Luku 6:42 - Panake Pi La: Ula: Buka pita: Kine Pieke Buka

⁴² Mo ti taka꞉la꞉pake tieke naka꞉ leke pa꞉ta꞉ pa wina꞉ alo hata꞉ta꞉ ekipa naka꞉ kame pa꞉ta꞉ta꞉ Naka꞉ leke ula꞉ dokolo siki meanoe lelipikipe. Aa. Makeaasa꞉ hau pu hala꞉ someo. Titina꞉ mo naka꞉ leke pa꞉ta꞉ ula꞉ ti taka꞉la꞉pake kiake amba꞉la꞉ mea baeka꞉na꞉ta꞉ kota꞉ mo naka꞉ kamena꞉ leke pa꞉ta꞉ ula꞉ dokolo siki meawaluekema꞉ta꞉ epeke handilipikie leekeme.

Luku 6:42 Mawu Ofanana

Ma꞉tiu 26:75

Kutu pieke toma꞉na꞉ta꞉ Pidama꞉ta꞉ Yesuma꞉ amba꞉ ipiki pa꞉ta꞉ la꞉ witolo Koka꞉la꞉ a̱i̱ na tiake haena꞉ nakana꞉ma꞉ hoto tepo ya biki a꞉mbao lo hoeyaalipikie leekeeki Pidama꞉ niminaeyekeme. Koto ekima꞉ta꞉ ipiki hama opolu bao tikene pua hata꞉ ipika꞉ pukima꞉ ka꞉nda꞉ tieke minolo hata꞉ e̱ tieke leekeme.

Ma꞉tiu 7:3

Ekipeke naka꞉ kamena꞉ leke pa꞉ta꞉ ula꞉ dokolo siki hone wopu witolo hata꞉ta꞉ mo naka꞉ leke pa꞉ta꞉ ula꞉ ti taka꞉la꞉pake tieketa꞉ hone na u halepe.

Ma꞉tiu 7:4

Mo ti taka꞉la꞉pake tieke naka꞉ leke pa꞉ta꞉ pa wina꞉ alo hata꞉ta꞉ ekipa naka꞉ kame pa꞉ta꞉ Naka꞉ leke ula꞉ dokolo siki meanoe lelipikipe.

Luku 13:15

Mo Tekehalima꞉ ipika꞉ pi hombo peaaso alota꞉ Makeaasa꞉ hau pu haleme haliwekio. Iki ma꞉nda꞉ hondoma꞉ mo Hoto Pila꞉ Natena꞉ ika꞉ kao o donki ma꞉na꞉ make mo ho̱linda꞉ pa꞉ta꞉ mea hama lomba꞉ ta꞉pao ikali na꞉na꞉yeke mea pelimikie.

Luku 22:32

Koto pa꞉la꞉pate I̱ma꞉ Saimono neke pa꞉ta꞉ yeni pealo ekita꞉ naka꞉ hone tulale ekita꞉ na lopena꞉yeke polome. Kutupa nakana꞉ma꞉ I̱ pa꞉ta꞉ paa la꞉ka꞉la epeka꞉na꞉ta꞉ kota꞉ naka꞉ kametonu wele pu tiaapeke leekeme.

Luku 6:41

Ekipeke naka꞉ kamena꞉ leke pa꞉ta꞉ ula꞉ dokolo siki hone wopu witolo hata꞉ta꞉ mo naka꞉ lekena꞉ ula꞉ ti taka꞉la꞉pake tieketa꞉ hone na u halepe.

Luku 6:43

Ipi saosao liki ti ma꞉nda꞉ma꞉ta꞉ hoke kiliki na a꞉ilieke. Kutupa make haka꞉teke ti ma꞉nda꞉ma꞉ta꞉ epeke kiliki na a꞉ilieke.

Aposolo 13:10

Neketa꞉ Sadanina꞉ halie. Epeke alemanu paeyao pa꞉ta꞉ a꞉nda꞉ lu halemee. Mo hoke hoke yayapiki haumanu pita꞉la꞉eki neke pa꞉ta꞉ tumba pila꞉me laata꞉ Tekehalina꞉ ota꞉ pimanu kone nakana꞉ma꞉ta꞉ yayapiki pimanu laa la꞉ka꞉laluekema꞉ taapo haleme.

Aposolo 2:38

Koto lemeke handaa Pidama꞉ iki pa꞉ta꞉ alota꞉ Koda꞉ma꞉ ika꞉ hoke hau peleme ekimanu pa paeyaena꞉yeke hone ma꞉nda꞉ la꞉ka꞉la꞉ mina wiaata꞉ Yesu Ketisona꞉ bikina꞉ bapitaisi hau pea꞉pa꞉peke. Kutu pimika꞉na꞉ta꞉ Koda꞉ma꞉ kilie aleta꞉ mo Holi Sipitidi kilieke.

Aposolo 8:21

Du pitele ekina꞉ neketa꞉ niki ame̱le̱ na hake. Pa ekipeke naka꞉ pukita꞉ Koda꞉na꞉ leke popelekena꞉ tikitiki na pa꞉la꞉me.

Loma꞉ 2:1

Nakana꞉ma꞉ hali ma꞉nda꞉ pa꞉ta꞉ kiki ma̱leke lika꞉na꞉ta꞉ kota꞉ neke pa꞉ta꞉ ketete wilieke. Do ekina꞉yeke loa꞉me. Ma꞉nda꞉ma꞉ pa꞉la꞉ ekina꞉ nakana꞉ma꞉ pu hata꞉ kone mo some pa꞉ta꞉ kiki ma̱leke lika꞉na꞉ta꞉ kota꞉ neke kone kiki ma̱leke liteleme.

2 Kotindi 5:18

Doeki paeyaota꞉ Koda꞉ma꞉ peala꞉me. Kotota꞉ ipikana꞉ma꞉ Ketiso pa꞉ta꞉ yama꞉ nikita꞉ ipika꞉ a꞉nda꞉ tunkuliki wanda꞉hali topo pea yankekemanu hamono la꞉la꞉me. Kutupa nikana꞉ma꞉ mandane wanda꞉hali ipika꞉ yankeke au laamono koto e tieke ka꞉la꞉me.

2 Timodi 2:21

Hali ma꞉nda꞉ epima꞉ mo hoke hau paeyaona꞉ ha̱i̱ a꞉nda꞉ ipiki pa꞉ta꞉ na ta̱le̱na꞉ lea꞉ka꞉na꞉ta꞉ kota꞉ ipikita꞉ ipika꞉ Tekehalima꞉ ta꞉ta꞉ piki hau tieke ma꞉nda꞉ peaena꞉ mea haena꞉ lelieke. Pa ekipeke. Mo somema꞉ ipika꞉ Tekehalima꞉ hala꞉la꞉ epeke emanu pokaaluekema꞉ tikitiki yao ula꞉ ale manuma꞉ handa hala꞉me.

2 Pida 1:9

Koto pa꞉la꞉pate ma꞉nda꞉ epima꞉ do ekimanu na wia haya꞉ka꞉na꞉ta꞉ kota꞉ koto someta꞉ leke ota꞉ doka꞉tiki yaalo hata꞉ handa꞉peke na ya꞉la꞉me. Koto pa꞉la꞉ ekima꞉ta꞉ ipika꞉ amba꞉ pa꞉la꞉ hoke haumanu tanda꞉pa paeyawala꞉ ekita꞉ hone yonka꞉lala꞉me.