Luku 6:38 - Panake Pi La: Ula: Buka pita: Kine Pieke Buka

³⁸ Ma꞉nda꞉ pa꞉ta꞉ ala꞉ta꞉ ma꞉nda꞉ pa hameke kone halemeka꞉na꞉ta꞉ kota꞉ Koda꞉ma꞉ iki pa꞉ta꞉ ipiki epetolo hata꞉ ota꞉ anekehapu tumbao iki pa꞉ta꞉ wendiao kilieke. Ekipeke ikana꞉ma꞉ ma꞉nda꞉ pa꞉ta꞉ manda꞉ meao haleleme tupa꞉ kone Koda꞉ma꞉ iki pa꞉ta꞉ make koto tupa꞉ manda꞉ meao kone kilieke leekeme.

Luku 6:38 Mawu Ofanana

Ma꞉tiu 10:42

Epima꞉ do ya hoki nane tolu hala꞉ you hali dia꞉ ya꞉la꞉pate kone pa ya hoki nane tolu hala꞉ hali ya꞉leke handaa mo hande ipi kanake homeke ma꞉nda꞉ halo haeya꞉ka꞉na꞉ta꞉ kota꞉ koto ikali halia꞉ somema꞉ ipika꞉ yenki putu piliki ota꞉ ana꞉na꞉ milieke hone wia꞉pa꞉peke alome leekeme.

Ma꞉tiu 7:2

Pa ekipeke ikana꞉ma꞉ mo mandane wanda꞉hali pa꞉ta꞉ pi yokaalu pimika꞉na꞉ta꞉ kota꞉ ika꞉ pi yokaalu pimi tupa꞉ta꞉ Koda꞉ma꞉ make iki pa꞉ta꞉ mandake piki pi yokaalu kone kilieke. Kutupa ikana꞉ma꞉ ma꞉nda꞉ pa꞉ta꞉ manda꞉ mineme manda꞉ma꞉ kone Koda꞉ma꞉ iki make homeke manda꞉ma꞉ kone milieke.

Maka 4:24

Kutupa Yesuma꞉ iki pa꞉ta꞉ alota꞉ Mo opiteleme ekimanu hone wopu wia꞉pa꞉peke. Ikana꞉ma꞉ haleme tupa꞉ kone koto ana꞉na꞉ paa milimikie. Kutupa pa haka꞉ta꞉pao mandane ekimanu make milimikie leekeme.

Luku 6:30

Hali ma꞉nda꞉ma꞉ neke pa꞉ta꞉ ale ma꞉nda꞉ kie laa honke lea꞉ka꞉na꞉ta꞉ hala꞉peke. Hali ma꞉nda꞉ma꞉ naka꞉ ala꞉ta꞉ ma꞉nda꞉ mia꞉ka꞉na꞉ta꞉ ipiki pa꞉ta꞉ Yaka ale paa kie laa paa na mia꞉peke.

Dia꞉mesi 2:13

Hali ma꞉nda꞉ma꞉ wanda꞉hali pa꞉ta꞉ a꞉ta꞉ma꞉ homa꞉la꞉eki na pu haya꞉ka꞉na꞉ta꞉ wetepe mo hande pi yokaalu pulu pa꞉la꞉ teke halima꞉ mo hau pilie hali pa꞉ta꞉ make a꞉ta꞉ma꞉ na homilieke. Kutu piliepate mo a꞉ta꞉ma꞉ homa꞉la꞉ ekima꞉ta꞉ ipikana꞉ma꞉ panisi pealo pa꞉la꞉ ekita꞉ bepolalieke.