Luku 6:49 - Panake Pi La: Ula: Buka pita: Kine Pieke Buka

⁴⁹ Koto pa꞉la꞉pate wanda꞉hali ma꞉nda꞉ epima꞉ yaka pi opuaata꞉ na pimika꞉na꞉ta꞉ ipikita꞉ mo kenke toopi na handa꞉ wiki hata꞉ kone pa hameke pinki nokopo hala꞉ hali tupa꞉e. Mo hande ikali tieke ta a꞉pa mo hande da wataa hande hande pieke pa꞉ta꞉ kone lombeekeme. Hande da lombolo hata꞉ta꞉ ota꞉ hoke tupa꞉ anekema꞉ lombeekeme leekeme.

Luku 6:49 Mawu Ofanana

Ma꞉tiu 23:3

Koto ekina꞉ta꞉ kota꞉ mo ikana꞉ma꞉ waleleme mana꞉ pimanu paeyao ota꞉ telimea pu hapa꞉peke. Kutu pulu pelemepate mo ika꞉ lokema꞉ pu haleme haumanu homeketa꞉ ota꞉ na honda꞉ mea pea꞉pa꞉peke. Pa ekipeke ikana꞉ma꞉ta꞉ mo ika꞉ waleme pimanu kone ikana꞉ma꞉ta꞉ ota꞉ na pu halemeke handa loa꞉me.

Ma꞉tiu 24:10

Koto mandake pita꞉ma꞉ koneta꞉ mandane Koda꞉ pa꞉ta꞉ hone tulaleme wanda꞉hali ika꞉ hone tulalemeeki mina꞉pa꞉lao kialimikie. Kutu pilimi wanda꞉hali pua hata꞉ta꞉ ika꞉ yankekemanu ame̱le̱ honditi pu alualu pitolo ika꞉ ika꞉ kone lina꞉ walo a꞉nda꞉ lomba꞉tiki pu alualu pilimikie.

Luku 12:47

Mo e pokaasa꞉ hali ma꞉nda꞉ epima꞉ ipika꞉ you halima꞉ pea꞉peke la꞉la꞉ haumanu hone wia ipikana꞉ma꞉ ipika꞉ kone ana꞉ lao na piki ipika꞉ you halima꞉ pea꞉peke la꞉la꞉ haumanu na pia꞉ka꞉na꞉ta꞉ kota꞉ koto halita꞉ mo you halima꞉ dopitama꞉ podela꞉ mia꞉ka꞉na꞉ta꞉ tanda tieke nelieke.

Luku 19:14

Koto laa peekepate mo hande halina꞉ da haliwekima꞉ ipiki honditi pitolo hata꞉ ipika꞉ peeke hoki nane mandane haliwekima꞉ pua lena꞉ tapaaso alota꞉ Do halita꞉ nika꞉ kini hali pitaapeketa꞉ nikita꞉ ki pa꞉la꞉me laa lolo pena꞉ tapaemekeme.

Luku 19:27

Kutupa ameta꞉ hande I̱ta꞉ ika꞉ kini hamena꞉ kiaemeke a꞉nda꞉ tunkuliki haliweki ikita꞉ hatuku a꞉pa yaka leke popelekena꞉ hata꞉ lia꞉pa꞉peke laa leekeme leekeme.

Luku 6:46

Pa ekipeke ikana꞉ma꞉ I̱ pa꞉ta꞉ Tekehalio. Tekehalio alo hata꞉ pu halemepe.

Luku 6:48

Ipikita꞉ hali ma꞉nda꞉ ipika꞉ da a꞉eluekema꞉ta꞉ yu amba꞉la aowa꞉tia pua toopi handa꞉ witolota꞉ pinkimanu koto toopi manda nokopo hala꞉ hali tupa꞉e. Ikali tieke ta ipulu hata꞉ hande da a꞉pa wataa hande hande piekepate hande data꞉ na lombeekeme. Pa ekipeke mo data꞉ ota꞉ epeke tupa꞉ a꞉eyeke handaa piekeme.

Luku 7:1

Kutupa Yesuma꞉ mo wanda꞉hali pa꞉ta꞉ koto pimanu lo paeyaota꞉ mo Kapeneami daoni nane peekeme.

Dioni 15:2

Yaka paleke mandane ekima꞉ kiliki na a꞉eya꞉ka꞉na꞉ta꞉ kota꞉ koto paleketa꞉ yaka Apa꞉ma꞉ poka mea baalieke. Kutupa mo mandane kiliki a꞉eta꞉la꞉ paleke manuta꞉ wamo peaaso hata꞉ kiliki wopu a꞉ena꞉yeke yaka Apa꞉ma꞉ poka꞉ mepi pilieke.

Aposolo 20:29

I̱ma꞉ mina꞉pa꞉lao polua꞉ natena꞉ ka̱꞉la̱꞉ta꞉ pu hala꞉ tikene kika titima꞉ iki pa꞉ta꞉ a꞉paata꞉ do ma꞉na꞉ titina꞉ a꞉ta꞉ma꞉ ota꞉ na homilimikie lea꞉me.

Aposolo 26:11

Kutupa mo wanda꞉halita꞉ pi hotu haleme da paeyao pa꞉ta꞉ panisi wotu peatiki peaata꞉ Yesu pa꞉ta꞉ hoke pi lena꞉yeke la handetiki pua꞉me. Kutupa mo wanda꞉hali pa꞉ta꞉ mineke wotu pankolo hata꞉ mandane damanu pa꞉ta꞉ kone tolu lia꞉tiki pua꞉me.

1 Desalonaika 3:5

Kutu pa꞉la꞉ ekina꞉ I̱ma꞉ Timodi tapaowa꞉me. Yuwia hapeke soka꞉la꞉ pieke handa ika꞉ hone tulaaleme ekimanu handoma꞉ tiaena꞉ Timodi tapaowa꞉me. Sadanima꞉ iki makeala꞉ ekina꞉ nika꞉ e pokoloma꞉ ekita꞉ pa alepe laa opuluekema꞉ loa꞉me.

2 Pida 2:20

Wanda꞉hali epi a꞉nda꞉ma꞉ niki pa꞉ta꞉la꞉la꞉ Tekehali Yesu Ketiso hone wita꞉la꞉eki pa꞉ta꞉ yama꞉ do kenkena꞉ honkopu hake hoke ekimanu paka꞉lao kone handeeki manuma꞉ da panda꞉ paa mina꞉ lemeka꞉na꞉ta꞉ dupiki wanda꞉halita꞉ amba꞉ hande kini pea haeme tupa꞉ dia꞉ya꞉la꞉pate ota꞉ ankulake hokeeki pa꞉ta꞉ halememe.

1 Dioni 2:19

Koto wanda꞉halita꞉ ota꞉ nika꞉ homhomeke hone wia mombololoma꞉eki tukiki pa꞉ta꞉ epea꞉pate pa na apa꞉taememe. Koto ekina꞉ ikana꞉ma꞉ niki mina꞉pa꞉lalememe. Iki a꞉nda꞉ nika꞉ mombololoma꞉eki pa꞉ta꞉ apa꞉taemekena꞉ yoluta꞉ kota꞉ niki ame̱le̱ mandakena꞉ halo pimime. Pate ika꞉ pa mina꞉pa꞉laemeketa꞉ ota꞉ ma꞉nda꞉ hondo niki ame̱le̱ na apa꞉talemeeki peneme yaasememe.