Luku 5:26 - Panake Pi La: Ula: Buka pita: Kine Pieke Buka

²⁶ Kutupa koto piekeeki handaata꞉ mo hande wanda꞉hali manuta꞉ penkilipa꞉tia pomua ikita꞉ pututuma꞉ homolo hata꞉ Koda꞉na꞉ biki mea miniliaaso alota꞉ Ameta꞉ nikana꞉ma꞉ na handeke epeke haumanu wotu handoma꞉me lemekeme.

Luku 5:26 Mawu Ofanana

Ma꞉tiu 12:23

Kutupa mo hande mombelemeke wanda꞉halima꞉ kutu pia꞉eki handolo ikana꞉ma꞉ tola꞉tia pominolo alota꞉ Do someta꞉ Deipidina꞉ eiyeke yaalo pa꞉la꞉me laa lota꞉ lota꞉ pimikime.

Ma꞉tiu 28:8

Koto pi lo paeyeke opuaata꞉ mo wanda꞉ yaapoma꞉ pututuma꞉ homa꞉peke pateta꞉ ta꞉na꞉ tieke make homa꞉ paleke a̱i̱ koto kone mo lapa꞉ mina꞉pa꞉lao mo disaipolo tonu pa꞉ta꞉ la haluekema꞉ a̱i̱ a̱i̱ya pepekeme.

Ma꞉tiu 9:8

Wanda꞉halima꞉ koto hau handolota꞉ paala꞉ma꞉ homemekeme. Do epeaasa꞉ weleta꞉ Koda꞉ma꞉ haliweki pa꞉ta꞉ halaa pia꞉ka꞉ta꞉me laa ipika꞉ biki yeiya꞉ laemekeme.

Maka 2:12

Koto leeke handaa mo hali tiaeyekeme. Koto kone ipika꞉ tili tamba꞉ mea mina paeyaoma꞉ handolo haena꞉ hama peekeme. Koto ekina꞉ iki paeyaoma꞉ penkilipa꞉ Koda꞉na꞉ biki mea a꞉meiyao alota꞉ Dupita꞉la꞉ ekita꞉ ota꞉ hoto homeke a꞉nda꞉ na handoloma꞉ haue lemekeme.

Luku 1:65

Koto ekina꞉ta꞉ koto pa꞉ta꞉ haemeke wanda꞉halima꞉ paala꞉ma꞉ homemekeme. Kutupa mo pieke ekimanu mo Diudia nane peiyene pa꞉ta꞉ hayeke da sunu paeyao pa꞉ta꞉manu la꞉tia pomimikime.

Luku 5:8

Kutu piekeeki handaata꞉ Saimono Pidama꞉ Yesu teke pa꞉ta꞉ tumiki yotuao alota꞉ Tekehalio. I̱ta꞉ hoke hau polo somema꞉ I̱ kiao pue leekeme.

Luku 7:16

Koto ekina꞉ta꞉ wanda꞉hali paeyaoma꞉ dupiki hau hando hao pututuma꞉ homolo hata꞉ Koda꞉na꞉ biki mea miniliaaso hata꞉ alota꞉ Ota꞉ aneke potopede ma꞉nda꞉ niki tukiki pa꞉ta꞉ a꞉pa꞉la꞉me. Koda꞉ma꞉ ipika꞉ wanda꞉hali tamba꞉ muluekema꞉ yeke a꞉pa꞉la꞉me lemekeme.

Luku 8:37

Kutupa mo Kedasa kenke wanda꞉hali paeyaoma꞉ paala꞉ma꞉ homolo hata꞉ Yesu pa꞉ta꞉ alota꞉ Nakana꞉ma꞉ niki mina꞉pa꞉lao pue lemekeme. Koto lemeke Yesuma꞉ mo kawasona꞉ pitulu pua peekeme.

Aposolo 4:21

Kutupa wanda꞉hali paeyaoma꞉ kutu piekeeki hando hao Koda꞉na꞉ pi laemeke handa hali yaapo panisi peaapeke na yeke pi taka꞉lakema꞉ paa laata꞉ da pena꞉ tapaemekeme.

Ka꞉leisia 1:24

kota꞉ koto ekina꞉ta꞉ ikana꞉ma꞉ Koda꞉na꞉ biki yeiya꞉ laemekeme.