Luku 4:35 - Panake Pi La: Ula: Buka pita: Kine Pieke Buka

³⁵ Koto ekina꞉ Yesuma꞉ mo hoke temoko pa꞉ta꞉ tandapiki pi alo hata꞉ alota꞉ Neketa꞉ koto hali ota꞉ mina꞉pa꞉lao naka꞉ pi na leke a̱i̱ hosiki ya꞉la꞉na꞉ kone yopue leekeme. Koto pi leekeeki opua mo hoke temokoma꞉ mo wanda꞉halina꞉ leke taapuna꞉ mo hali mea wato lopao yopusiki hama nane opolu baeyekepate mo halina꞉ loke ma꞉nda꞉ na mea hoeyaeyekeme.

Luku 4:35 Mawu Ofanana

Ma꞉tiu 17:18

Kutupa Yesuma꞉ Mo hoke temoko hando alo hata꞉ mo weki mina꞉pa꞉lae leeke handaata꞉ mo hoke temokoma꞉ mo weki mina꞉pa꞉layekeme. Kutu pieketa꞉ pa koto toma꞉na꞉ kone mo weki epea tiao hayekeme.

Ma꞉tiu 8:26

Yesuma꞉ hombo peaaso alota꞉ Ekipeke handa paala꞉ tiekema꞉ homelemepe. Ikita꞉ hone wotu na tulake some hombo ya꞉ka꞉ta꞉me laata꞉ Ipikana꞉ma꞉ tia liao hata꞉ mo hande po tilipu pita꞉ ikali ho yaapo tunkulina꞉ pi leekeme. Koto leeketa꞉ mo hande po ikali yaapo tunkula la꞉ma꞉ na piki e pondo na leke wiekeme.

Maka 1:26

Koto leeke handaa hoke temokoma꞉ hoke e̱ wi la꞉ paleke mo hali mea putuputu liaaso hata꞉ mina꞉pa꞉lao opolu baeyekeme.

Maka 4:39

Yesuma꞉ tiao mo po tilipu pa꞉ta꞉ make mo ikali pa꞉ta꞉ make pi alo hata꞉ alota꞉ Pae. Tunkulie leekeme. Po tilipu tunkula ikali la꞉ma꞉ la꞉ma꞉ na piki pa wiekeme.

Maka 9:26

Koto pi opuaata꞉ hoke temokoma꞉ hoke e̱ wi alo hata꞉ mo weki wopu mea lu keaota꞉ mina꞉pa꞉lao opolu bao yapeekeme. Kutu pieketa꞉ mo weki ota꞉ homeeke hali toko leke wiekeme. Koto ekina꞉ wanda꞉hali eleke elekema꞉ alota꞉ Ipikita꞉ ota꞉ homea꞉ka꞉ta꞉me lemekepate

Luku 11:22

Koto pa꞉la꞉pate ota꞉ honkopu wopu hake hali ma꞉nda꞉ma꞉ koto da teke hali yaapo a꞉nda꞉ pea mo da teke hali lu bepolaota꞉ ipika꞉ a꞉nda꞉ alemanu paeyao mea pelieke. Kutupa mo pake mia꞉ ale manuta꞉ telipilieke.

Luku 4:23

Koto lemeke handaa Yesuma꞉ mo wanda꞉hali pa꞉ta꞉ alota꞉ Ota꞉ loa꞉me laa Ikana꞉ma꞉ I̱ pa꞉ta꞉ make mo wanda꞉halima꞉ amba꞉ loma꞉ loma꞉ pa꞉la꞉me pi siki ma꞉nda꞉ dupa lelimikie. Dokeda halio. Naka꞉ yenita꞉ naka꞉ kone mea epeapeke lelimikie. Kutupa pi ma꞉nda꞉ make I̱ pa꞉ta꞉ dupa lelimikie. Hau ma꞉nda꞉ ma꞉nda꞉ mo Kapeneami teke da nane hata꞉ pi hande hau manuta꞉ nikana꞉ma꞉ amba꞉ opuma꞉me. Kota꞉ do naka꞉ ota꞉ teke da pa꞉ta꞉ make kutupiki homeke haumanu kone pie laa lelimikie laata꞉

Luku 4:39

Kota꞉ ipiki pua mo wanda꞉ homa꞉pa wieke alena꞉ pa꞉ta꞉liki nane pua tiao hata꞉ mo hande titipu yeni hayeke ekima꞉ mo wanda꞉ mina꞉pa꞉laena꞉ tanda piki pi leekeme. Kutupiki pi leeke handaata꞉ mo yenima꞉ mo wanda꞉ mina꞉pa꞉lao tandela꞉pa yapeeke handaata꞉ koto kone mo wanda꞉ma꞉ tiao hata꞉ mo tapakena꞉ ne wamo peayekeme.

Luku 4:41

Kutupata꞉ mo hoke temoko manuma꞉ wanda꞉hali aneke tukiki pa꞉ta꞉ pita e̱ la꞉tiki yopulu hata꞉ alota꞉ Neketa꞉ Koda꞉na꞉ eiyekee lemekeme. Yesuma꞉ mo hoke temoko manuma꞉ pi ma꞉nda꞉ laama꞉na꞉ pi taka꞉lake leekeme. Pa ekipeke. Ika꞉ hone wimikipate ipikita꞉ hande Mesaya yeke handaa pimikime.

Luku 8:24

Kutupa ikana꞉ma꞉ Yesu a꞉pa tiao alota꞉ Aneke halio. Aneke halio. Nikita꞉ teke pa꞉ta꞉ do homoloma꞉ handa꞉e lemekeme. Koto lemeke Yesu tiaota꞉ mo hande honkopu wopu hake po tilipu pa꞉ta꞉ make mo la꞉ma꞉ la꞉ma꞉ piki honkopu hake ikali yaapo pa꞉ta꞉ta꞉ Paae leeke handaa ipilika꞉ honkopu paeyao upa lopaata꞉ la꞉ma꞉ na piki e̱ pondo na lepekeme.

Luku 9:39

Kutupa ipikita꞉ mo hoke temokoma꞉ mina꞉tiki pita꞉la꞉ natena꞉ta꞉ e̱ wi tieke la꞉tiki pu hala꞉me. Kutupa mo hoke temokoma꞉ mo weki mea lu keao kake pa꞉ta꞉ dako hankoloma꞉ lu hala꞉me. Kutupa mo hoke temokoma꞉ yombu moneatiki pu hata꞉ a̱i̱ na mina꞉pa꞉lalieke.

Luku 9:42

Mo weki ipulu haena꞉ta꞉ mo hande hoke temokoma꞉ mo weki kenkena꞉ mea lopao lu keayekeme. Yesuma꞉ mo hoke temoko hando laata꞉ mo weki mea epeao ipika꞉ ateke pa꞉ta꞉ paa hala꞉ moneayekeme.

Peneme Yaeyekeeki 12:12

Koto ekina꞉ta꞉ oli hepeni make koto pa꞉ta꞉ haleme wanda꞉halio paeyao ta꞉na꞉ma꞉ homa꞉pee. Pate oni dawala pita꞉ kenke yaapota꞉ paala꞉e. Pa ekipeke hande Sadanita꞉ iki pa꞉ta꞉ a꞉pa꞉la꞉me. Kutupa ipikita꞉ hosiki nate lekesiki homeke ula꞉me hone witolo hata꞉ ota꞉ hoke mineke panka꞉la꞉me.