Luku 8:35 - Panake Pi La: Ula: Buka pita: Kine Pieke Buka

³⁵ Koto ekina꞉ mo wanda꞉halima꞉ hande pieke ekimanu handuluekema꞉ pua Yesu pa꞉ta꞉ a꞉paata꞉ amba꞉ hande weleke pa꞉ta꞉ hoke temokomanu pitieke halita꞉ Yesuna꞉ anke teke pa꞉ta꞉ dau yama epeke hone wia pitiekeeki handolo hata꞉ta꞉ iki paeyaoma꞉ paala꞉ma꞉ homemekeme.

Luku 8:35 Mawu Ofanana

Ma꞉tiu 4:24

Koto ipika꞉ pieke hau manuna꞉ta꞉ Sitia kenke paeyao pa꞉ta꞉ kende tupa꞉ wiekeme. Koto pi opuaata꞉ wanda꞉halima꞉ yeni ta꞉ta꞉ ta꞉ta꞉ hake tanda mu haemeke wanda꞉hali make hoke temokomanu pitu make lu keaaso hata꞉ lopo haemeke wanda꞉hali make kiki anke lupa wiki wanda꞉hali make ota꞉ paeyao ipiki pa꞉ta꞉ mea epemekeme.

Maka 5:15

Kutupa Yesu pa꞉ta꞉ a꞉paata꞉ amba꞉ hande weleke pa꞉ta꞉ hoke temokomanu pitieke hali koto pa꞉ta꞉ dau yama epeke hone wia pitiekeeki handemeke handaa paala꞉ma꞉ homemekeme.

Luku 10:39

Mada ipika꞉ hakepiki homeke Meti hayekeme. Metima꞉ta꞉ mo Tekehalina꞉ anke lopao pitieke alena꞉ a꞉pa pita꞉ ipika꞉ pi waleekeeki opu pitiekeme.

Luku 15:17

Kotoeki puoopu hao wetepena꞉ ipika꞉ hone lumba witolo hata꞉ ipika꞉ honema꞉ alota꞉ Ya apa꞉na꞉ e pokaaseme haliwekima꞉ ne ana꞉na꞉ nalo hata꞉ mandaneeki pa wina꞉ lo halemepate I̱ta꞉ do pa꞉ta꞉ hata꞉ta꞉ tea꞉ma꞉ homoluekema꞉ taapolome hone wiekeme.

Luku 2:46

Nate tepo peaota꞉ oli yeni pu haemeke da pa꞉ta꞉ Yesu pitiekeeki handa꞉ wipikime. Yesuta꞉ mo Diu wanda꞉halina꞉ pi walo hayeke haliweki ame̱le̱ pita꞉ ika꞉ pi opitolo hata꞉ make lota꞉ pita꞉la꞉ ekimanu pitolo pitimikime

Luku 8:27

Yesuma꞉ mo kawaso mina꞉pa꞉lao mo ikali tea꞉na꞉ pulu haena꞉ta꞉ mo hoke temokomanu pitiki hali ma꞉nda꞉ mo daoni ma꞉nda꞉ pa꞉ta꞉ hao ipiki manda꞉hande pipikime. Ota꞉ amba꞉ hande hatiki a꞉paata꞉ ame make mo someta꞉ aka꞉ na yameke make da pa꞉ta꞉ na hao polu make ipikita꞉ mo homo hayeke haliweki u haemeke tikene da pa꞉ta꞉manu hao hayekeme.

Luku 8:34

Mo ma꞉na꞉ titi handeteke haemeke haliwekima꞉ mo pieke ekimanu handaata꞉ pindipa puata꞉ daoni nane haemeke wanda꞉hali make koto daoni tekepa꞉ta꞉ haemeke wanda꞉hali make la꞉tiki pomimikime.

Aposolo 22:3

I̱ta꞉ Diu hali mo hande Silisia nane hala꞉ da Tasa꞉si da pa꞉ta꞉ I̱ mendiekepate do daoni tukiki pa꞉ta꞉ daeya polome. Kutupa Kamalielena꞉ sukulu da pita nika꞉ apa꞉ amedana꞉ Lo haumanu sukulu wotu peaka꞉na꞉ ikana꞉ma꞉ Koda꞉ pa꞉ta꞉ ame hone wotu witeleme tupa꞉ I̱ma꞉ make hone u halome.

1 Dioni 3:8

Pate ma꞉nda꞉ epima꞉ hoke hau pa putia pea꞉ka꞉na꞉ta꞉ koto someta꞉ mo Hoke Temokona꞉eki hala꞉me. Pa ekipeke mo Hoke Temokoma꞉ta꞉ kini pitolo kone hoke hau pa꞉leke loa꞉me. Mo Koda꞉na꞉ Eiyeke opolo a꞉pa꞉la꞉ ekita꞉ ota꞉ doeki tekena꞉ pa꞉la꞉me. Mo Hoke Temokoma꞉ pa꞉la꞉eki hoeyaaluekema꞉ pa꞉la꞉me.