Luku 7:33 - Panake Pi La: Ula: Buka pita: Kine Pieke Buka

³³ Mo hande bapitaisi peao hayeke hali Dionima꞉ hoto paeyaota꞉ hoto ma꞉nda꞉na꞉ nee pi wia꞉tiki piekeeki make waini ikali na na꞉tiki pieke ekina꞉ ikana꞉ma꞉ alota꞉ Ipikita꞉ hoke temoko pila꞉ halie lememe.

Luku 7:33 Mawu Ofanana

Ma꞉tiu 10:25

Koto ekina꞉ta꞉ mo sukulu pita꞉la꞉ wekima꞉ta꞉ ipika꞉ hone pa꞉ta꞉ta꞉ Yaka disa some tupa꞉ halueke laa hone pia꞉ka꞉na꞉ta꞉ kota꞉ ana꞉ pilieke. Koto tupa꞉ kone mo e pokaasa꞉ somema꞉ make Ya e teke hali tupa꞉ kone halueke laa hone pia꞉ka꞉na꞉ta꞉ kota꞉ koto make ana꞉ pilieke. Wanda꞉halima꞉ mo da homeke pa꞉ta꞉ pambo haleme tapakena꞉ Ateke pa꞉ta꞉ mo hande hoke biki Bielisibulu la꞉ wiaemeka꞉na꞉ta꞉ kota꞉ ipika꞉ wekiwandiki pa꞉ta꞉ make koto biki ota꞉ lombei piki ota꞉ hoke bikimanu kone la꞉tiki pilimikie.

Ma꞉tiu 3:1

Koto natena꞉ta꞉ mo hande bapitaisi peao hayeke hali Dionima꞉ mo Diudiana꞉ hapiki kenke pa꞉ta꞉ a꞉pa hata꞉ pi kini pea walolo alota꞉

Ma꞉tiu 3:4

Dioni ipika꞉ yameeke dauta꞉ mo kemolo itikima꞉ wepiki dau yameekeme. Ipika꞉ hakota꞉ kao yonkeleke wepiki hako yameekeme. Ipika꞉ ne manuta꞉ odouwamanu make mo pole pukini hapeke hanimanu make no hayekeme.

Maka 1:6

Dionima꞉ta꞉ kemolo ma꞉na꞉ itikima꞉ wepieke dau pambaota꞉ ba꞉ta꞉idota꞉ ma꞉na꞉ yonkelekema꞉ wepiekeeki yameekeme. Kutupa ipika꞉ neta꞉ hombuta꞉ make boi hapeke make na꞉tiki pu hayekeme.

Luku 1:15

mo weki daeya hata꞉ta꞉ Koda꞉na꞉ leke popelekena꞉ hata꞉ hali tieke halieke laata꞉ Ipikana꞉ma꞉ta꞉ mo waini ikali make mo hoke ikali make na nelieke. Kutupa ipikita꞉ inkikina꞉ weleke pa꞉ta꞉ pitina꞉ kone mo Holi Sipitidi tumbaalieke.

Luku 7:32

Koto wanda꞉hali ikita꞉ mo makedi hama pa pitu haleme wekiwandikima꞉ handelememe. Mo tapake ma꞉nda꞉ma꞉ pa mo tapake ma꞉nda꞉ pa꞉ta꞉ wi la꞉moneaso hata꞉ alota꞉ Nikana꞉ma꞉ iki sama꞉ puemena꞉yeke tapeke luma꞉pate ikana꞉ma꞉ sama꞉ na piki kiaememe. Koto ekina꞉ nikana꞉ma꞉ pa homa꞉ emelimanu laoma꞉pate ikana꞉ma꞉ e̱ na leke kiaememe laa lemekeme.

Luku 7:34

Koto lemepate mo Wanda꞉halina꞉ Eiyeke ipiki a꞉paata꞉ ne make ikali a꞉pa na꞉tiki pieke handaata꞉ ikana꞉ma꞉ alota꞉ Do hali handa꞉pa꞉ ikali ne wopu no hake some ya꞉ka꞉ta꞉me. Kutupa ipikita꞉ mo dakisi mani mu haleme haliweki make mo wanda꞉halima꞉ ta꞉na꞉ma꞉ na homeleme tapekena꞉ yankeke hala꞉me laa lememe

Dioni 10:20

Mandane haliweki wopuma꞉ alota꞉ Ipiki pa꞉ta꞉ hoke temoko pita꞉ pa꞉la꞉me laa ipikita꞉ keaaso pita꞉la꞉me. Ipika꞉ pita꞉ ekipeke opitelemepe laa lea꞉tiki pimikipate

Dioni 8:48

Mo Diu haliwekima꞉ Yesuna꞉ pi hombo peaaso alota꞉ Nikana꞉ma꞉ neketa꞉ Sametia hali neke pa꞉ta꞉ hoke temoko pita꞉ pa꞉la꞉me loma꞉ ekita꞉ paeki loma꞉ekea.

Dioni 8:52

Mo Diu haliwekima꞉ Yesu pa꞉ta꞉ alota꞉ Ameta꞉ ota꞉ hone witoloma꞉me. Neke pa꞉ta꞉ hoke temoko pila꞉me. Eipoloha꞉ma꞉ make mo potopede haliweki make amba꞉ homemekepate nakana꞉ma꞉ alota꞉ Hali epima꞉ yaka waloloeki opua pita꞉la꞉ halita꞉ hoto ma꞉nda꞉ a꞉nda꞉ta꞉ homa꞉la꞉eki na handilieke lepate

Aposolo 2:13

mandane haliwekima꞉ mo pi mimiki haliweki pa꞉ta꞉ kitaaso hata꞉ alota꞉ Do haliwekima꞉ta꞉ hoke ikali naa keaaso pitelememe laa lemekeme.