Luku 5:14 - Panake Pi La: Ula: Buka pita: Kine Pieke Buka

¹⁴ Yesuma꞉ pi honkopu hao ipiki pa꞉ta꞉ alota꞉ Do pitolo ekita꞉ ma꞉nda꞉ pa꞉ta꞉ a̱i̱ na leketa꞉ pa mo yeni peao hala꞉ halima꞉ titina꞉ amba꞉la naka꞉ yeni ota꞉ paela꞉pe laa handena꞉ a̱i̱ ipiki pa꞉ta꞉ pua꞉peke. Kutaata꞉ wanda꞉halima꞉ naka꞉ yenita꞉ ota꞉ paela꞉me hone wina꞉ mo hande Mosesima꞉ la꞉ wieke tupa꞉ Koda꞉ pa꞉ta꞉ lia hala꞉la꞉ ale lia hala꞉peke leekeme.

Luku 5:14 Mawu Ofanana

Ma꞉tiu 10:18

Paa yanaaso ya biki hoeyaaluekema꞉ ikana꞉ma꞉ ikita꞉ mo kapomani tumiki haliwekimanu pa꞉ta꞉ make mo kinimanu pa꞉ta꞉ make hatuku pelimikie. Kutu pilimi toma꞉na꞉ta꞉ ikana꞉ma꞉ mo Pi Seliapota꞉ koto kapomani tumiki haliweki pa꞉ta꞉ make mo Diendaili wanda꞉hali pa꞉ta꞉ make waloemena꞉ waleke wilieke.

Ma꞉tiu 12:16

ikana꞉ma꞉ ipika꞉ biki mandane wanda꞉hali pa꞉ta꞉ la halaama꞉na꞉ yeke na lapa꞉peke leekeme.

Ma꞉tiu 8:4

Kutu pieketa꞉ Yesuma꞉ mo some pa꞉ta꞉ Opie la alota꞉ Doeki ma꞉nda꞉ pa꞉ta꞉ amba꞉la na leketa꞉ pa mo yeni peao hala꞉ halima꞉ titina꞉ amba꞉la naka꞉ yeni ota꞉ paela꞉pe laa handena꞉ a̱i̱ ipiki pa꞉ta꞉ pua꞉peke. Kutaata꞉ wanda꞉halima꞉ naka꞉ yenita꞉ ota꞉ paela꞉me hone wina꞉ mo hande Mosesima꞉ la꞉ wieke tupa꞉ Koda꞉ pa꞉ta꞉ lia hala꞉la꞉ ale lia hala꞉peke leekeme.

Ma꞉tiu 9:30

Koto pi alo haena꞉ kone ipilika꞉ leke ki leekeme. Kutu pieke Yesuma꞉ ipiliki hando alo hata꞉ alota꞉ Ma꞉nda꞉ pa꞉ta꞉ na pua lapa꞉peke leekeme.

Maka 1:44

Hone wopu wia pua꞉peke. Ma꞉nda꞉ pa꞉ta꞉ pi na leke ame do kone mo yeni peao hala꞉ hali pa꞉ta꞉ naka꞉ loke pua wala꞉peke. Kutupa mo hande Mosesima꞉ hala꞉peke laa waleeke aleta꞉ naka꞉ kindi yeni wamo peaowa꞉ ekina꞉ mea hala꞉peke. Kota꞉ koto hauta꞉ mo wanda꞉halima꞉ handena꞉yeke loa꞉me leekeme.

Maka 6:11

Da ma꞉nda꞉ nane pemeka꞉na꞉ta꞉ iki na handa꞉ mimika꞉na꞉ta꞉ ika꞉ pi na opimiki kiaemeka꞉na꞉ta꞉ kota꞉ koto da pa꞉ta꞉ na hake pemeka꞉na꞉ta꞉ ika꞉ ankena꞉ tala꞉la꞉ dokolo tandelapa꞉peke. Mo wanda꞉halima꞉ kiaemekeeki tombo waluekema꞉ tandelapa꞉peke leekeme.

Luku 17:14

Yesuma꞉ iki handa alota꞉ mo yeni peao hala꞉ haliwekima꞉ iki handena꞉ pupe leekeme. Kutupa mo haliwekita꞉ mo pota꞉na꞉ pulu haena꞉ kone mea epeaeyekeme.

Luku 5:13

Koto leeke pi opua Yesuma꞉ ipika꞉ kiki tindipao mo halina꞉ lokena꞉ wataaso hata꞉ alota꞉ I̱ma꞉ ya hone pa꞉la꞉me. Naka꞉ loke epena꞉e. Koto leeke handaata꞉ koto kone mo kindi yeni hayekeeki tandela꞉pa peekeme.

Luku 9:5

Daoni ma꞉nda꞉ pa꞉ta꞉ mandali epima꞉ iki na handa꞉ mimika꞉na꞉ta꞉ kota꞉ koto daoni mina꞉pa꞉laaso hata꞉ mo wanda꞉hali kinki pitolota꞉ ika꞉ ankena꞉ ta̱la̱꞉la̱꞉ dokolo tande lapa꞉peke leekeme.