Luku 7:21 - Panake Pi La: Ula: Buka pita: Kine Pieke Buka

²¹ Koto tomona꞉ kone Yesuma꞉ yeni ta꞉ta꞉ ta꞉ta꞉ hake wanda꞉hali make hoke temoko pitieke wanda꞉hali wopu make leke holu piki wanda꞉hali make paeyao mea epeatiki piekeme.

Luku 7:21 Mawu Ofanana

Ma꞉tiu 4:23

Yesuma꞉ mo Ka꞉lili kenke paeyao pa꞉ta꞉ pominolo hata꞉ ika꞉ pi hotu haemeke damanu pa꞉ta꞉ pi waleekeme. Ipikana꞉ma꞉ mo Koda꞉na꞉ Kilu Tombuao Hala꞉ ekina꞉ Pi Seliapomanu walolo hata꞉ mo wanda꞉halina꞉ ta꞉ta꞉ ta꞉ta꞉ piki yeni ki paeyao wamo peayekeme.

Ma꞉tiu 4:24

Koto ipika꞉ pieke hau manuna꞉ta꞉ Sitia kenke paeyao pa꞉ta꞉ kende tupa꞉ wiekeme. Koto pi opuaata꞉ wanda꞉halima꞉ yeni ta꞉ta꞉ ta꞉ta꞉ hake tanda mu haemeke wanda꞉hali make hoke temokomanu pitu make lu keaaso hata꞉ lopo haemeke wanda꞉hali make kiki anke lupa wiki wanda꞉hali make ota꞉ paeyao ipiki pa꞉ta꞉ mea epemekeme.

Maka 3:10

Pa ekipeke Yesuma꞉ wanda꞉hali wopu epeaeyeke handaata꞉ mo yeni pambemeke wanda꞉hali paeyaoma꞉ Yesu wataaluekema꞉ pasa꞉tei pimikime.

Maka 5:29

Kutupa koto kone we yopu hayekeeki tunkula ipika꞉ honema꞉ hone witolo hata꞉ta꞉ hande yeni paeya꞉me. Ameta꞉ tiaasome hone wiekeme.

Maka 5:34

Yesuma꞉ ipiki pa꞉ta꞉ alota꞉ Ya wandikio. I̱ pa꞉ta꞉ hone tulaase ekima꞉ tiaaseme. Puki lopaniao pua꞉peke. Naka꞉ yeni paeya꞉me leekeme.

Luku 7:20

Mo hande hali yaapota꞉ Yesu pa꞉ta꞉ opolo a꞉pa alota꞉ Mo bapitaisi peao hala꞉ hali Dionima꞉ neke pa꞉ta꞉ diki tapaeyeke handaa epopa꞉me. Neketa꞉ Dionima꞉ hande ipilieke leeke yu wia haloma꞉ hali ya꞉ka꞉ta꞉pe o paa hali ma꞉nda꞉ epena꞉ yu wia hamonope laa lota꞉ pitolopa꞉me lepekeme.

Hibulu 12:6

Pa ekipeke. Mo Tekehalima꞉ ipika꞉ pukima꞉ homa꞉la꞉ wanda꞉hali paeyao tikitiki yao haena꞉ la꞉la꞉me. Kutupa mandane wanda꞉hali ipika꞉ wekiwandiki haena꞉ laata꞉ ka꞉nda꞉ homa꞉ tiatiki pu hala꞉me ala꞉me.