Luku 6:22 - Panake Pi La: Ula: Buka pita: Kine Pieke Buka

²² Ikita꞉ mo Wanda꞉halina꞉ Eiyeke tolu halemeke handaa mandane wanda꞉halima꞉ iki pa꞉ta꞉ yaala꞉ma꞉ homao make tanda ku make ika꞉ biki hoeyaaluekema꞉ hoke ba꞉sa꞉ pitolo yayapiki pimanu sa꞉mba꞉lao pitolo haena꞉ kone

Luku 6:22 Mawu Ofanana

Ma꞉tiu 10:18

Paa yanaaso ya biki hoeyaaluekema꞉ ikana꞉ma꞉ ikita꞉ mo kapomani tumiki haliwekimanu pa꞉ta꞉ make mo kinimanu pa꞉ta꞉ make hatuku pelimikie. Kutu pilimi toma꞉na꞉ta꞉ ikana꞉ma꞉ mo Pi Seliapota꞉ koto kapomani tumiki haliweki pa꞉ta꞉ make mo Diendaili wanda꞉hali pa꞉ta꞉ make waloemena꞉ waleke wilieke.

Ma꞉tiu 10:22

Ikana꞉ma꞉ ya e pokaaseme haliweki hata꞉ ya biki miniki haleme ekina꞉ta꞉ wanda꞉hali paeyaoma꞉ iki hoki wala kialimikie. Kutu pilimipate kone mo haumanu ipulu haena꞉ kone mo paelo pa꞉la꞉ nate opolo epena꞉ yu wia hata꞉ honkopu hao bepolatiki pu halia꞉ someta꞉ da꞉taa haena꞉ lelieke.

Ma꞉tiu 10:39

Ma꞉nda꞉ hali epima꞉ ipika꞉ honkopuma꞉ kone ipika꞉ da꞉ta꞉la꞉eki muluekema꞉ taapo haya꞉ka꞉na꞉ta꞉ kota꞉ ipika꞉ da꞉ta꞉la꞉eki alupalieke. Pate ya e amba꞉la pokaaluekema꞉ ipika꞉ da꞉ta꞉la꞉eki amba꞉la hone na wia꞉ka꞉na꞉ta꞉ kota꞉ koto somena꞉ da꞉ta꞉la꞉ ekita꞉ pa u halieke.

Luku 20:15

Koto laata꞉ ikana꞉ma꞉ mo someta꞉ e tikene nane yola꞉ mea puaata꞉ lia homaemekeme leekeme. Koto pimanu la paeyeketa꞉ Yesuma꞉ mo wanda꞉hali lota꞉ pitolo alota꞉ Do ena꞉ tekehali opolo epea꞉ka꞉na꞉ta꞉ kota꞉ mo e handeteke haleme haliweki pa꞉ta꞉ta꞉ eki haumanu pilia꞉pe.

Luku 21:17

Yaka biki melemeke handaa wanda꞉hali paeyaoma꞉ iki ota꞉ kiaalimikie.

Luku 6:21

Ame tea꞉ma꞉ homeleme wanda꞉hali iki ta꞉na꞉ma꞉ homo halememe. Ikita꞉ weleke tieke telieke. Ame e̱ aleme wanda꞉hali ikita꞉ ta꞉na꞉ma꞉ homo halememe. Ikita꞉ kitelimikie.

Dioni 12:42

Kutu pimikipate mo Diu you haliweki wopuma꞉ Yesu pa꞉ta꞉ hone tulaemekepate mo Pa꞉tisi haliweki pa꞉ta꞉ pieke handaata꞉ ika꞉ pi hotu haemeke da pa꞉ta꞉ ika꞉ ula꞉eki yokaama꞉na꞉ ika꞉ hone tulaemekeeki peneme yao na lemekeme.

Dioni 16:2

Mo hande pi hotu haleme da pa꞉ta꞉manu iki poemena꞉yeke iki yokilimikie. Kutupa wetepena꞉ mandane haliwekima꞉ta꞉ iki litolo hata꞉ta꞉ Koda꞉na꞉ e pokaasoma꞉me laa hone wilimikie.

Dioni 17:14

Naka꞉ pita꞉ I̱ma꞉ iki pa꞉ta꞉ amba꞉ la haloa꞉me. Koto polo ekina꞉ do kenke wanda꞉halima꞉ta꞉ iki pa꞉ta꞉ honditi pu halememe. I̱ta꞉ do kenkena꞉eki na halo tupa꞉ koto haliweki make do kenkena꞉eki na haleme ekina꞉ pitelememe.

Dioni 7:7

Kenke wanda꞉hali paeyaoma꞉ iki pa꞉ta꞉ ota꞉ ki hone wia꞉peke na ya꞉la꞉pate I̱ma꞉ ika꞉ piteleme haumanu hoke ekie laa lo halo ekina꞉ I̱ pa꞉ta꞉ ki hone witelememe.

Dioni 9:34

Koto ekina꞉ mo haliwekima꞉ ipika꞉ pi hombo peaaso alota꞉ Naka꞉ ama꞉ma꞉ hokeeki tukiki pa꞉ta꞉ hata꞉ ma꞉nda꞉leke daele halima꞉ kone niki waluekema꞉ alepe lemekeme. Koto laa mo halita꞉ mo pi hotu haemeke da pa꞉ta꞉ na epena꞉yeke pao yoka ta꞉ta꞉ haena꞉ lemekeme.

Aposolo 22:22

Hande wanda꞉halima꞉ Polona꞉ pi amba꞉ opimikipate mo koto leekeeki opuaata꞉ taka꞉lake pi la alu alu pea alota꞉ Do hali lumana꞉e. Apa꞉e. Ipikita꞉ ota꞉ homaena꞉ lapeke aleo leekeme.

Aposolo 24:5

Do hande halima꞉ta꞉ wanda꞉hali hao hoeyaena꞉ dupi dupi laa sutiao hala꞉ hali hala꞉ ekita꞉ handoma꞉me. Ipikana꞉ma꞉ do kenke paeyao pa꞉ta꞉ Diu haliweki ame̱le̱ a꞉nda꞉ semba꞉lalo pa꞉la꞉ pi la꞉tiki pomu hala꞉me. Ipikita꞉ mo Na꞉sa꞉tini tapake wanda꞉halina꞉ you hali ma꞉nda꞉ hala꞉me.

Aposolo 9:16

I̱ma꞉ yaka hauna꞉ tanda pa꞉la꞉eki mina꞉ la waluekema꞉ pue leekeme.

Dia꞉mesi 1:12

Hali epima꞉ mo la handa꞉la꞉ ekimanu epena꞉ kone da̱o̱la haya꞉ka꞉na꞉ta꞉ ta꞉na꞉ma꞉ homilieke. Do ekina꞉yeke loa꞉me. Mo halima꞉ta꞉ mo la handa꞉la꞉ ekimanu paeyao bepolaeya꞉ka꞉na꞉ta꞉ Koda꞉ma꞉ ipiki pa꞉ta꞉ yenki halolo hata꞉ta꞉ deto hala꞉eki kone halieke. Koto yenkita꞉ Koda꞉ma꞉ amba꞉ pi la꞉ witolo hata꞉ I̱ pa꞉ta꞉ pukima꞉ homa꞉la꞉ wanda꞉hali pa꞉ta꞉ deto hala꞉eki halueke laa pi la꞉ ula꞉me.

1 Pida 3:14

Kutu pa꞉la꞉pate epeke hau pitolo hata꞉ kone ka꞉nda꞉ mimika꞉na꞉ta꞉ kota꞉ ta꞉na꞉ma꞉ wotu homa꞉pa꞉peke ya꞉la꞉me. Wanda꞉hali pa꞉ta꞉ paala꞉ma꞉ na homeke hone baapa꞉peke.