Luku 7:43 - Panake Pi La: Ula: Buka pita: Kine Pieke Buka

⁴³ Koto leeke Saimonoma꞉ alota꞉ Pa mata꞉la꞉me. Ya honema꞉ta꞉ mo ipika꞉ tondiki tieke kone pa paeyaeyeke hali yelieke leekeme. Koto leeke handaa Yesuma꞉ alota꞉ Nakana꞉ma꞉ ota꞉ aleme leekeme.

Luku 7:43 Mawu Ofanana

Ma꞉tiu 18:27

Koto leekeeki opitolo hata꞉ mo Kini halima꞉ ipiki pa꞉ta꞉ a꞉ta꞉ma꞉ homolo hata꞉ pa pina꞉e laa Paota꞉ pa mo hande tondiki tieke make pina꞉ laa kiao hone yonka꞉lao ipiki paa tapaeyekeme.

Maka 12:34

Kutupa Yesuma꞉ mo halina꞉ hone wopu wia epeke tupa꞉ leekeeki opuaata꞉ ipiki pa꞉ta꞉ alota꞉ Nakana꞉ma꞉ Koda꞉na꞉ Kilu Tombuao Hala꞉eki teke pa꞉ta꞉ haleme leekeme. Koto lea꞉eki hoki naneta꞉ wanda꞉halima꞉ paala꞉ pieke handaa ma꞉nda꞉ma꞉ lota꞉ paa na piekeme.

Luku 10:38

Yesuta꞉ ipika꞉ disaipolo haliweki ame̱le̱ pota꞉na꞉ pulu hata꞉ da yu siki ma꞉nda꞉ pa꞉ta꞉ opolo pemekeme. Koto da yu pa꞉ta꞉ta꞉ wanda꞉ ma꞉nda꞉ hayekeme. Ipika꞉ bikita꞉ Mada. Koto wanda꞉ma꞉ Yesu ipika꞉ da pa꞉ta꞉ epena꞉ta꞉ ta꞉na꞉ma꞉ homeekeme.

Luku 7:42

Mo hande tondiki mipiki hali yaapoma꞉ ana꞉na꞉ ambula꞉peke na yeke handaa mo tondiki halo hayeke halima꞉ta꞉ ipilika꞉ tondikita꞉ pina꞉ pa paeyaeyekeme laata꞉ Yesuma꞉ Saimono pa꞉ta꞉ alota꞉ Koto hali yaapo epima꞉ hondo mo tondiki halo hayeke hali pa꞉ta꞉ puki anekehapu halia꞉pe leekeme.

Luku 7:44

Kutaata꞉ Yesuma꞉ pa mo wanda꞉ handolo hata꞉ Saimono pa꞉ta꞉ alota꞉ Nakana꞉ma꞉ta꞉ do wanda꞉ta꞉ handelepe. I̱ta꞉ naka꞉ da pa꞉ta꞉ a꞉pa honda꞉ pamboa꞉pate nakana꞉ma꞉ ya anke tanda꞉pa꞉peke ikali ma꞉nda꞉ na kipate do wanda꞉ma꞉ta꞉ ipika꞉ e̱ tonda꞉pa꞉ma꞉ kone ya anke tanda꞉pao ipika꞉ itikima꞉ pa mea honiaeya꞉me leekeme.

Luku 7:47

I̱ma꞉ neke pa꞉ta꞉ alome. Ipika꞉ pukima꞉ homa꞉la꞉eki tieke I̱ pa꞉ta꞉ peneme yaala꞉ ekima꞉ta꞉ ipika꞉ wopu pa꞉la꞉ hoke hauta꞉ do paeta꞉la꞉ handa꞉e laa wala꞉la꞉me. Koto pa꞉la꞉pate ma꞉nda꞉ma꞉ ipika꞉ hoke hau hosikale siki kone Koda꞉ma꞉ paeyaowaya꞉ka꞉na꞉ta꞉ kota꞉ ipikana꞉ma꞉ Koda꞉ pa꞉ta꞉ta꞉ puki hosikale siki halieke leekeme.