Luku 5:21 - Panake Pi La: Ula: Buka pita: Kine Pieke Buka

²¹ Koto leekeeki opuaata꞉ mo Lo Pimanu wala꞉la꞉ haliweki make mo Pa꞉tisi haliweki paeyaoma꞉ ika꞉ ika꞉ kone pi pi alo alota꞉ Mo Koda꞉na꞉ biki hoeyaaso pimanu ala꞉ halita꞉ epi ya꞉ka꞉ta꞉pe. Ma꞉nda꞉na꞉ hoke hau manuta꞉ Koda꞉ma꞉ homeke ana꞉na꞉ paeyaapeke ya꞉la꞉taa lemekeme.

Luku 5:21 Mawu Ofanana

Ma꞉tiu 26:65

Koto pi opitolo hata꞉ta꞉ mo yeni peao hayeke you halima꞉ ipika꞉ dau sinkipolo hata꞉ alota꞉ Koda꞉ laasa꞉ pi ala꞉me. Ekipeke mo la kita꞉la꞉ haliweki ma꞉nda꞉ paa muluma꞉pe. Koda꞉ laasa꞉ pimanu opuma꞉me.

Ma꞉tiu 9:3

Mandane wape pea walo haemeke haliwekima꞉ koto leekeeki opua ika꞉ honema꞉ alota꞉ Do somema꞉ Koda꞉na꞉ biki hoeyake pi ala꞉me hone wimikime.

Luku 3:8

Ika꞉ pimi hoke haumanu paeyao amba꞉ hoki waleme ekina꞉ wanda꞉halima꞉ handena꞉ mo epeke kiliki a꞉ela꞉ tima꞉ pa꞉la꞉eki pina꞉ epeke haumanu pea꞉pa꞉peke. Koto ekina꞉ta꞉ ikana꞉ma꞉ Nika꞉ meita꞉ Eipoloha꞉ma꞉e laa kutupiki pimanu na lapa꞉peke laata꞉ Dionima꞉ iki pa꞉ta꞉ alota꞉ Opua꞉pe. Koda꞉ma꞉ do toopimanu meaata꞉ Eipoloha꞉ma꞉na꞉ mondu semba꞉lala꞉ wanda꞉hali ana꞉na꞉ wepia haena꞉ lapeke ya꞉la꞉me alome.

Luku 5:17

Nate ma꞉nda꞉na꞉ Yesuma꞉ wanda꞉hali pa꞉ta꞉ Koda꞉na꞉ pi walolo haena꞉ta꞉ mandane Pa꞉tisi haliweki make mo Lo Pimanu wala꞉la꞉ haliweki make pitimikime. Koto haliwekita꞉ Ka꞉lili kenke pa꞉ta꞉ hala꞉ daonimanu make Diudia kenke pa꞉ta꞉ hala꞉ daonimanu make mo Diutuseleme teke da pa꞉ta꞉ make a꞉pa pitimikime. Koto natena꞉ta꞉ mo yeni homemeke wanda꞉hali paeyao Yesuma꞉ mea epeaena꞉ mo Tekehali Koda꞉na꞉ weleta꞉ ipiki pa꞉ta꞉ aneke hapu hayekeme.

Luku 5:22

Kutupa mo haliwekima꞉ hone wimiki ekita꞉ Yesuma꞉ amba꞉ hone wia iki pa꞉ta꞉ alota꞉ Ekipeke ikana꞉ma꞉ ika꞉ hone pa꞉ta꞉ do honemanu witelemepe laa lota꞉ pitolo alota꞉

Luku 7:49

Pate mo teipolona꞉ tilao pitimiki wanda꞉halima꞉ ika꞉ ika꞉ kone pi la alualu pitolo hata꞉ alota꞉ Do hoke hau kone tanda꞉paasa꞉ halita꞉ epi ya꞉ka꞉ta꞉pe lemekeme.

Dioni 10:33

Mo Diu haliwekima꞉ ipika꞉ pi hombo peaaso alota꞉ Nakana꞉ma꞉ epeke peleeki ma꞉nda꞉na꞉ hone witolo hata꞉ toopima꞉ neke luekema꞉ na pitoloma꞉pate pa Koda꞉ laasa꞉ ekina꞉ pitoloma꞉me. Neketa꞉ pa hali ya꞉la꞉pate nakana꞉ma꞉ Koda꞉ tupa꞉ hata꞉ kone alome le ekina꞉ pitoloma꞉me.

Loma꞉ 8:33

Koda꞉ma꞉ talopu mea haena꞉ la꞉la꞉ wanda꞉halita꞉ hali epima꞉ samani piliepe. Dia꞉me. Koda꞉ma꞉ kone iki pa꞉ta꞉ alota꞉ Eki a꞉nda꞉ na piki wanda꞉halie la ala꞉me.