Luku 6:45 - Panake Pi La: Ula: Buka pita: Kine Pieke Buka

⁴⁵ Epeke halima꞉ta꞉ ipika꞉ puki pa꞉ta꞉ a꞉mbao ula꞉ epeke hau manuta꞉ hama nane koto epeke haumanu homeke peneme yao walieke. Hoke halima꞉ta꞉ ipika꞉ puki pa꞉ta꞉ a꞉mbao ula꞉ hoke hau manuta꞉ hama nane koto hoke haumanu homeke peneme yao walieke. Ipika꞉ kake pa꞉ta꞉ ala꞉ pi manuna꞉ teke tieketa꞉ ipika꞉ puki pa꞉ta꞉ ula꞉me leekeme.

Luku 6:45 Mawu Ofanana

Dioni 7:38

Mo Baibolo bukama꞉ la꞉la꞉ ekita꞉ dupae. Hali epima꞉ I̱ pa꞉ta꞉ hone tulaeya꞉ka꞉na꞉ta꞉ ipika꞉ puki pa꞉ta꞉ da꞉ta꞉la꞉ ikali opa wotu yapilieke la꞉la꞉me leekeme.

Aposolo 5:3

Kutu piekepate Pidama꞉ alota꞉ A꞉na꞉naisio. Ekipeke Holi Sipitidi pa꞉ta꞉ yayapiki pi alepe leekeme. Sadani naka꞉ you pa꞉ta꞉ a꞉pa pita꞉ka꞉na꞉ mo naka꞉ kenkena꞉ mele manita꞉ pa ekipeke mandaneeki panka꞉ wina꞉ laa pipe leekeme.

Epesese 3:8

Koda꞉na꞉ wanda꞉hali paeyao titina꞉ haena꞉ I̱ta꞉ ota꞉ wetepe nane halopate Koda꞉ma꞉ta꞉ mo Diendaili wanda꞉hali pa꞉ta꞉ hande Pi Seliapo I̱ma꞉ walo ponoyeke I̱ pa꞉ta꞉ kia꞉me. Hande Pi Seliapo pa꞉ta꞉ta꞉ Ketiso ipika꞉ paelo pua꞉peke na ya꞉la꞉ hamoko hala꞉eki pila꞉me.

Epesese 4:29

Hoke pi homeke a꞉nda꞉ ika꞉ kakema꞉ na leke wanda꞉hali epeaalo peleme pimanu lapa꞉peke. Kutupa ika꞉ pita꞉ wanda꞉halima꞉ opitolo hata꞉ Koda꞉ ipika꞉ pa a꞉ta꞉ma꞉ homa꞉la꞉eki mina꞉yeke loa꞉me.

Epesese 5:19

Kutupa ika꞉ yankeketiti ame̱le̱ epeke pimanu alo hata꞉ la꞉tiki pea꞉pa꞉peke. Kutupa make mo Baibolona꞉ emeli buka ula꞉ emelimanu make Tekehalina꞉ pi laaso hata꞉ ika꞉ pukima꞉ ta꞉na꞉ma꞉ homolo hata꞉ la꞉tiki pea꞉pa꞉peke.

Kolosi 3:16

Ketisona꞉ pi ipika꞉ ota꞉ epeke ta꞉ta꞉ ma꞉nda꞉ piki pi paeyaota꞉ ika꞉ puki pa꞉ta꞉ wina꞉ lapa꞉peke. Ika꞉ ika꞉ kone hone lenkene pea wita꞉la꞉eki paeyaoma꞉ walolo make tikitiki yatiki pu alualu pu hapa꞉peke. Mo Baibolona꞉ emelimanu make Tekehali yeiya꞉ laasa꞉ emelimanu make Sipitidima꞉ wala꞉la꞉ emelimanu make paeyaota꞉ ika꞉ puki nane Koda꞉ pa꞉ta꞉ keiyae alo lo hapa꞉peke.

Kolosi 4:6

Ika꞉ aleme pi manuta꞉ tende peao make ta꞉na꞉ma꞉ homa꞉tiake tupa꞉ lapa꞉peke. Kutupa ikana꞉ma꞉ paeyao pa꞉ta꞉ epeke hombo peaasa꞉eki hala꞉la꞉ ekita꞉ hone wopu wia꞉peke ya꞉la꞉me.

Hibulu 8:10

Pate pa ame mo Tekehalima꞉ alota꞉ Mo ipulua꞉ nate nina꞉ta꞉ mo Isulai wanda꞉hali ame̱le̱ la꞉ ulu polo panake pita꞉ dupa la꞉ ulueke laata꞉ Mo ya pi ulu pi manuta꞉ ika꞉ hone teke pa꞉ta꞉manu wina꞉ laota꞉ ika꞉ puki manuna꞉ make wape pealueke. Kutaa I̱ta꞉ ika꞉ Koda꞉ halueke. Kutu pua꞉ka꞉na꞉ta꞉ ikita꞉ ya wanda꞉hali halimikie.

Diudi 1:15

wanda꞉hali paeyao pa꞉ta꞉ pi yokaalu pita꞉la꞉eki mea ipilieke. Koto natena꞉ta꞉ mo hande Koda꞉ hoki walo haleme wanda꞉halina꞉ Koda꞉ kiake haumanu pu haleme ekina꞉ ipikana꞉ma꞉ yenki haluekema꞉ ma̱leke lilieke. Koto tupa꞉ kone mo Koda꞉ hoki wala hoke hau pu haleme wanda꞉halima꞉ ipiki pa꞉ta꞉ keke pimanu lo haleme ekina꞉ homeke hau kone pilieke laa leekeme.