiekeeki yaalo ota꞉ na handa꞉ wimikime.

Luku 2:50

Koto leekepate ipilikana꞉ma꞉ta꞉ koto ipikana꞉ma꞉ hombo peayeke pina꞉ teketa꞉ hone na wipikime.

Luku 9:46

Kutupa mo disaipolo haliwekima꞉ ika꞉ ika꞉ kone tumiki halita꞉ epipe laa pi la alualu pimikime.

Dioni 12:16

Yesuma꞉ koto hau pieke pita꞉ta꞉ ipika꞉ disaipolo haliwekima꞉ hone na wimikipate pa wetepena꞉ta꞉ Yesu paa tiao oli ipika꞉ pa̱a̱ piki kapu tieke mulu pieke haena꞉ ikana꞉ma꞉ mo Baibolo bukana꞉ dupiki pi wape pa꞉la꞉ ekita꞉ ota꞉ Yesu pa꞉ta꞉ kone yaeyekeeki hone wimikime.

Dioni 12:34

Koto leeketa꞉ mo wanda꞉hali paeyaoma꞉ ipika꞉ pi hombo peaaso alota꞉ Mo Lo Pi manuma꞉ ala꞉ ekita꞉ doeki opuma꞉me. Ketisota꞉ hao halieke ala꞉me. Nakana꞉ma꞉ alota꞉ Wanda꞉halina꞉ Eiyeke mea a꞉meiyalieke ale ekita꞉ ekipape. Mo hande Wanda꞉halina꞉ Eiyeketa꞉ epiya꞉ka꞉ta꞉pe lemekeme.

Dioni 14:5

Tomasima꞉ ipiki pa꞉ta꞉ alota꞉ Tekehalio. Neke polo pele ekita꞉ nikana꞉ma꞉ na handoloma꞉me. Koto ekina꞉ pota꞉ta꞉ ekipa handomonope laa leeke handaa

Dioni 4:33

Koto leekeeki opuaata꞉ mo disaipolo haliwekima꞉ ika꞉ kone ane la꞉ mone la꞉ pitolo alota꞉ Ma꞉nda꞉ma꞉ ipika꞉ ne mea a꞉pao halea꞉pe lemekeme.