Luku 9:18 - Panake Pi La: Ula: Buka pita: Kine Pieke Buka

¹⁸ Nate ma꞉nda꞉na꞉ Yesuma꞉ ipika꞉ honumake hata꞉ yeni pitolo haena꞉ta꞉ ipika꞉ disaipolo haliweki opolo epemekeme. Yesuma꞉ mo haliweki pa꞉ta꞉ lota꞉ pitolo alota꞉ Wanda꞉halima꞉ I̱ta꞉ Epina꞉ biki lo halemepe leekeme.

Luku 9:18 Mawu Ofanana

Ma꞉tiu 14:23

ipikana꞉ma꞉ mo wanda꞉hali tapao hoki naneta꞉ oli pote elina꞉ ipika꞉ siki yeni puluekema꞉ a꞉meiyekeme. Kutupa nate pambolo haena꞉ta꞉ Yesu ipika꞉ siki oli pa꞉ta꞉ hayekeme.

Ma꞉tiu 26:36

Yesuma꞉ ipika꞉ hoki nane tolu haemeke haliweki ame̱le̱ e ma꞉nda꞉ pa꞉ta꞉ opolo pemekeme. Mo ena꞉ bikita꞉ Kesema꞉nie. Koto pa꞉ta꞉ hata꞉ iki pa꞉ta꞉ alota꞉ I̱ta꞉ yeni puluekema꞉ mo pate leke puluma꞉ ikita꞉ do pa꞉ta꞉ hando pita꞉pa꞉peke leekeme.

Luku 11:1

Nate ma꞉nda꞉na꞉ Yesuta꞉ ala꞉ta꞉ ma꞉nda꞉ pa꞉ta꞉ pua yeni pu pitiekeme. Yeni pu paeyaeyeketa꞉ ipika꞉ disaipolo hali ma꞉nda꞉ma꞉ ipiki pa꞉ta꞉ alota꞉ Tekehalio amba꞉ hande Dionima꞉ ipika꞉ disaipolo haliweki yeni pina꞉yeke waleeke tupa꞉ niki pa꞉ta꞉ make koto tupa꞉ wala꞉e leekeme.

Luku 3:21

Kutupa Dionima꞉ wanda꞉hali paeyao siki bapitaisi hau peaota꞉ wetepe nane Yesu make bapitaisi hau peayekeme. Kutupa Yesuma꞉ yeni pitolo haena꞉ta꞉ oli hepeni lumba

Luku 6:12

Koto dina꞉ta꞉ Yesuta꞉ Koda꞉ pa꞉ta꞉ yeni puluekema꞉yeke pote ma꞉nda꞉ a꞉meiya peekeme. Koto timba andusa꞉na꞉ Yesuma꞉ yeni paa pitolo ombu pitina꞉ta꞉ da paa kelepeekeme.

Luku 9:19

Ipika꞉ disaipolo haliwekima꞉ ipika꞉ pi hombo peaaso alota꞉ Mandane wanda꞉halima꞉ta꞉ neketa꞉ mo bapitaisi peao haya꞉ hali Dioni lo halememe. Mandane wanda꞉halima꞉ta꞉ Elaidia lo halememe. Mandane wanda꞉halima꞉ta꞉ potopede hali ma꞉nda꞉ amba꞉ hande homea꞉pate ame dosiki paa tiao hala꞉ halie lo halememe lemekeme.

Luku 9:28

Yesuma꞉ dupiki pi laa pula homekemanu paeyeketa꞉ yeni puluekema꞉ pote ma꞉nda꞉ pa꞉ta꞉ peekeme. Ipikana꞉ma꞉ta꞉ Pida Dioni Dia꞉mesi hatuku opa꞉liaemekeme.

Luku 9:29

Yesuma꞉ yeni pitolo pitina꞉ta꞉ ipika꞉ leke popeleketa꞉ ta꞉ta꞉ ma꞉nda꞉ pikieki hao make ipika꞉ pambaeyeke aka꞉ta꞉ ota꞉ hake wotu pea baeyeke ekima꞉ leke yale yale piki nono piekeme.