Luku 9:35 - Panake Pi La: Ula: Buka pita: Kine Pieke Buka

³⁵ Mo koa tukiki pa꞉ta꞉ pi ho̱la̱꞉makema꞉ la꞉niaaso hata꞉ alota꞉ Do ya wekita꞉ I̱ma꞉ kiki ma̱leke lulu wekima꞉ pa꞉la꞉me. Ipika꞉ pi opua꞉pe laa la꞉niaeyekeme.

Luku 9:35 Mawu Ofanana

Ma꞉tiu 12:18

Do ya e pokaasa꞉ halita꞉ I̱ma꞉ ma̱leke lia do haena꞉ lolome. I̱ma꞉ ipikita꞉ pukima꞉ wopu homo hata꞉ ya pukima꞉ ta꞉na꞉ wopu pa꞉la꞉me. Ya temokota꞉ ipiki tukiki pa꞉ta꞉ pitina꞉ tapaalueke. Kutu poa꞉ka꞉na꞉ta꞉ ipikana꞉ma꞉ mo kenke paeyaona꞉ haleme tapake paeyao pa꞉ta꞉ ya tiki tiki peaasa꞉ pimanu la hawalieke.

Ma꞉tiu 3:17

Kutaa oli ya nanema꞉ pi ho̱la̱꞉make homekema꞉ pi alo alota꞉ Dota꞉ ya pukipiki wekie. I̱ma꞉ ipiki pa꞉ta꞉ ta꞉na꞉ma꞉ wopu homolome laa pi la꞉niaeyekeme.

Maka 1:11

Kutupa pi ho̱la̱꞉makema꞉ ya nane hata꞉ la꞉niaeyeke pita꞉ dupae. Neketa꞉ ya pukipiki wekie. Neke pa꞉ta꞉ I̱ma꞉ ta꞉na꞉ma꞉ wopu homolome laa la꞉niaeyekeme.

Luku 3:22

mo Holi Sipitidita꞉ ba melipuma꞉ handekeeki hola꞉pa꞉niao Yesuna꞉ lokena꞉ a꞉pa holopeekeme. Kutaa oli ya nanema꞉ pi ho̱la̱꞉make homekema꞉ pi alo alota꞉ Neketa꞉ ota꞉ yaka puki piki wekie. Yaka pukima꞉ neke pa꞉ta꞉ ta꞉na꞉ma꞉ wotu homolome leekeme.

Luku 9:34

Pidama꞉ dupiki pi alo haena꞉ta꞉ koa a꞉pa ipika꞉ su̱a̱ma꞉ta꞉ iki mea tumbaeyekeme. Tumbaeyeke handaata꞉ mo disaipolo haliweki tepoma꞉ paala꞉ma꞉ homemekeme.

Dioni 12:28

Apa꞉o. Naka꞉ biki tieke wina꞉ lapeke leekeme. Koto la haena꞉ oli ya nanema꞉ la꞉niaeyeke pi ho̱la̱꞉makema꞉ alota꞉ Yaka bikita꞉ amba꞉ titina꞉ tieke wina꞉ lolopate paa ma꞉nda꞉ alo peao tieke wina꞉ lolueke leekeme.

Dioni 3:16

Do ekina꞉yeke loa꞉me. Koda꞉ma꞉ kenke wanda꞉hali pa꞉ta꞉ pukima꞉ wotu homolo hata꞉ ipika꞉ Weki homeke kone kiekeme. Kutupa hali epima꞉ ipika꞉ Weki pa꞉ta꞉ hone tulao haya꞉ka꞉na꞉ta꞉ kota꞉ koto hali na homeke deto hala꞉eki mina꞉yeke kiekeme.

Hibulu 2:3

Kutu pimiki ekina꞉ta꞉ pa niki make mo Koda꞉ma꞉ niki pa꞉ta꞉ lolo ka꞉la꞉ da꞉ta꞉la꞉eki tiekena꞉ hone wopu na uma꞉ka꞉na꞉ta꞉ kota꞉ ekipa mo niki pa꞉ta꞉ kulu pa꞉la꞉ hoke yenki wenduluma꞉pe. Tekehalima꞉ kone do ka꞉la꞉ da꞉ta꞉la꞉eki peneme yaeyekeme. Koto ekita꞉ mo amba꞉ ipikana꞉ma꞉ leeke pi opimiki wanda꞉halima꞉ do pita꞉ ota꞉ la꞉la꞉ pie laa niki pa꞉ta꞉ wopu la kimime.

Hibulu 3:15

Hande kinki pitolo ala꞉ pita꞉ niki pa꞉ta꞉ ipulu ipulu hata꞉ alota꞉ dupae Ame Koda꞉na꞉ pi ho̱la̱꞉make opimika꞉na꞉ta꞉ kota꞉ mo hande ika꞉ apa꞉na꞉ atekena꞉ atekema꞉ puki taka꞉laaso hata꞉ Koda꞉na꞉ pi na opiki nono pimiki tupa꞉ ikana꞉ma꞉ make pi na opiki nono na pea꞉pa꞉peke la꞉la꞉me.

Hibulu 5:9

Ipikita꞉ koto hau paeyaona꞉ ota꞉ ana꞉ pieketa꞉ mo ipika꞉ kakena꞉ homaa pi opu haleme wanda꞉halina꞉ da꞉ta꞉la꞉ ekina꞉ tekehali hayekeme.