Luku 8:30 - Panake Pi La: Ula: Buka pita: Kine Pieke Buka

³⁰ Yesuma꞉ mo hali pa꞉ta꞉ alota꞉ Naka꞉ bikita꞉ epi ya꞉ka꞉ta꞉pe laa lota꞉ pieke handaa ipikana꞉ma꞉ alota꞉ Yaka bikita꞉ Eleke elekee leekeme. Koto leeke ekita꞉ temoko eleke eleke wotu ipiki pa꞉ta꞉ pitieke ekina꞉ leekeme.

Luku 8:30 Mawu Ofanana

Ma꞉tiu 26:53

Ya Apa꞉ma꞉ tamba꞉ mina꞉ wi lolo polo ekita꞉ hone na witelepe. Koto hau a꞉nda꞉ pua꞉ka꞉na꞉ta꞉ kota꞉ ipikana꞉ma꞉ I̱ tamba꞉ muluekema꞉ ipika꞉ a꞉nda꞉ peaasa꞉ enisolo ami tapake 12 haka꞉ta꞉pao koto kone tapalo pa꞉la꞉me.

Ma꞉tiu 4:24

Koto ipika꞉ pieke hau manuna꞉ta꞉ Sitia kenke paeyao pa꞉ta꞉ kende tupa꞉ wiekeme. Koto pi opuaata꞉ wanda꞉halima꞉ yeni ta꞉ta꞉ ta꞉ta꞉ hake tanda mu haemeke wanda꞉hali make hoke temokomanu pitu make lu keaaso hata꞉ lopo haemeke wanda꞉hali make kiki anke lupa wiki wanda꞉hali make ota꞉ paeyao ipiki pa꞉ta꞉ mea epemekeme.

Ma꞉tiu 8:29

Koto hali yaapoma꞉ Yesu handolo hata꞉ koto kone wi la alota꞉ Koda꞉na꞉ Eiyekeo. Niki pa꞉ta꞉ eki hau puluekema꞉ ipulipe laa Mo hande niki hoeyaalo pa꞉la꞉ nate a̱i̱ na epeke haena꞉ niki hoeyaaluekema꞉ a꞉pa pipe lemekeme.

Maka 16:9

[Yesuma꞉ta꞉ Sande da panake ka꞉la꞉polo haena꞉ tiaota꞉ titina꞉ amba꞉la mo Ma꞉kadala wanda꞉ Metima꞉ handena꞉yeke peneme yaeyekeme. Mo wanda꞉ta꞉ Yesuma꞉ amba꞉ kone ipika꞉ hoke temoko watake hata꞉ tolu lieke wanda꞉e.

Maka 5:9

Kutupa Yesuma꞉ ipiki pa꞉ta꞉ lota꞉ pitolo alota꞉ Naka꞉ bikita꞉ epi ya꞉ka꞉ta꞉pe laa ipikana꞉ma꞉ alota꞉ Yaka bikita꞉ Eleke elekee laata꞉ Nikita꞉ wopu eleke eleke halomeke handa loa꞉me leekeme.

Luku 8:2

Kutupa amba꞉ titina꞉ mo hande hoke temokomanu tolu lia make yenimanu pea mea epeaeyeke wanda꞉weki make Yesu telia꞉ mea pomimikime. Metita꞉ mo ipika꞉ puki pa꞉ta꞉ta꞉ temoko watake hata꞉ pitiekeeki tolu lieke wanda꞉e. Ipika꞉ biki ma꞉nda꞉ta꞉ Ma꞉kadalawanda꞉e.

Luku 8:29

Koto leeke ekita꞉ Yesuma꞉ mo hoke temoko pa꞉ta꞉ Pue leeke ekina꞉ leekeme. Nate paeyao mo hoke temokoma꞉ mo hali wotu lu keatiki pomu hayekeme. Nate ma꞉nda꞉ nina꞉ta꞉ mo halita꞉ dipula pitao senipu manuma꞉ ipika꞉ kiki anke mea tonkao u hatiki pimikipate kone ipikana꞉ma꞉ mo senipumanu tunkula꞉ lubepi pia꞉tiki peaata꞉ mo hoke temokoma꞉ koto halita꞉ hapu hayeke alena꞉ lu mea pua꞉tiki piekeme.