Luku 8:51 - Panake Pi La: Ula: Buka pita: Kine Pieke Buka

⁵¹ Yesu mo da pa꞉ta꞉ opolo pulu haena꞉ mo da tukiki pa꞉ta꞉ta꞉ ma꞉nda꞉ ota꞉ na pena꞉ leekepate pa Pida Dioni Dia꞉mesi make mo wandikina꞉ ateke inkiki yaapo pea Yesu ame̱le̱ da pa꞉ta꞉ honda꞉ pambemekeme.

Luku 8:51 Mawu Ofanana

Maka 14:33

Kutupa Yesuma꞉ Pida Dia꞉mesi Dioni ameda hatuku puaata꞉ koto kone ipika꞉ pukima꞉ ka꞉nda꞉ wopu miekeme.

Luku 6:14

Mo haliwekina꞉ biki manuta꞉ Saimono Yesuma꞉ leeke biki ma꞉nda꞉ta꞉ Pida ipika꞉ hameke A꞉ndutu make Dia꞉mesi Dioni Pilipi Badolomiu make

Luku 8:50

Koto leekeeki opua Yesuma꞉ Diaitusi pa꞉ta꞉ alota꞉ Paala꞉ma꞉ na homa꞉pee. Hone tulaase hau homeke pika꞉na꞉ta꞉ naka꞉ wandiki sikita꞉ ota꞉ paa tialieke leekeme.

Luku 8:52

Koto da pa꞉ta꞉ pitimiki wanda꞉hali paeyaoma꞉ta꞉ mo wandikina꞉ e̱ alo hata꞉ homa꞉ wia pitimikime. Yesuma꞉ mo wanda꞉hali pa꞉ta꞉ alota꞉ E̱ na lapepe. Do wandiki sikita꞉ ota꞉ na homa꞉la꞉pate pa u peliolo hata꞉ pa꞉la꞉me leekeme.

Luku 9:28

Yesuma꞉ dupiki pi laa pula homekemanu paeyeketa꞉ yeni puluekema꞉ pote ma꞉nda꞉ pa꞉ta꞉ peekeme. Ipikana꞉ma꞉ta꞉ Pida Dioni Dia꞉mesi hatuku opa꞉liaemekeme.

Aposolo 9:40

Pidama꞉ mo wanda꞉sunu paeyao hama꞉ nane pupe laata꞉ tumiki yotuao yeni peaata꞉ mo wanda꞉ toko handa꞉moneaaso alota꞉ Ta꞉bida. Tiae laa leekeme. Mo wanda꞉ma꞉ leke kila Pida handaata꞉ tiao pitiekeme.